20 கட்டடங்கள் 32 வாகனங்கள் வெடி விபத்தில் சேதம், அரசாங்கம் விசாரணைகளை புறக்கணித்து வருகின்றது.

ஞாயிற்றுகிழமை, செப்டம்பர் 19, 2010

மட்டக்களப்பு கரடியனாறு பொலிஸ் நிலையத்தில் இடம்பெற்ற பெரும் வெடிவிபத்தில் 32 வாகனங்கள், 20 கட்டடங்களும் சேதமடைந்துள்ளன. இந்தச் சம்பவம் தொடர்பாக இடம் பெற்ற விசாரணைகளில் சேதங்கள் குறித்து மதிப்பிட்டுள்ளது. அங்கு மேற்கொள்ளப்பட்ட விசாரணை களில் 25 அடி ஆழமான குழி ஏற்பட்டது.

400 அடி தூரத்தில் 2 உடல்களின் சிதைவுகள் சிதறிக் காணப்பட்டன என்றும் தெரிவிக்கப்பட்டது. அந்தப் பகுதி நேற்றுச் சுத்திகரிக்கப் பட்டபோது சம்பவத்தில் கொல்லப்பட்ட வர்களின் அவயவங்கள் சிதைந்து ஆங்காங்கே வீசப்பட்டிருந்ததைக் காண முடிந்தது. இச்சம்பவத்தில் காணாமற்போன இரு பொலிஸாரில் ஒருவரின் உடல் சிதைவுகளே அவை என அடையாளம் காணப்பட்டுள்ளது.அரசாங்கம் இந்த மிகப்பெரும் வெடிப்பு சம்பவத்தினை விசாரித்து உண்மயினை கண்டறிவதில் புறக்கணித்து வருவதாக சர்வதேச ஊடகக்ங்கள் குறிப்பிட்டுள்ளன. அது தமது அரசியலுக்கு இழுக்கு ஏற்பட்டுவிடுமா என்பதிலேயே அரசாங்கம் குறியாக உள்ளதாக கூறப்படுகின்றது.

அதேவேளை மட்டக்களப்பு ஆஸ்பத்திரியில் சிகிச்சை பெற்று வருபவர்களில் பொலிஸார் ஒருவர் நேற்று மரணமானார் என்று ஆஸ்பத்திரி வட்டாரங்கள் தெவித்தன. இந்தச் சம்பவத்தில் ஓட்டோ, டிராக்டர், கார், சைக்கிள், மோட்டார் சைக்கிள் போன்ற 32 வாகனங்கள் மோசமாகச் சேதமடைந்துள்ளன என்றும்

அரச ஆஸ்பத்திரி, பாடசாலை உட்பட வீடுகள் அடங்கலாக 20 கட்டடங்கள் சேத மடைந்துள்ளன என்றும் மதிப்பிடப்பட் டுள்ளது. பொலிஸ் நிலையத்துக்கு அருகில் அமைந்திருந்த கமநலசேவை நிலையக் கட்டடமும் முற்றாக அழிவடைந்துள்ளது. என்றும் ஆரம்ப கட்ட விசாரணைகள் கூறுகின்றனவாம்.

ஈழ நாதம்