”என்னை இலங்கைக்கு திருப்பி அனுப்ப நினைத்தால் முதலில் உயிர் அற்ற சடலம் ஆக்குங்கள்!”

ஞாயிற்றுக்கிழமை, 28 நவம்பர் 2010 12:31

”என்னை இலங்கைக்கு திருப்பி அனுப்ப வேண்டும் என்று நினைத்தால் முதலில் என்னை உயிர் அற்ற சடலம் ஆக்குங்கள் .” இவ்வாறு கேட்டுள்ளார் ஆஸ்திரேலியாவுக்கு அரசியல் தஞ்சம் கோரி இலங்கை முஸ்லிம் அகதிகளில் ஒருவரான எம்.ஆர். முஹைதீன்.

இவர் கடந்த நவம்பர் -07 ஆம் திகதி விமானம் மூலம் ஆஸ்திரேலியாவுக்கு வந்திருக்கின்றார். Melbourne விமான நிலையத்தில் குடிவரவு அதிகாரிகளால் சோதனை செய்யப்பட்டார்.

இவரது கடவுச்சீட்டு செல்லுபடி அற்றது என்று அவ்வதிகாரிகள் கண்டு பிடித்தனர். இவரை உடனடியாகவே இலங்கைக்கு திருப்பி அனுப்ப தீர்மானித்தனர். இவர் மேசை ஒன்றில் இருந்த கத்தி ஒன்றை எடுத்து கைகளில் மாறி மாறி பலமாக குத்திக் கொண்டார். 17 இழைகள் போடப்பட்டன.

தற்போது Maribynong Detention Centre இல் தடுத்து வைக்கப்பட்டுள்ளார். இவர் ஊடகம் ஒன்றுக்கு வழங்கிய பேட்டி ஒன்றிலேயே மேற்கண்டவாறு தெரிவித்துள்ளார்.

இவர் மேலும் தெரிவித்தவை வருமாறு:-

"நான் தமிழீழத்தில் தையல் கடை ஒன்றை சொந்தமாக வைத்திருந்தேன். எனது வாடிக்கையாளர்களில் இராணுவத்தினரும் அடங்குவர். கடந்த ஓகஸ்ட் மாதம் இராணுவத்தினர் என்னிடம் பெரிய ஓடர் ஒன்றை பண்ணினர்

ஆனால் பணம் கொடுத்திருக்கவில்லை. நான் பணம் கேட்டேன். இருவர் சிவில் உடையிலும், ஆறு பேர் சீருடையிலுமாக இராணுவத்தினர் என்னிடம் வந்தனர். துப்பாக்கி முனையில் என்னை மிரட்டி சுமார் 7000 அமெரிக்க டொலர் பெறுமதியான பணத்தை கொள்ளை அடித்தனர்.

நான் பொலிஸ் நிலையத்தில் முறையிட்டேன். பொலிஸார் என்னை கைது செய்து மூன்று இரவுகள் மறியலில் அடைத்து வைத்தனர். எனது நண்பர்கள் 500 அமெரிக்க டொலர் பெறுமதியான பணத்தை பொலிஸாருக்கு கொடுத்து என்னை வெளியில் எடுத்தனர்.

நான் தடுத்து வைக்கப்பட்டிருந்த நேரத்தில் எனது கடையில் இருந்த பொருட்கள் களவாடப்பட்டு விட்டன. ஓடருக்கான பணத்தை பெறுகின்றமைக்காக நான் ஒரு வாரம் கழித்து இராணுவத்தினரிடம் சென்றேன். உயர் அதிகாரி ஒருவரை சந்திக்க சொன்னார்கள்.

நான் வீட்டுக்கு திரும்பி வந்தபோது என்னை இருவர் நன்றாக நையப் புடைத்து எடுத்தார்கள். கொழும்பு மத்தியில் உள்ள ஆறு ஒன்றுக்கு அருகில் என்னை வீசி விட்டு சென்றனர். இருந்தாலும் நான் காப்பாற்றப்பட்டேன்.

ஒரு வாரங்கள் வரை வைத்தியசாலையில் சிகிச்சை வழங்கப்பட்டது. நான் குடும்பத்தினருடன் இலங்கையை விட்டு வெளியேறி இந்தியா சென்றேன். அங்கிருந்து தனியாக ஆஸ்திரேலியா வந்தடைந்தேன். நான் இலங்கைக்கு திரும்பிச் சென்றால் சித்திரவதை செய்தே என்னை கொன்று விடுவார்கள்."

tamilcnn

இவரது கடவுச்சீட்டு செல்லுபடி அற்றது என்று அவ்வதிகாரிகள் கண்டு பிடித்தனர். இவரை உடனடியாகவே இலங்கைக்கு திருப்பி அனுப்ப தீர்மானித்தனர். இவர் மேசை ஒன்றில் இருந்த கத்தி ஒன்றை எடுத்து கைகளில் மாறி மாறி பலமாக குத்திக் கொண்டார். 17 இழைகள் போடப்பட்டன.