நாங்கள் வாஷிங்டன், டில்லிக்கு போகிறோம். இப்பிரச்சினையை சர்வதேச மயப்படுத்துகிறோம் என்று கூறுகிறார்கள்.

ஆனால் நாம் இந்த பிரச்சினையை சர்வதேச மயப்படுத்தவில்லை. உங்கள் தரப்பினரால் அளிக்கப்பட்ட வாக்குறுதிகள் நிறைவேற்றப்படாமையினாலேயே இப்பிரச்சினை சர்வதேச மயமாகியது.

இலங்கையில்தான் நாம் பேச்சு நடத்துகிறோம். ஆனால் அதன் மூலம் தீர்வு காண முடியாவிட்டால், தமிழ் மக்களின் பிரச்சினைகளுக்கு தீர்வு காண்பதற்காக நாம் சகல நடவடிக்கைகளையும் செய்யநேரிடும்' தமிழ் தேசியக் கூட்டமைப்பின் தலைவர் ஆர். சம்பந்தன் நேற்று தெரிவித்தார்.

பம்பலப்பிட்டி புதிய கதிரேசன் மண்டபத்தில் நேற்று நடைபெற்ற தந்தை செல்வாவின் நினைவுப் பேருரை நிகழ்வுக்கு தலைமை தாங்கி உரையாற்றும்போதே அவர் இவ்வாறு கூறினார்.

பேராதனை பல்கலைக்கழக வரலாற்றுத்துறை தகைசார் பேராசிரியர் சி.பத்மநாதன் இந்நிகழ்வில் சிறப்புரையாற்றினார்.

நாடாளுமன்ற உறுப்பினர் ஆர்.சம்பந்தன் மேலும் உரையாற்றுகையில்

';மைப் பொறுத்தவரை ஒருமித்த, பிரிக்கப்படாத இலங்கைக்குள் நியாயமான, நடைமுறை சாத்தியமான, நிலையான அரசியல் தீர்வுகாணப்பட வேண்டும் என்பதில் நாம் உறுதியாக உள்ளோம். இந்த நிலைப்பாட்டிலிருந்து நாம் மாறவில்லை.

அரசாங்கத்துக்கும் தமிழ் தேசியக் கூட்டமைப்புகும் இடையிலான பேச்சுவார்த்தை தடைப்பட்டுள்ளமைக்கு நாம் காரணமல்ல.

இப்பேச்சுக்கள் தடைப்பட்டமைக்கு நாங்கள் தான் காரணம் என உங்களால் சொல்ல முடியுமா என அண்மையில் நான் நாடாளுமன்றத்தில் அரசாங்கத் தரப்பினரை நான் கேட்டேன். அவர்கள் பதிலளிக்கவில்லை. அவர்களால் பதில் சொல்ல முடியாது.

எமது பேச்சுகளில் பேசப்பட்ட விடயங்கள் கூட்டக்குறிப்புகளில் பதிவுசெய்யப்பட்டுள்ளன. அவை அடுத்து வந்த கூட்டங்களில் அங்கீகரிக்கப்பட்டன. ஆனால் அவை எவையும் அமுல்படுத்தப்படவில்லை. அதனால்தான் பேச்சுகள் தடைபட்டுள்ளன.

ஆனாலும் மக்களின் துன்பங்களுக்கு தீர்வு காணப்பட வேண்டும் என்பதில் நாம் உறுதியாகவுள்ளோம்.

ஆட்சியதிகாரத்தில் நாம் பங்குபெறுவது எமது உரிமை. தமிழ், முஸ்லிம், சிங்கள மக்கள் அனைவருக்கும்அந்த உரிமை உள்ளது. அதை யாரும் பறிக்க முடியாது.

இழைக்கப்பட்ட அநீதிகளுக்கு தீர்வுகாணப்பட வேண்டும்.

நாங்கள் வாஷிங்டன், டில்லிக்கு போகிறோம். இப்பிரச்சினையை சர்வதேச மயப்படுத்துகிறோம் என்று கூறுகிறார்கள்.

ஆனால் நாம் இந்த பிரச்சினையை சர்வதேச மயப்படுத்தவில்லை. உங்கள் தரப்பினரால் அளிக்கப்பட்ட வாக்குறுதிகள் நிறைவேற்றப்படாமையினாலேயே இப்பிரச்சினை சர்வதேச மயமாகியது.

இலங்கையில்தான் நாம் பேச்சு நடத்துகிறோம்.

ஆனால் அதன் மூலம் தீர்வு காண முடியாவிட்டால், தமிழ் மக்களின் பிரச்சினைகளுக்கு தீர்வு காண்பதற்காக நாம் சகல நடவடிக்கைகளையும் செய்யநேரிடும்' என்றார்.

தந்தை செல்வா, காந்திய போதனைகளில், அகிம்சையில் நம்பிக்கை கொண்டிருந்தார் என சம்பந்தன் கூறினார்.

1961 ஆம் ஆண்டு வடக்கு கிழக்கில் மேற்கொள்ளப்பட்ட சத்தியாக்கிரகத்தையடுத்து, அப்போது புதிதாக நிர்மாணிக்கப்பட்டிருந்த பனாகொடை இராணுவ முகாமில் தந்தை செல்வாவுடன் தானும் தடுத்து வைக்கப்பட்டிருந்ததை சம்பந்தன் நினைவு கூர்ந்தார்.

தந்தை செல்வாவுடன் பெரும்பான்மையினக் கட்சிகள் செய்து கொண்ட உடன்படிக்கைக்கு முரணாக

1972, 1978 ஆம் ஆண்டு அரசியலமைப்புகள் தமிழ் மக்களின் பங்களிப்பின்றி, தமிழ் மக்களின் சம்மதமின்றி அமுல்படுத்ப்பட்டது என அவர் கூறினார்.

அனைத்துக் கட்சி நாடாளுமன்றக் குழுவின் யோசனைகள் கிடப்பில் போடப்பட்டதாகவும், கற்றுக்கொண்ட பாடங்கள் மற்றும் நல்லிணக்க ஆணைக்குழுவின் அதிகபட்ச அதிகார பரவலாக்கலுக்கான சிபாரிசுகள் என்பன அரசாங்கத்தினால் புறக்கணிக்கப்பட்டதாகவும் அவர் தெரிவித்தார்.

http://www.tamilmirror.lk/2010-07-14-09-13-23/40016-2012-04-26-19-40-42.html?utm_source=twitterfeed&utm_medium=facebook

தமிழ் மக்களின் பிரச்சினைக்கு நியாயமான தீர்வு காண அனைத்து நடவடிக்கைகளையும் மேற்கொள்வோம்: சம்பந்தன்

அதுக்கு முதல் வேலைiயாய் சுமந்திரனையும் சரவணபவனையும் வெளியில தூக்கிப் போடுங்கோ அப்பதான் அதை நாங்கள் நம்புவோம்.