இலங்கை வந்துள்ள இந்திய இராணுவ தளபதி ஜெனரல் பிக்ரம் சிங் இன்று காலை 10 மணியளவில் வவுனியாவிற்கான விஜயத்தை மேற்கொண்டிருந்தார்.

அதன்படி 211 படைத்தளத்திற்கு வருகை தந்திருந்த அவரை வன்னி கட்டளைத்தளபதி மேஜர் ஜெனரல் பொலிபஸ் பெரேரா வரவேற்றிருந்ததுடன் அங்கு இடம்பெற்ற உயர் மட்ட சந்திப்பில் படைத்தலைமையகத்தால் மேற்கொள்ளப்படும் வேலைத்திட்டங்கள் தொடர்பில் விளக்கம் அளிக்கப்பட்டது.

அத்துடன் வடக்கில் இந்திய அரசினால் மேற்கொள்ளப்படும் வேலைத்திட்டங்கள், புகையிரத பாதை புனரமைப்பு, வீதிகள் புனரமைப்பு, புனர்வாழ்வளிக்கப்பட்டு விடுதலை செய்யப்பட்ட முன்னாள் போராளிகளுக்கு வழங்கப்படும் கடன் திட்டங்கள் மீள்குடியேறியோருக்கான செயற்பாடுகள் தொடர்பிலும் விளக்கம் அளிக்கப்பட்டது.

இதனையடுத்து வவுனியா பூந்தோட்டத்தில் அமைந்துள்ள முன்னாள் போராளிகளின் புனர்வாழ்வு நிலையத்தினை பார்வையிட்டதுடன் அங்கு புனர்வாழ்வில் ஈடுபட்டிருந்த முன்னாள் பெண் போராளிகளையும் நேரில் சென்று  பார்வையிட்டார்.

இதன்பொது செய்தியாளர்கள் இந்திய இராணுவ தளபதியிடம் இராணுவத்தினரின் வேலைத்திட்டங்கள் மற்றும் புனர்வாழ்வு தொடர்பில் கேட்டபோது தான் பார்வையட்டமை தொடர்பிலும் செயற்பாடுகள் தொடர்பிலும் சந்தோசமடைவதாக அவர் தெரிவித்தார்.

 

 

 

 

http://www.onlineuthayan.com/News_More.php?id=878181716122590629

தமிழினப் படுகொலைகளை அரங்கேற்றிய இந்தியக் காட்டுமிராண்டிகளும், சிங்கள பௌத்த பயங்கரவாதிகளும் சந்தித்தால் இதுபோன்ற போலித்தனமான அறிக்கைகள் வருவது வழமை ஆகிவிட்டது.