கூட்டமைப்பு – ஐ.தே.க தொடர்பில் வெளியாகிய செய்தியில் உண்மையில்லை – சுரேஷ்!

March 20th, 2012 அன்று வெளியிடப்பட்டது

அரசியல் தீர்வு, மனித உரிமைகள் போன்ற விவகாரங்களில் ஐ.தே.கவுடன் இணைந்து அரசியல் நடவடிக்கைகளை மேற்கொள்வதற்கு தமிழ் தேசிய கூட்டமைப்பு சம்மதித்துள்ளதாக தாம் தெரிவித்ததாக சில ஊடகங்கள் வெளியிட்டுள்ள செய்திகளில் உண்மையில்லை என்று தமிழ்த் தேசியக் கூட்டமைப்பு நாடாளுமன்ற உறுப்பினர் சுரேஷ் பிறேமச்சந்திரன் தெரிவித்துள்ளார்.கொழும்பில் உள்ள ஊடகம் ஒன்றுக்கு அவர் தெரிவித்துள்ளமை வருமாறு,

கொழும்பின் ஆங்கில ஊடகம் ஒன்று என்னுடன் தொடர்பு கொண்டு எதிர்க்கட்சிகள் இணைந்து செயற்படவுள்ளமை தொடர்பில் கேள்வி எழுப்பியிருந்தது. அதற்கு பதிலளிக்கும் போது அரசாங்கத்திற்கு எதிரான போராட்டங்களில் எதிர்கட்சிகள் ஒன்றைணந்து செயற்படுவது தொடர்பிலான முன்மொழிவு ஒன்று உள்ளது. அது தொடர்பில் பரிசீலித்து வருகின்றோம் என்று மாத்திரமே தெரிவித்திருந்தேன்.

ஆனால் நாங்கள் அரசியல் தீர்வு உட்பட்ட விடயங்களில் ஐ.தே.கவுடன் இணைந்து அரசியல் நடவடிக்கைகளை மேற்கொள்ளவுள்ளதாக அந்த ஊடகத்தின் தமிழ் இணையத்தளம் தவறான செய்தியினை பிரசுரித்திருந்தது. அதனை சில தமிழ் இணையத்தளங்கள் மீள்பிரசுரம் செய்திருக்கின்றன. அந்தச் செய்தியில் உண்மையில்லை.

இதேவேளை ரணில் விக்கிரமசிங்க, யாழ்ப்பாணம் சென்ற போது அவரை நான் சந்தித்ததாகவும் இணையத்தளங்கள் செய்தி வெளியிட்டிருக்கின்றன. ரணில்விக்கிரம சிங்க யாழ்ப்பாணத்தில் நின்ற போது நான் கொழும்பிலேயே நின்றிருந்தேன். இந்த விடயம் வெறும் வதந்தி என்றும் தெரிவித்துள்ளார்.

http://www.saritham.com/?p=54642

குட்டி வ.பெருமாள் அவர்களே..உங்கள் ராஜதந்திரத்திற்கு நான் வ-ணங்குகிறேன்!

ஒரு உறவு எழுதியது போன்று ஜெனீவ தொடர் முடியும்வரை அதன் விளைவை முழுமையாக உணரும்வரை கூட்டமைப்பு எந்த சிங்கள கட்சியுடனும் எந்த புதிய இணக்கத்திற்கும் வரக்கூடாது.