அடர்ந்த காட்டுக்குள் அடையாளம் காணப்படாத மனித இனம்! (பட இணைப்பு)

செவ்வாய், 01 பெப்ரவரி 2011 23:29

உடம்பெல்லாம் ஏதோ வர்ணம் பூசிய நிலையில் பிறேஸிலின் அடர்ந்த காட்டுப்பகுதிக்குள் இன்னும் அடையாளம் காணப்படாத மனித குலத்தின் ஒரு இனம் வாழ்வது தெரியவந்துள்ளது.

பராகுவே, பபுவாநியுகினி, அந்தமான் தீவுகள் என்பனவற்றில் இதற்கு முன் அடையாளம் காணப்பட்டது போலவே இவர்களும் இந்த அடர்ந்த காட்டுப்பகுதிக்குள் உலகின் ஏனைய பகுதிகளில் உள்ள மனித வர்க்கத்தில் இருந்து துண்டிக்கப்பட்டவர்களாகக் காணப்படுகின்றனர்.

இவர்கள் வாழும் காட்டுப்பகுதி ஈரழிப்பான ஒரு பிரதேசமாகும். இவர்கள் கத்தி மற்றும் உலோகத்தினாலான கூரிய ஆயுதங்களை வைத்துள்ளனர்.

செவ்விந்தியர்கள் என நம்பப்படும் 50 முதல் 100 பேர் கொண்ட ஒரு கூட்டம் இங்கு வாழுகின்றது. பெரு நாட்டுக்கும் பிறேஸில் நாட்டுக்கும் இடைப்பட்ட எல்லைப் பகுதியிலேயே இவர்கள் வாழும் இடம் அமைந்துள்ளது.

இவர்களின் வழித் தோன்றல்கள் சுமார் 100 ஆண்டுகளுக்கு முன்பிருந்தே இங்கு வாழ்ந்து வந்திருக்கலாம் என்றும்,வெளி உலகோடு தொடர்பற்ற நிலையில் இவர்கள் வாழ்ந்து வருவதால் பலர் நோய்களால் மரணித்திருக்கலாம் என்றும் ஆய்வாளர்கள் நம்புகின்றனர்.

இவர்கள் பற்றிய விவரணமொன்று வியாழக்கிழமை பிபிஸி யில் ஒளிபரப்பாகவுள்ளது. இவர்கள் வாழும் சூழல் இயற்கை வளம் கொண்டதாகவும், பழங்கள் மற்றும் மரக்கறி வகைககள் நிறைந்ததாகவும் காணப்படுகின்றன.

tamilcnn.com

எந்தவித தொந்தரவும் இல்லாத

எந்தவித கட்டணமும் பில்லும் இல்லாத வாழ்க்கை

அனுபவியுங்கோ...

இதேபோல் செய்தி ஒருசில வருடங்களுக்கு முன் வந்த ஞாபகம்.

உதென்ன பிரமாதம்??!! நாட்டுக்குள்ளையே இருக்கினமே..!?!