இலங்கை கடற்படையால் சிறைபிடிக்கப்பட்ட தமிழகத்தை சேர்ந்த 19 மீனவர்களை மீட்டுக் கொண்டுவர சட்ட நிபுணர்களுடன் ஆலோசனை செய்யப்பட்டு வருவதாக இந்திய வெளியுறவுத் துறையின் செய்தித் தொடர்பாளர் சையது அக்பருதீன் தெரிவித்துள்ளார்.

டெல்லியில் இது குறித்து அவர் செய்தியாளர்களைச் சந்தித்து கூறியதாவது, தமிழகத்தைச் சேர்ந்த 19 மீனவர்களை இலங்கை கடற்படையினரால் சிறைப்பிடிக்கப்பட்டது தொடர்பான விவகாரத்தில், டெல்லியில் உள்ள இலங்கை தூதரிடம் இந்திய வெளியுறவுத் துறை அதிகாரிகள் பேசியுள்ளனர்.
 

இலங்கையில் உள்ள இந்திய தூதரக அதிகாரிகள் இது தொடர்பாக இலங்கை அரசுடன் பேச்சு நடத்தினர். இலங்கை சிறையில் உள்ள மீனவர்களின் நீதிமன்ற காவல் மேலும் 10 நாள்களுக்கு நீட்டிக்கப்பட்டது. இது குறித்தும் இலங்கை அரசுடன் இந்திய அதிகாரிகள் பேசினர். தமிழக மீனவர்களுக்கு சட்ட உதவிகள் கிடைக்க நடவடிக்கை எடுத்துள்ளோம். விரைவில் அவர்கள் நாடு திரும்புவார்கள்.

இலங்கையில் இந்திய நிதியுதவியுடன் செயல்படுத்தப்படும் வீட்டுவசதித் திட்டங்கள் திருப்தி அளிக்கும் வகையில் நடைபெற்று வருகின்றன.

திட்டமிடப்பட்ட 50,000 வீடுகளில் முதல் கட்டமாக 1,000 வீடுகளை ஒப்பந்த நிறுவனங்கள் மூலம் மத்திய அரசே கட்டிக் கொடுத்தது. இரண்டாம் கட்டமாக 43,000 வீடுகளை பயனாளிகளே விருப்பத்துக்கு ஏற்றவாறு கட்டிக் கொள்ளும் வகையில் நிதியுதவி செய்யப்பட்டது.

அந்தத் திட்டத்தின்படி, வீடு கட்டத் தேவைப்படும் நிதியை பயனாளிகளின் வங்கிக் கணக்கில் நேரடியாக மாற்றம் செய்யும் வசதியை இந்தியா உருவாக்கியுள்ளது. அந்த விவரங்கள் கொழும்பில் உள்ள இந்திய தூதரின் இணையத்தில் பதிவு செய்யப்பட்டுள்ளன என்று கூறினார்.

 

http://tamil.webdunia.com/newsworld/news/national/1304/05/1130405010_1.htm

Edited April 5, 201312 yr by துளசி

எவ்வளவு விரைவில்?

 

வெகு விரைவில், யாழ்ப்பாணம் 'ராஜா' தியேட்டர் வெண்திரையில், உங்களைக் காணவருகிறான், 'மக்கள் திலகம்' நடித்த 'காவல் காரன்'

 

இவ்வளவு விரைவு இருக்கும் என எதிர் பார்க்கலாமா?

 

நன்றிகள், துளசி!