ஆணைக்குழு பரிந்துரைகளை செயற்படுத்தும் இரகசியத்துடன் ஜீ.எல் உலக வலம் - சஜித் ஆரூடம்

ஜெனீவா பிரேரணையில் இலங்கை தோல்வியடைந்தமைக்கான பொறுப்பை அரசாங்கம் ஏற்றுக் கொள்ள வேண்டும் எனவும் வெளிவிவகார அமைச்சர் ஜீ.எல்.பீரிஸ் உடனடியாக பதவி விலக வேண்டும் எனவும் ஐக்கிய தேசியக் கட்சியின் பிரதித் தலைவர் சஜித் பிரேமதாஸ தெரிவித்துள்ளார்.

தற்போது ஜெனீவாவிற்கான இலங்கையின் நிரந்தர வதிவிடப்பிரதிநிதி தமரா குணநாயகம் கியூபாவுக்கு தூதுவராக மாற்றப்பட்டுள்ளதாகவும் செய்ய வேண்டியது அதுவல்ல எனவும் தோல்விக்கான பொறுப்பை வெளிவிவகார அமைச்சு ஏற்றுக் கொள்ள வேண்டும் எனவும் அவர் குறிப்பிட்டுள்ளார்.

கொழும்பில் இன்று (10) இடம்பெற்ற ஊடகவியலாளர் சந்திப்பில் உரையாற்றிய அவர் இவ்வாறு குறிப்பிட்டார்.

கற்றுக் கொண்ட பாடங்கள் மற்றும் நல்லிணக்க ஆணைக்குழுவின் பரிந்துரைகளை நிறைவேற்றும் இரகசி திட்டத்தை கையிலெடுத்துக் கொண்டு ஜீ.எல்.பீரிஸ் உலக வலம் வருவதாக தகவல் கிடைக்கப்பெற்றுள்ளதெனவும் ஜீ.எல். வெளிநாட்டுக்கு அன்றி இலங்கைக்கே பொறுப்புக்கூற வேண்டும் என சஜித் தெரிவித்துள்ளார்.

ஆணைக்குழு பரிந்துரைகளில் சிறிதும் மாற்றம் செய்யாமல் அரசு அதனை நிறைவேற்ற வேண்டும் எனவும் அது தற்போதைய அரசு பெற்றெடுத்த பிள்ளை எனவும் ஏகாதிபத்திய நாடுகள் தயாரித்த அறிக்கை இல்லை எனவும் அவர் குறிப்பிட்டார்.

அவ்வாறு பரிந்துரைகளை செயற்படுத்தினால் அதுவே மஹிந்த ராஜபக்ஷ் அரசாங்கத்தின் கொள்கை, தீர்மானம் என்பவற்றின் பிரதிகூலம் என அவர் சுட்டிக்காட்டியுள்ளார்.

ஆணைக்குழு பரிந்துரைகளை செயற்படுத்தாமை காரணமகவே சர்வதேச அழுத்தங்கள் அதிகரித்துள்ளதாகவும் அதனை செயற்படுத்தினால் பிரஜா உரிமை பாதுகாக்கப்பட்டு சீர்நிர்வாகம் இடம்பெறும் என சஜித் நம்பிக்கை வெளியிட்டுள்ளார்.

பரிந்துரைகளை செயற்படுத்த ´வீரதுங்க குழு´ என்ற ஒன்றை அரசு அமைத்துள்ளதாகவும் குழு அமைத்து ஆராய ஒன்றும் இல்லை எனவும் ஆணைக்குழு பரிந்துரைகளில் அதனை எப்படி செயற்படுத்துவது என்று தெளிவாகக் கூறப்பட்டுள்ளதாகவும் சஜித் பிரேமதாஸ தெரிவித்துள்ளார்.

(அத தெரண))

சிங்களப் பயங்கரவாதிகள் சஜித் - GL பீரிசின் மற்றுமொரு கூட்டுப் பித்தலாட்டம்!