தமிழக முதல்வர் ஜெயலலிதா மீதான சொத்துக் குவிப்பு வழக்கில் பெங்களுரூ சிறப்பு நீதிமன்றத்தில் இன்று தீர்ப்பு வழங்கப்பட்டது. சொத்து குவிப்பு வழக்கில் ஜெயலலிதா குற்றவாளி என்று தீர்ப்பு வழங்கிய நீதிபதி குன்ஹா ஜெ உட்பட குற்றம் சாட்டப்பட்ட நால்வருக்கும் நான்கு வருட சிறைத் தண்டனையும், அபராதமும் விதிக்கப்பட்டது. குற்றவாளி என்று நிருபிக்கப்பட்டதால் மக்கள் பிரதிநிதத்துவ சட்டத்தின் படி தனது சட்டமன்ற உறுப்பினர் பதவியை இழக்கிறார்.

தீர்ப்பு முதல்வருக்கு சாதகமாக வரும் என்று எதிர்பார்த்த அதிமுகவினர், பாதகமாக வந்ததையடுத்து கலவரத்திலும் ஆர்ப்பாட்டத்திலும் ஈடுபட்டு வருகின்றனர். தீர்ப்பை வரவேற்ற தி.மு.கவினர் பட்டாசு வெடித்து கொண்டாடினர் சில இடங்களில். சென்னை,கோவை,திருப்பூர் மற்றும் சில இடங்களில் பேருந்துகள் எரிக்கப்பட்டன. இதனையடுத்து பேருந்து சேவைகளனைத்தும் நிறுத்தப்பட்டது. அதிமுகவினரின் கலவரங்களை தொடர்ந்து கடைகள் அனைத்தும் அடைக்கப்பட்டன. மதியத்திற்கு மேல் அனைத்து வணிக மற்றும் அலுவலங்களும் மதியத்துடன் பணிகளை முடித்து கொண்டதால் பணியிலிருந்து திரும்பியவர்கள் வீட்டிற்கு செல்ல பேருந்துகள் இல்லாததால் பல கி.மீ நடந்து செல்ல நேரிட்டது. கடைகள் போன்றவை அடைக்கப்பட்டதால் பால் முதலிய அத்தியாவசிய பொருட்கள் கிடைப்பதிலும் சிக்கல் ஏற்பட்டுள்ளது.

அரசியல் வானில் உச்சத்தில் இருக்கின்ற போது வழங்கப்பட்ட இந்த தீர்ப்பை அதிமுகவினர் ஜீரனிக்க முடியாததாய் இருக்கின்றது. மேலும் பத்தாண்டுகள் வரை ஜெயலலிதாவால் தேர்தலில் நிற்க முடியாது என்பதால் இனி அவரது அரசியல் பயணம் கேள்விக்குள்ளாகிறது. அதிமுக கட்சி ஜெயலலிதா என்ற தனிபெரும் மனிதரை சார்ந்துள்ள நிலையில் இனி அதிமுகவினது எதிர்காலத்தை பற்றிய பல விவாதங்கள் முன்வைக்கப்படுகிறது. அடுத்த முதல்வர் யார் என்பது நாளை தெரியவரும். ஏற்கனவே இடைக்கால முதல்வராக இருந்த ஒ.பன்னீர்செல்வம் மீண்டும் முதல்வராக நிறுத்தப்படலாம் என்று எதிர்பார்க்கப்படுகிற்து.

தமிழகத்தில் நிலவும் அசாதாரண சூழலை கருத்திற் கொண்டு சட்டம் ஒழுங்கை நிலைநாட்டும்படி மாநில ஆளுநர் காவல்துறையினருக்கு உத்தரவிட்டுள்ளார். மூன்றாண்டுகளுக்கு மேல் தண்டனை பெறுபவர்கள் மாநில உயர்நிதீமன்றத்தை அனுகி ஜாமீன் பெற வேண்டும். தசரா பண்டிகையை முன்னிட்டு கர்நாடக உயர்நிதீ மன்றம் வரும் 6 ஆம் தேதி வரை விடுமுறையில் உள்ளதால் ஜாமீன் கிடைப்பதில் சிக்கல் ஏற்பட்டுள்ளது. மருத்துவ பரிசோதனை முடித்து தற்போது ஜெயலலிதா ஜெயிலில் அடைக்கப்பட்டுள்ளார்.

ஜெயலலிதா மீது வழங்கப்பட்டுள்ள தீர்ப்பை பல அரசியல் கட்சி தலைவர்கள் வரவேற்றுள்ளனர். வழக்கை தொடர்ந்த ஜனதா கட்சி தலைவர் சுப்பிரமணியசாமி காலம் தாழ்த்தி வழங்கப்பட்டாலும் நீதி நிலைநாட்டப்பட்டுள்ளதாகவும் தமிழகத்தில் இனி பாரதிய ஜனதா கட்சி வளர்ச்சிபெறும் என தெரிவித்தார். காவிரி விவகாரத்தில் கர்நாடகத்திற்கு எதிரான தீர்ப்பை ஜெ பெற்று தந்திருப்பதால் இன்றைய தீர்ப்பை கர்நாடக மாநிலத்தவர்கள் வரவேற்றுள்ளனர்.

இந்தியா முழுவதிலும் எதிர்பார்க்கப்பட்ட இந்த தீர்ப்பு பலமுக்கியத்துவங்களை பெற்றுள்ளது. நீதி துறையில் ஒரு மைல்கல்லாக பார்க்கப்படுக்கிறது. தமிழக அரசியலில் பல திருப்புமுனைகளை எற்படுத்துவதாக இந்த தீர்ப்பு அமையும் என்பதில் ஐயமில்லை.

(யாழ் கள செய்திகளுக்காக தமிழகத்திலிருந்து விச்ச்சுவா )

 

விச்ச்சுவாவுக்கு நன்றிகள். 

 

இந்த தீர்ப்பு முதலே எதிர்பார்க்கப்பட்டதா?

மோடி இல்லாத நேரம் பார்க்கப்பட்டதா?

ஜாமீன் சம்பந்தமாக கர்நாடக விடுமுறைகளையும் கணக்கெடுத்து தீர்ப்பு நாள் குறிக்கப்பட்டதா?

 

தீர்ப்பு கடந்த 20 ஆம் தேதியே வழங்கப்படுவதாக இருந்தது. ஆனால் பாதுகாப்பு காரணத்தை காட்டி ஜெ தரப்பில் மேல்முறையீடு செய்யப்பட்டு இன்றைய தேதிக்கு தீர்ப்பு மாற்றப்பட்டது.

அதன்படி பார்த்தால் அப்படி தெரியவில்லை கு.சா அண்ணை.