சர்வதேச பொறிமுறை ஒன்றை அமைப்பது தொடர்பாக இலங்கைக் கட்சிகளின் கருத்துக்களை வெளிநாட்டுத் தூதுவர்கள் கேட்டு வருகிறார்கள்.

போர்க் குற்றச்சாட்டுக்களை விசாரிப்பதற்கான சர்வதேச பொறிமுறை ஒன்றை இலங்கைக்கு எதிராக ஏற்படுத்துவது தொடர்பாக அந்நாட்டில் உள்ள அரசியல் கட்சிகளின் கருத்துக்களை அறியும் முயற்சியில் கொழும்பிலுள்ள ஐரோப்பிய நாடுகளின் இராஜதந்திரிகள் ஈடுபட்டுள்ளனர்.

ஐக்கிய நாடுகள் மனித உரிமைகள் சபையின் 18ஆவது கூட்டத்தொடர் எதிர்வரும் 12ம் திகதி ஆரம்பமாகும் நிலையில் மேற்குலக ராஜதந்திரிகளால் இந்த நகர்வு மேற்கொள்ளப்பட்டுள்ளது.

அமெரிக்கா, பிரிட்டன், ஜேர்மனி போன்ற நாடுகள் இலங்கை தனது பொறுப்புக்கூறும் கடமையைத் தட்டிக்கழிக்க முடியாது என்ற உறுதியான நிலைப்பாட்டில் இருக்கின்றன.

அதனால், ஜெனீவா மாநாட்டில் போர்க் குற்றங்களை விசாரிப்பதற்கு அனைத்துலக விசாரணைக் குழு ஒன்றை அமைப்பதற்கான தீர்மானத்தை அவை முன்வைக்கக்கூடும் என்று உறுதியாக நம்பப்படுகிறது என்று நியூயோர்க்கில் உள்ள ஐக்கிய நாடுகள் அலுவலக இலங்கை அதிகாரிகள் அரசுக்கு அறிவுறுத்தி உள்ளனர்.

அதேவேளையில், மனித உரிமை மீறல்கள் தொடர்பில் பொறுப்புக் கூறுவதற்கான சர்வதேச விசாரணை ஒன்று குறித்து இலங்கையில் உள்ள அரசியல் கட்சிகள் என்ன நினைக்கின்றன என்பதை அறிய, கொழும்பிலுள்ள இராஜதந்திரிகள் கட்சித் தலைவர்களுடன் சந்திப்புக்களை நடத்தியிருக்கிறார்கள்; நடத்தி வருகிறார்கள்.

சில தினங்களுக்கு முன்னர் ஐரோப்பிய ஒன்றியம், நோர்வே மற்றும் ஜேர்மன் ஆகியவற்றுக்கான தூதவர்கள் எதிர்க்கட்சித் தலைவர் ரணில் விக்கிரமசிங்கவை அவரது உத்தியோகபூர்வ இல்லத்தில் சந்தித்து இது தொடர்பான கருத்துக்களைப் பரிமாறி இருந்தனர்.

கொழும்பிலுள்ள ஐரோப்பிய நாடுகளின் தூதுவர்கள் தமிழ்க்கட்சிகளின் பிரமுகர்களுடனும் பேச்சுகளை நடத்தியிருக்கின்றனர் எனத் தெரிவிக்கப்படுகிறது.

http://www.cmr.fm/thamilfm/NewClients/NewsDetail.aspx?ID=9228

சர்வதேச பொறிமுறை எமது மக்களுக்கு ஒரு விடிவை பெற்றுத்தரலாம். அந்த பொறிமுறை சாத்தியமாக அனைத்து தமிழ்க்கட்சிகளும், ஒட்டுக்குழுக்களை தவிர ஆதரவு தரும் என நம்பலாம்.

