பிரேசில் நாட்டில் நோயாளி ஒருவர், தனக்கு மூளை அறுவை சிகிச்சை நடைபெற்றுக்கொண்டிருந்தபோது கிடார் வாசித்து மருத்துவர்களை பரவசத்தில் ஆழ்த்தியுள்ளார்.

பிரேசிலில் வசித்து வரும் வங்கி ஊழியரான அந்தோணி குல்காம்ப் டியாஸ்(33) என்பவர் மூளை புற்றுநோயால் பாதிக்கப்பட்டிருந்தார்.

இந்நிலையில், இதனை அகற்றுவதற்காக மூளையில் அறுவை சிகிச்சை மேற்கொள்ள மருத்துவர்கள் முடிவுசெய்தனர்.

மேலும், அறுவைசிகிச்சையின் போது மூளையின் செயல்பாடுகளை நவீன கருவியின் மூலம் கண்கணிப்பதற்காக, அந்தோணிக்கு மயக்க மருந்து அளிக்காமல், வலியை மட்டும் மறக்கச்செய்யும் மருந்தினை செலுத்த முடிவு செய்தனர்.

இதற்கு அந்தோணியும் சம்மதம் தெரிவித்துத்துள்ளார், மேலும் 20 ஆண்டுகளாக கிடார் வாசித்துவரும் இவர், அறுவைசிகிச்சையின் போது தான் கிடார் வாசிக்க விரும்புவதாக மருத்துவர்களிடம் தெரிவித்துள்ளார்.

இதனைத் தொடர்ந்து, மருத்துவர்கள் மண்டை ஓட்டை அகற்றி கட்டியை அகற்றிக்கொண்டிருக்க, அந்தோணி கட்டிலில் படுத்துக்கொண்டு ஆறு சூப்பர் ஹிட் பாடல்கள் மற்றும் தனது மகனுக்காக இசையமைத்த தாலாட்டு பாடலையும் வாசித்து மருத்துவர்களை பரவசத்தில் மூழ்கடித்துள்ளார்.

மொத்தத்தில் அறுவை சிகிச்சை அறையே கச்சேரி மேடையாக மாறியது, தற்போது அந்தோணி நலமோடு இருப்பதாக மருத்துவர்கள் தெரிவித்துள்ளனர்.

http://youtu.be/2fIXNA_lT30

tamilwin.com

மூளையை கழட்டி கிளீனிங்  செய்து கொண்டிருக்கேக்கையும் பாவிமகன் கிட்டார்  அடிச்சிருக்கிறான்....