நேற்று வெள்ளிக்கிழமை மதியம் பெரும் துப்பாக்கிச் சூடுகள் Orly (Val-de-Marne) யிலுள்ள மது தேநீர் விடுதி (BAR) யினுள் நடந்தேறியயுள்ளது. இது மதியம் ஒரு மணியளவில் நடந்துள்ளது. கறுப்பு நிற BMW மகிழுந்தில் வந்து இருவர் தானியங்கிக் கைத்துப்பாகியுடன் voie des Saules இலுள்ள BAR முன்னால் இறங்கினார்கள்.

அவர்களில் ஒருவர் BAR வாசலில் இருந்து கோப்பி அருந்திக் கொண்டிருந்த இரு தொழிலாளர்கள் மீது துப்பாக்கிப் பிரயோகம் செய்தார். அதனைத் தொடர்ந்து உள்ளே சென்றவர்கள் அங்கு மேலும் மூவரைச் சுட்டுள்ளனர். கிட்டத்தட்ட 30 குண்டுகள் சுடப்பட்டுள்ளன. மொத்தமாக ஐந்து பேர் சுடப்பட்டுள்ளனர். இதில் இருவர் ஏற்கனவே காவற்துறையின் குற்றப்பதிவில் உள்ளவர்கள்.

இந்தத் துப்பாக்கிச் சூட்டில் குண்டுகள் கண்டபடி சுட்டதில் அங்கு கோப்பி பருகிக்கொண்டிருந்த போர்த்துக்கலைச் சேர்ந்த 32 வயதுடைய ஒருவர் மரணமடைந்துள்ளார். இன்னுமொருவருக்கு மாரடைப்பு ஏற்பட்டுள்ளது. இவரது உயிர் இன்னமும் பெரும் ஆபத்திலுள்ளது. வாழ்விற்கும் மரணத்திற்கும் இடையிலான போராட்டத்திலுள்ளதாக வைத்தியர்கள் தெரிவித்தள்ளனர். மற்றும் சுடப்பட்ட மூவர் படுகாயங்களுக்கு உள்ளாகியுள்ளனர். இவர்களில் இருவர் போதைப் பொருட் கடத்தலுக்காகக் காவற்துறையினரின் குற்றப்பதிவில் உள்ளவர்கள்.

சூட்டுச் சம்பவம் நடந்த சில நிமிடங்களுக்குள்ளாகவே அவ்விடம் காவற்துறையினரால் சுற்றி வளைக்கப்பட்டது. உடனடியாக இரு உலங்கு வானூர்திகள் விரைந்து கொலையாளிகளின் தேடுதலில் ஈடுபட்டன. சில வீதிகள் தள்ளிக் கொலைக்குப் பாவித்த மகிழுந்து எரியூட்டப்பட நிலையில் கண்டெடுக்கப்பட்டது. ஆனால் இதற்கு அருகாமையிலேயே காவற்துறையினர் சந்தேக நபரொருவரைக் கைது செய்துள்ளனர்.

மாலை 20h10 மணியளவில் அங்கு சென்ற உள்துறை அமைச்சர் மனுவல் வால்ஸ் « இது ஒரு ஏற்றுக்கொள்ள முடியாத ஒரு போதைப்பொருள் கும்பலின் பழிவாங்கல் நடவடிக்கை ஆகும். காவற்துறையினர் தமது முழு சக்கதியையும் திரட்டி மக்களைக் கலவரமடைய வைத்ததும் ஒரு உயிரைப் பறித்துப் பலரைக் காயப்படுத்திய இந்தச் சூட்டுச் சம்பவத்தின் சூத்திரதாரிகளைக் கைது செய்வார்கள். போதைப் பொருள் விற்பனை இங்கு குழுவாதங்களை உருவாக்கியுள்ளது. இது பல இளைஞர்களின் வாழ்வைச் சீரழிப்பதுடன் அவர்களைத் தீய வழிக்கும் இட்டும் செல்கின்றது.» எனத் தெரிவித்தார். இந்தச் சம்பவம் நடந்த BAR ன் உரிமையாளர் மாறிச் சில வாரங்களே ஆகின்றது என இவ் விசாரணையைப் பொறுப்பேற்றிருக்கும் காவற்துறையின் பரிஸ் குற்றவியற் தடுப்புப் பிரிவினர் தெரிவித்துள்ளனர்.

http://www.paristami...jMyODc2MDgw.htm

Edited November 24, 201213 yr by துளசி

குற்றச்செயல்கள் நிறைந்த நாடாக மாறிக்கொண்டு வருகிறது.

வேலை இல்லாத் திண்டாட்டம்! கடந்த 3 வருடங்களில் நியூயோர்கில் பிச்சைக்காரகள் கூடி வழைப்பறி, கொலை, கொள்ளை குற்ற செயல்கள் கூடி இருக்கிறது.