ஆனால், சிங்கள கட்சிகள் பொதுவாக ஆதரவு தரமாட்டா. ஆனால், மகிந்தவின் சர்வாதிகார போக்கு, சீனாவுடனான நெருக்கம், பொருளாதார சரிவு இவற்றுடன் கட்சிகளின் பலவீனமான நிலைகளும் கூட இந்த பொறிமுறைக்கு ஆதரவு தர தூண்டப்படலாம்.

அங்கை போய் கட்சிகளை கேட்கிற நேரம் இங்கையும் நிறையபேர் இருக்கினம் பாருங்கோ.

புலிகள் அதிலை பிழை விட்டுட்டினம்.இதிலை கொஞ்சம் வளைஞ்சிருக்கலாம் என்டு இப்போ புது ராஜதந்திர குருக்களாக எழுதத்தொடங்கி இருக்கினம்.

அவையளையும் கேளுங்கோ என்டு சொல்லவேணும்.

அவையள்தான் இப்ப பாலஸ்தீன நோய்க்கும் புது மருந்து சொல்லிக்கொண்டு திரியினம்.

பேச்சுவார்த்தைகள் என்ற போர்வையில் கூட்டமைப்பு போர்குற்ற விசாரணைகளுக்கு பின்னடிப்பு செய்து வந்தது. இப்போ அந்த பேச்சு வார்த்தைகளை அவர்களே கைவிட்டு விட்டார்கள். இபோது கூட்டமைப்பு முழுமனத்துடன் சர்வதேச நாடுகளை விசாரணையை தொடக்கி வைக்குமாறு வலியுறுத்த வேண்டும்.

மற்றய கட்சிகளை பற்றி நாம் அதிகம் அலடிக்கொள்ள முடியாது

இலங்கையில் ஒரு சுயாதீன, சர்வதேச போர் குற்ற விசாரணைக்கு ஆதரவளிக்கும் படி பிரித்தானியா அரசாங்கத்திற்கு அழைப்பு விடுவிக்கும் மின் விண்ணப்பம்.

ஏற்கனவே நீங்கள் செய்யவில்லை எனில், பின்வரும் இணைப்பில் அழுத்திமின் மனு மேலே கையெழுத்திடுங்கள் http://epetitions.direct.gov.uk/petitions/14586 . அத்துடன் நீங்கள் உங்கள் குடும்பத்தினர் மற்றும் நண்பர்கள் இந்த இணைப்பை முன்னோக்கி அனுப்ப முடியுமாயின் நாம் நன்றி உடையவர்களாக இருப்போம். .

உங்கள் தகவலுக்கு, மனுவில் கையெழுத்து இடுப்பவர் பிரித்தானிய‌ குடிமகனாக அல்லது பிரித்தானியாவில் வாழ்பவராக‌ இருக்க வேண்டும் .

இந்த மனுவில் கையொப்பம் இட‌ வயது எல்லை கிடையாது. நீங்கள் மின் மனு வலைத்தளத்தில் ஒரு மின் மனுவில் கையெழுத்திடும் போது உங்கள் கையொப்பங்கள் உண்மையானதா என சோதிக்க‌ உங்கள் பெயர், முகவரி மற்றும் மின்னஞ்சல் அளிக்க வேண்டும். உங்கள் தனிப்பட்ட தகவல்கள் இந்த நோக்கத்திற்காக மட்டுமே பயன்படுத்தப்படும். உங்கள் தனிப்பட்ட விவரங்கள் தளத்தில் வெளியிடவோ மின் மனு உருவாக்கிய நபர் பார்க்கவோ முடியாது. முக்கியமாக, நீங்கள் மனுவில் கையெழுத்திட்ட‌ பின்பு அதை உறுதி செய்ய உங்கள் மின்னஞ்சலுக்கு ஒரு மின்னஞ்சல் அனுப்புவிக்கப்படும். நீங்கள் இணைப்பை அழுத்தி உறுதி செய்யும் போதுஉங்கள் பெயர் மட்டுமே மனுவில் சேர்க்கப்படும்.