ஈரானின் அணுசக்தி ஆராய்ச்சிகள் தொடர்பாக அந்நாட்டுக்கு எதிராக புதிய தடைகளை விதிப்பதற்கு ஐரோப்பிய ஒன்றியம் தீர்மானித்துள்ளது. பெல்ஜியத்தின் தலைநகர் பிரசல்ஸில் நேற்றுகூடிய ஐரோப்பிய ஒன்றியத்தில் அங்கம் வகிக்கும் 27 நாடுகளின் அமைச்சர்கள் இத்தீர்மானத்தை மேற்கொண்டனர்.

ஈரானின் 39 அதிகாரிகளையும் 141 நிறுவனங்களையும் இத்தடைகள் இலக்காக கொண்டுள்ளனதாக ஐரோப்பிய ஒன்றியத்தின் வெளிவிவகார ஆணையாளர் கத்தரின் அஸ்டன் கூறியுள்ளார். இந்த அதிகாரிகளுக்கு பயணத் தடைகள் விதிக்கப்படுவதுடன் மேற்படி நிறுவனங்களின் சொத்துக்கள் முடக்கப்படவுள்ளன.

கடந்தவாரம் அமெரிக்கா, கனடா, பிரிட்டன் ஆகிய நாடுகள் ஈரான் மீது சில தடைகளை விதித்தன.அதன்பின் ஈரானிலுள்ள பிரித்தானிய தூதரகம் ஆர்ப்பாட்டக்கார்களால் தாக்கப்பட்டதையடுத்து அத்தூதரகத்தை பிரிட்டன் மூடியதுடன் பிரிட்டனிலுள்ள ஈரானிய ராஜதந்திரிகளையும் வெளியேற்ற போவதாக அறிவித்துள்ளமை குறிப்பிடத்தக்கது.

இந்நிலையில் தூதுகரம் மீதான மேற்படி தாக்குதலுடன் இப்புதிய தடைகளுக்கு தொடர்பில்லை எனவும் இதற்கான பதிலடியாக பொருத்தமான நடவடிக்கைகள் மேற்கொள்ளப்படும் எனவும் ஐரோப்பிய ஒன்றிய அமைச்சர்கள் தெரிவித்துள்ளனர்.

எனினும் தடைவிதிக்கப்படவுள்ள ஈரானிய அதிகாரிகள் மற்றும் நிறுவனங்களின் விபரங்கள் வெளியிடப்படவில்லை.

http://www.saritham.com/?p=42663

ஜேர்மன் அமெரிக்க விமான தளங்களை தாக்க ஈரான் திட்டம்

ஜேர்மனியில் உள்ள அமெரிக்க விமானத் தளங்களை தாக்குவதற்கு ஈரான் மறைமுகத் திட்டம் போட்டிருக்கிறது என்ற சந்தேகத்தை ஜேர்மன் அரச சட்டத்தரணி காறல் ரஞ்ச் இன்று வெளியிட்டார். ஜேர்மனிய பிரஜை ஒருவருக்கும், ஜேர்மனில் உள்ள ஈரானிய தூதரகத்திற்கும் நெருங்கிய தொடர்பு இருந்தமை அம்பலமானதைத் தொடர்ந்து அவருடைய கருத்து வெளியாகியுள்ளது.

மேற்கண்ட சந்தேக நபருடைய வீட்டில் ஜேர்மனிய போலீசார் நடாத்திய தேடுதல் சந்தேகத்தை மேலும் உறுதியாக்கியுள்ளதாகவும் தெரிவித்தார். ஈரானுக்கு எதிராக அமெரிக்கா தாக்குதலை முடுக்கிவிட்டால் பதிலடியாக இந்தத் தாக்குதலை நடாத்த ஈரான் திட்டமிட்டிருந்ததாகவும் அவர் சந்தேகம் வெளியிட்டார். கடந்த செவ்வாயன்று பெருந்தொகையான ஈரான் ஆர்பாட்டக்காரர் தெகிரானில் உள்ள பிரிட்டன் தூதரகத்திற்குள் நுழைந்து தாக்குதலை நடாத்தியது தெரிந்ததே.

இதைத் தொடர்ந்து ஜேர்மனி, கொலன்ட், பிரான்ஸ் ஆகிய நாடுகள் தத்தமது நாடுகளின் ஈரானிய தூதுவர்களை நாளை அழைத்து விசாரிக்க இருக்கின்றன. மேலும் நேற்று ஐரோப்பிய ஒன்றிய பாராளுமன்றில் ஈரானுக்கு எதிராக மேலும் மோசமான தடைகள் முன் வைக்கப்பட்டுள்ளன.

இதைத் தொடர்ந்து தற்போது ஜேர்மனியில் இருக்கும் அமெரிக்க முகாமான பவ்லாஸ் மிகுந்த கண்காணிப்பில் இருப்பதாக ஜேர்மனி தெரிவித்துள்ளது. அNதுவேளை இந்த விவகாரம் அமெரிக்காவின் கவனத்திற்கும் கொண்டுவரப்பட்டுள்ளது.

அமெரிக்கா தாக்குதல் நடாத்தினால் பதிலடி கொடுக்கப்படும் என்று பாகிஸ்தான் படைத்தளபதி அறிவித்துள்ள நிலையில் ஈரானின் திட்டமும் வெளியிடப்பட்டுள்ளது. பாகிஸ்தான் – ஈரான் இரண்டு நாடுகளும் மேலை நாடுகளின் புதிய வியூகத்தின் காரணமாக பாரிய எதிரிகளாக மாறியுள்ளன. ஆப்கான் பிரச்சனை, பாஸ்தீன பிரச்சனை ஆகிய இரண்டினதும் ஆணி வேர் புரையோடியிருக்கும் புள்ளிகளை மேலை நாடுகள் நெருங்க ஆரம்பித்துவிட்டதை நிகழ்வுகள் காட்டுகின்றன. மேலை நாடுகளின் நிகழ்ச்சி நிரல் முன்னெப்போதையும் விட இப்போது அசுர வேகமாக இயங்குவது கவனிக்கத்தக்கது.

http://www.alaikal.com/news/?p=89720