யாழ்ப்பாணத்தில் இயங்கும் உதயன் ஊடகத்திற்கு எதிராக 1000 கோடி ரூபா நஷ்டஈடு கோரி ஈழ மக்கள் ஜனநாயகக் கட்சியினால் (ஈ.பி.டி.பி.) தாக்கல் செய்யப்பட்ட வழக்கு விசாரணை நேற்று திங்கட்கிழமை யாழ். மேல் நீதிமன்றத்தில் எடுத்துக்கொள்ளப்பட்டது.

இந்த வழக்கில் விசாரணைக்காக,ஈழ மக்கள் ஜனநாயகக் கட்சியின் செயலாளர் நாயகமும் பாரம்பரிய கைத்தொழில்கள் மற்றும் சிறுகைத்தொழில் முயற்சி அபிவிருத்தி அமைச்சருமான கே.என்.டக்ளஸ் தேவானந்தா நேற்று தனது சட்டத்தரணியுடன் நீதிமன்றத்திற்கு சமுகமளித்திருந்தார்.
தனதும் தனது கட்சி மீதும் களங்கம் ஏற்படுத்தும் முகமாக உதயன் பத்திரிகையினால் பிரசுரிக்கப்பட்ட அவதூறுச் செய்திக்கு எதிராக அமைச்சர் டக்ளஸ் தேவானந்தா தொடுத்த ஆயிரம் (1000) கோடி ரூபா கோரும் மான நஷ்ட வழக்கு நேற்று விசாரணைக்கு எடுத்துக்கொள்ளப்பட்டது.
 

நேற்றுக் காலை அமைச்சர் டக்ளஸ் தேவானந்தா யாழ். மாவட்ட நீதிமன்றத்தில் நீதிபதி ஏ.ஆனந்தராஜா முன்பாக தனது சிரேஷ்ட வழக்கறிஞர் அப்துல் நஜீம், சட்டத்தரணி  டி.ரெங்கனின்  அனுசரணையுடன் ஆஜரானார்.

உதயன் பத்திரிகை நிறுவனத்தின் சார்பில் அதன் ஆசிரியர் பிரேமானந்த் தனது வழக்கறிஞர் ஊடாக தோன்றியதுடன் இவ்வழக்கினை சமரசத்திற்கு கொண்டுவர அமைச்சரின் விருப்பம் குறித்து மாவட்ட நீதிபதியினால் கேட்கப்பட்டது.

இதற்குப் பதிலளித்த அமைச்சர் டக்ளஸ் தேவானந்தா, உதயன் பத்திரிகையானது தன் மீதும் தனது கட்சி மீதும் களங்கம் ஏற்படுத்தும் முகமாக தொடர்ச்சியாக ஆதாரமற்ற பொய்ச் செய்திகளை பிரசுரிக்கின்றது.

முதலில் உதயன் பத்திரிகை நிறுவனத்தினர் எனதும் எனது கட்சி மீதும் மேற்கொள்ளப்பட்ட  களங்கம் கற்பிக்கும் அவதூறுச் செய்திகளுக்காக நீதிமன்றில் ஆஜராகி தமது தரப்பு நியாயத்தை தெரிவிக்க வேண்டுமென கேட்டுக் கொள்வதாகவும் அதன் பின்னரே சமரசம் குறித்து தன்னால் சிந்திக்க முடியுமெனவும் கூறினார்.

இதனை கவனத்தில் எடுத்துக்கொண்ட நீதிபதி ஏ.ஆனந்தராஜா இவ்வழக்கினை எதிர்வரும் மார்ச் மாதம் 15 ஆம் திகதிக்கு ஒத்திவைத்ததுடன், அன்று விசாரணை தொடருமென அறிவித்தார்.

 

http://www.thinakkural.com/index.php?option=com_content&view=article&id=1904:1000------&catid=55:jaffna&Itemid=459

டக்கியின் சட்டத்தரணிகள் ஒத்துக்கொள்ளமாட்டர்கள். வழக்கு தொடர்ந்து நடந்தால் உதயனுக்கு எதிராக தீர்ப்பு வரும் என்பது எல்லோருக்கும் தெரியும். அவர்கள் தங்கள் பணத்தை வீனே இழக்க விருமப மாட்டார்கள்.

டக்ளசிற்கு எதிராக வழக்குப்போடலாம்...

கொலைகள், கொள்ளைகள், கடத்தல்கள், வன்புணர்வுகள், கப்பங்கள்.....

 

ஆனால் இலங்கையில் முடியாது