ஆண்களை ஹேண்டில் செய்ய அடுத்து பெண்கள் தெரிந்துகொள்ள வேண்டிய இன்னொரு மகா முக்கியமான டெக்னிக் காமம்.

இந்தியப் பெண்களைப் பொருத்த வரை சின்ன வயதில் இருந்தே ‘அச்சம், மடம், நாணம், பயிர்ப்பு’ என்று போதித்தே வளர்க்கப்படுவதால் காமத்தில் பெரிய ஈடுபாட்டை காட்டிக்கொண்டால் தன்னை கணவன் கெட்ட பெண் என்று நினைத்துவிடுவானோ என்கிற பயம் தலைதூக்கிவிடுகிறது.

இதனாலேயே பெண்கள் ரொம்ப சலிப்புடன் காமத்தில் ஈடுபடுவது உண்டு.

அவர்கள் நினைக்கிறார்கள். ‘‘இப்படி நான் வேண்டா வெறுப்பாக கிடந்தால், ஆஹா இவள் எவ்வளவு நல்லவள், உத்தம சிரோன்மணி என்றெல்லாம் கணவன் பாராட்டுவான் என்று.ஆனால் ஆண்கள் இது பற்றி என்ன நினைக்கிறார்கள் தெரியுமா. ‘‘பொம்பளைன்னா ஓர் உணர்ச்சி வேண்டாமா? இப்படி என்ன பண்ணாலும் பண்ணிக்கோன்னு மரம் மாதிரி கிடந்தா மனுஷனுக்கு எப்படித் தான் மூட் வருமாம்?இவளோட இருக்குறதும் ஒண்ணுதான், செத்த பிணத்தோட இருக்குறதும் ஒண்ணுதான்’’ என்று நொந்து போகிறார்கள் ஆண்கள்.

இந்த ஆண்கள் ஏன் இப்படி இவ்வளவு ஃபீல் பண்ணுகிறார்களாம்? அவர்களுக்கு வேண்டியது செக்ஸ் மட்டும்தான் என்றால் இவள் மரமாக இருந்தால் என்ன, மண்ணாங்கட்டி மாதிரி கிடந்தால் என்ன, வந்தோமா, வேலையை முடித்துக் கொண்டு போனோமா என்று இருக்க வேண்டாமா? என்று பல பெண்கள் நினைக்கிறார்கள்.காரணம் இவர்களுக்கு ஆணின் மூளை அமைப்பைப் பற்றி தெரியாததுதான்.

எங்கே,நீங்கள் உங்கள் கணவனுடன் இருந்த மிக நெருக்கமான காட்சியை நினைவுகூர்ந்து பாருங்களேன். முத்தமிடுவது மாதிரியான மிக குளோஸ்- அப் சீனில் நீங்கள் கண்களை மூடிக்கொள்கிறீர்கள் தானே?ஆனால் உங்கள் ஆண் கண்ணை கொட்டக் கொட்ட திறந்து வைத்துக்கொண்டு உங்களை உத்து உத்து பார்க்கிறானா?ஏன் என்று எப்போதாவது யோசித்ததுண்டா நீங்கள்?

அதைவிட பெரிய வேடிக்கை ஆண்கள் பார்க்கும் நீலப் படங்கள் எனப்படும் போர்னோகிராஃப் படங்கள்.இவற்றைப்பற்றி ஒரு ஆராய்ச்சி நடத்தப்பட்டது.இப்படிப்பட்ட படங்களில் பெண்ணின் எந்தெந்த உடல் பாகங்கள் மிக அதிக நேரத்திற்கு காட்டப்படுகின்றன என்பதை மிகத் துல்லியமாக கணித்துப் பார்த்தார்கள். சொன்னால் ஆச்சரியப்படுவீர்கள், மற்ற எல்லா பாகங்களையும் ஒதுக்கிவிட்டு பெண்ணின் முகத்துக்குத்தான் அதிக முக்கியத்துவம் தருகிறார்கள்.

அதற்கு ஏன் அவ்வளவு முக்கியத்துவம் என்று உங்களுக்கு ஆச்சரியமாக இருக்கிறதா? அதற்கு ஒரு முக்கியமான பரிணாம காரணம் உண்டு.

உலகில் உள்ள எல்லா ஜீவராசிகளும் முன்னுக்குப் பின் தான் உடல் கோர்த்து இனச்சேர்க்கை செய்யும்.ஆனால் மனிதர்கள் மட்டும்தான் ஒருவர் முகத்தை மற்றவர் பார்க்கும் படியாக இணை சேருகிறோம்.

ஏன் மனிதர்கள் மட்டும் இப்படியாம் என்று உங்களுக்கு கேட்கத்தோன்றினால்...இன்னொரு ஆச்சர்யமான உண்மையைத் தெரிந்துகொள்ளுங்கள்....உலகில் மனிதர்களுக்கு மட்டும்தான் கலவியின்போது சுகம் உணரும் தன்மை இருக்கிறது.வேறு எந்த உயிரினமும் இணை சேரும் போது சுகம் உணர்வதே இல்லை.

