தமது நாட்டு காவல்துறையினரை இலங்கையில் நிலைநிறுத்துவது குறித்து மாலைதீவு அரசாங்கம் கவனம் செலுத்தி வருவதாகத் தெரிவிக்கப்படுகிறது. போதைப் பொருள் கடத்தல் நடவடிக்கைகளை கட்டுப்படுத்தும் நோக்கில் இந்த நடவடிக்கை எடுக்கப்பட உள்ளது.

 

அண்டை நாடுகளில் காவல்துறை உத்தியோகத்தர்களை கடமையில் ஈடுபடுத்துவதன் மூலம் போதைப் பொருள் கடத்தல் நடவடிக்கைகளை கட்டுப்படுத்த முடியும் என மாலைதீவு காவல்துறை மா அதிபர் அப்துல்லா ரியாஸ் தெரிவித்துள்ளார். நாட்டுக்குள் போதைப் பொருள் கடத்தப்படுவதனை தடுக்க உரிய நடவடிக்கைகள் எடுக்கப்படும் என அவர் குறிப்பிட்டுள்ளார்.

 

வெளிநாட்டுப் பிரஜைகளே அதிகளவில் மாலைதீவில் போதைப் பொருள் கடத்தல்களுடன் தொடர்புபட்டிருப்பதாகத் தெரிவித்துள்ளார். இலங்கை இந்தியா போன்ற நாடுகளில் காவல்துறை உத்தியோகத்தர்களை நிலைநிறுத்துவதன் மூலம் போதைப் பொருள் கடத்தல் பிரச்சினைக்கு தீர்வு காண முடியும் என அவர் சுட்டிக்காட்டியுள்ளார்.

 

போதைப் பொருள் பாவனையாளர்களுக்கு உரிய புனர்வாழ்வு அளிக்கப்படாமையே பிரச்சினை அதிகரிப்பதற்கான காரணம் என அவர் தெரிவித்துள்ளார்.

http://globaltamilnews.net/GTMNEditorial/tabid/71/articleType/ArticleView/articleId/94867/language/ta-IN/article.aspx

கச்ச தீவிலை நிறுத்தினால் சீனக்காரனிட்டையும் பயிற்சி பெற்றமாதிரி இருக்கும்!
கொழும்பில நிறுத்தினால் சித்தார்த்தனுக்கு இருப்புக் கொள்ளாது!!!