http://www.vvtuk.com/archives/2756

பூரணம் முதியோர் உதவிதிட்டம்-முதியோர் கௌரவிப்பு-2012

Posted On Monday, January 30, 2012 By admin. Under முக்கிய செய்திகள், வல்வை செய்திகள்

ஒரு சமூகத்தின் இன்றைய வளர்ச்சி மற்றும் முன்னேற்றம் என்பனவற்றுக்கு பின்னால் மௌனமாக நின்றுகொண்டிருப்பது அந்த சமூகத்தின் வயதில் மூத்த மக்கள் ஆகும்.

முதுமையிலும்,தள்ளாமையிலும் வாழ்ந்துகொண்டிருக்கும் அவர்கள்தான் இன்று நாம் வசதியாக

நடப்பதற்குரிய சமுதாய பாதையை செப்பனிட்டவர்கள் ஆவர்.அவர்களையும் அவர்களின்

பணியையும் என்றென்றும் நன்றியுடன் நினைத்துக்கொண்டே இருப்பதுதான் உண்மையான ஒரு

நாகரீக சமூகத்தின் கடமைஆகும்.

அந்த அடிப்படையில் எமது ஊரில் இப்போது வாழ்ந்துகொண்டிருக்கும் முதியோரில் வசதியும்,

வருமானமும் குறைந்த முதியோருக்கும்,ஆதரவுஅற்ற முதியோருக்குமான ஒரு உதவித்திட்டத்தை

பிரித்தானியாவில் வசித்துக்கொண்டிருக்கும் திரு.இளையதம்பி தெய்வேந்திரனும் (குட்டிஅண்ணா)

அவரின் மனைவி திருமதி.வதனி தெய்வேந்திரனும் இணைந்து 2010ம்ஆண்டு யூலைமாதத்தில்

ஆரம்பித்திருந்தனர்.

மிகவும் பெருந்தன்மையுடன் இந்த உதவித்திட்டத்தை பிரித்தானியாவில் இயங்கும் வல்வை

நலன்புரிச்சங்கத்தினூடக வல்வெட்டித்துறையில் இயங்கும் தாய்ச்சங்கமான வல்வை ஒன்றியத்தின் மூலமாக வழங்கஆரம்பித்தனர்.

ஆரம்பத்தில் 19முதியோருக்கு மாதாந்த உதவித்தொகை வழங்கப்படுவதுடன் ஆரம்பித்த இந்த

‘பூரணம் முதியோர் உதவித்திட்டம்’ இன்று 25 முதியோருக்கு தனது உதவியை விரிவு செய்துள்ளது குறிப்பிடத்தக்கது.

இது மட்டும் அல்லாமல் வசதிகள்அற்ற முதியோரின் மரணச்சடங்கு,இறுதிக்கிரியைகளுக்கான

உதவிகளும் ‘பூரணம் முதியோர் உதவித்திட்டம்’ மூலம் கொடுக்கப்பட்டும் வருகின்றது.

எமது சமூகத்தின் முன்னோடிகளான முதியோர்களுக்கு உதவும் திட்டத்தை தொடர்ந்து முன்னெடுத்துவரும் திரு.திருமதி தெய்வேந்திரன் தம்பதிகளின் உதவும் திட்டங்களுக்கு என்றும்

vvtuk.com இணையம் தனது ஒத்துழைப்பையும் நல்லாதரவையும் வழங்கும் என்று கூறிக்கொள்ளுகின்றோம்.

எல்லோருக்கும் முன்னுதாரணமான இந்த செயற்திட்டத்தினை நன்றியுடன் வரவேற்கின்றோம்.

இந்த திட்டத்தின் ஒரு பகுதியாக 29.01.2012அன்று வல்வையில் நடைபெற்ற ‘முதியோர் கௌரவிப்பு நிகழ்வு ‘ சம்பந்தமான காட்சிகள் இவை.

http://www.vvtuk.com/archives/2756

நல்லதொரு விடயம்

வல்வைவாழ் புலம்பெயர் மக்கள் கணணி வகுப்பு ஒன்றையும் பெரும் செலவிலும் பாரீய அளவிலும் நடாத்திவருவதாகவும் கேள்விப்பட்டேன். வாழ்த்துக்கள்

இனி உயிர் வாழ்வதில் அர்த்தமேயில்லை, என வாழ்க்கையில் வெறுப்பு ஏற்படும் நிலையே முதுமை! தாங்கள் யாருக்கோ பாராமாக இருக்கின்றோம் என்ற எண்ணம் மட்டும் அவர்களைத் திரும்பத் திரும்ப அரித்துக் கொண்டிருக்கும்!

அவர்களுக்கு 'உங்கள் வாழ்வில் இன்னும் அர்த்தம் இருக்கின்றது' என்று கூறும் வல்வை நலன்புரிச் சங்கத்தின் முயற்சிகள் மிகவும் வரவேற்கத் தக்கன!

சிறு சிறு ஊற்றுக்களாகப் பிராந்திய அளவில் தோன்றும் இந்தச் சிற்றாறுகள், ஒன்றாகச் சேர்ந்து ஒரு நாளில், பெருநதியாக மாறட்டும்!!!

இத்திட்டத்தை பிரித்தானியாவிலிருந்து தெய்வேந்திரன் (குட்டியண்ணா) ஐயாவும் அவரது துணைவியாரும் தனித்தே செய்கிறார்கள். இதுபோல மேலும் பலர் இத்தகைய முதியோரை மிஞ்சிய காலங்களை நிம்தியோடு வாழ வைக்க முன்வருவதற்கு குட்டியண்ணா குடும்பம் முன்னுதாரணமாகத் திகழ்கிறது. அக்குடும்பத்திற்கு பாராட்டுக்கள். ஊர்ப்பணியோடு பொதுப்பணியாக நேசக்கரம் மூலம் மாதாந்தம் 40ஆயிரம் ரூபாய் பெறுமதியான பொருட்களை வெலிக்கடை பெண்கள் பிரிவு சிறைக்கும் இந்த உறவு குட்டியண்ணாவும் அவரது நண்பர்களும் இணைந்து உதவிவருகின்றார்கள்.

Edited February 6, 201213 yr by shanthy