இதற்கும், ஆண்கள் கண்ணைத் திறந்து கொண்டு கிஸ் கொடுப்பதற்கும் என்னங்க சம்பந்தம் என்கிறீர்களா?சிம்பிள்...ஒரு ஆண் கலவி கொள்ளும்போது உங்கள் முகத்தில் இன்பத்திற்கான அறிகுறி தெரிகிறதா என்பதை உற்று கவனிப்பான்.காரணம் உங்கள் முகத்தில் குஷி தெரிந்தால்தான் அவனுக்கு தன் ஆண்மையின் மீதே திருப்தி ஏற்படும். அப்படி பெண்ணின் முகத்தைப் பார்த்து நிறைவு பெறும் படியாகத்தான் அவன் மூளை வடிவமைக்கப் பட்டிருக்கிறது.

உதாரணத்திற்கு நீங்கள் ரொம்ப நேரம் போராடி,கஷ்டப்பட்டு ஒரு ஸ்பெஷல் பலகாரத்தைச் செய்கிறீர்கள் என்று வைத்துக்கொள்வோமே, அதை உங்கள் கணவருக்குப் பரிமாறும்போது அவர் முகத்தை நீங்கள் உற்றுப் பார்க்கத்தானே செய்வீர்கள்.அவர் முகபாவத்தாலோ,உடல் அசைவாலோ வாய் வார்த்தையைப் பயன்படுத்தியோ, ‘பேஷ் பேஷ் ரொம்ப நல்லாயிருக்கு’என்று சொல்லாவிட்டால் உங்களுக்கு எவ்வளவு கடுப்பு வரும்!

அதே மாதிரி,ஒரு ஆண் மிகவும் முயன்று,உங்களை சந்தோஷப்படுத்தவென்றே உங்களைத் தொட்டு, வருடி, புணரும்போது நீங்கள் எந்த எக்ஸ்பிரஷனுமே தராமல் ஜடம் மாதிரி படுத்திருந்தால் பாவம் அந்த மனிதனுக்கு எவ்வளவு கடுப்பாக இருக்கும்! இதுவே நீங்கள் முகத்தில் மகிழ்ச்சியைக் காட்டி,உங்களுக்கு ஏற்படும் அளவில்லா இன்பத்தை வெளிப்படுத்தினால் அவனுக்கு அதுவே பெரிய, ‘‘ஆஹா நான் எப்பேர்ப்பட்ட மன்மதன்’’ என்கிற பெருமையையும் தரும்! இப்படி நீங்கள் அவனை ஊக்குவித்தால் உங்களுக்கு இன்னும் இன்னும் சந்தோஷத்தைக் கொடுக்கும் ஆசை அவனுக்கு ஏற்படும்.அப்புறம் கேட்க வேண்டுமா, உங்கள் இல்வாழ்க்கை களையோ களைகட்டிவிடும்.

ஆக ஆண்களை ஹேண்டில் செய்ய விரும்பும் சிநேகிதிகளே, உங்கள் கூச்சம், வெட்கம், தயக்கம் எல்லாவற்றையும் ஏறக்கட்டி வையுங்கள்.

கட்டில் சத்தம் வெளியே கேட்குமோ,வீட்டுப் பெருசுகளுக்குத் தெரிந்துவிடுமோ என்கிற பயங்களை ஒதுக்கித்தள்ளுங்கள் அவர்களும் இதை எல்லாம் செய்ததால்தான் நீங்களே ஜனித்திருக்கிறீர்கள் என்பதை மறக்க வேண்டாம். குழந்தைகள் விழித்துக்கொள்வார்கள். காலையில் சீக்கிரம் எழ வேண்டும்.இந்த வயசுக்கு மேல இதெல்லாம் தேவையா...என்பது மாதிரி உங்களுக்கு என்னென்ன தயக்கம் இருந்தாலும் இதை மட்டும் நன்றாக நினைவில் வைத்துக்கொள்ளுங்கள். திருமணம் என்கிற பந்தம் தித்திக்க வேண்டுமானால் தாம்பத்தியம் எப்போதுமே திகட்டாமல் தழைக்க வேண்டும்.

நன்றி குமுதம் சிநேகிதி

படங்களைப் பார்வையிட......

http://www.thedipaar.com/news/news.php?id=19174

Edited October 4, 201015 yr by நிழலி

ஆண்களை ஹேண்டில் செய்ய அடுத்து பெண்கள் தெரிந்துகொள்ள வேண்டிய இன்னொரு மகா முக்கியமான டெக்னிக் காமம்.

நன்றி குமுதம் சிநேகிதி

தமிழ் வாழ்க!

இதைப்பற்றிக் கருத்தெழுத எனக்கு இன்னும் வயது வரவில்லை..!

படங்களைப் பார்வையிட......

http://www.thedipaar.com/news/news.php?id=19174

ஓகோ இதுக்கெல்லாம் படங்கள் வேற போடுறாங்களா? அதுக்கெல்லாம் இணைப்பு வேற தாறாங்ளா? "டெக்கினிக்கல் இஸ் வெரி இப்புறுமென்ட்"

எனக்கென்னமோ இதிலே சொல்லப்பட்டது சரிஎன்றுதான் எண்ணத்தோணுது

ஏனெனில் சொல்வதும் ஒரு பெண் அல்லவா