அமெரிக்கா நீதிமன்றில் நண்பரை திருடனாக சந்தித்த பெண் நீதிபதி ஒருவர் அதிர்ச்சி அடைந்ததோடு குற்றவாளி மனம் உருகி அழுத சம்பவம் பார்ப்பவர்களின் மனதை நெகிழவைத்துள்ளது.

அமெரிக்காவில் மியாமா நகர நீதிமன்றில் கொள்ளைச் சம்பவம் தொடர்பான வழக்கு விசாரணைக்கு 49 வயதுடைய ஆர்தர் பூத் என்ற நபர் பொலிஸாரால் அழைத்து வரப்பட்டார்.
இந்த வழக்கை பெண் நீதிபதி மின்டி களேசர் என்பவர் விசாரணை செய்தார். குற்ற வாளியாக   நின்று கொண்டி நபரை பார்த்த நீதிபதி கிளேசர்  அதிர்ச்சியடைந்தார். 

திருடனாக நின்ற குற்றவாளி அவரது பாடசாலை காலத்தில்  நெருங்கிய நண்பர் ஆவார். இவர்கள் இருவரும் மியாமி பகுதியில் உள்ள நயூடிலஸ் நடுநிலைப் பாடசாலையில் ஒன்றாக படித் துள்ளனர்.

வழக்கில் இருவரும் நேருக்கு நேர் சந்தித்ததும் அடையாளம்   கண்டு கொண்டனர்.  இதனால் அதிர்ச்சியும், வருத்தமும் அடைந்த ஆர்தர் பூத், நீதிபதி மின்டி கிளேசரிடம் குற்றவாளி என்ற நிலையில் உங்களை இங்கு பார்த்ததில் மிகவும் வருத்தமடைகிறேன் என்றார். 

அதற்கு பதிலளித்த நீதிபதி,  எப்போதும் உங்களை பற்றி நான் ஆச்சரியமடைவேன். எப்படி இதுபோன்று  நடந்தது என்றார்.

மேலும் அவர் கூறும்போது, பள்ளியில் படிக்கும்போது பூத் மிகவும் நல்லவராக இருந்தார். கால்பந்து வீரர். நானும் அவருடன் கால்பந்து விளையாடி இருக்கிறேன்’ என்றார்.
இதனையடுத்து குற்றவாளியான ஆர்தர் தனது நிலையை எண்ணி அழுதுள்ளார்.

http://www.virakesari.lk/articles/2015/07/06/நண்பரை-திருடனாக-சந்தித்த-நீதிபதி-மனதை-உருக்கும்-காட்சி

இதைத்தான் விதி என்பார்கள்.

 

இத்தகைய சில சந்திப்புகள் அண்மைக்காலங்களில் எனக்கும் ஏற்பட்டது. கிட்டத்தட்ட 3- 4 தசாப்தங்களுக்கு முன்னரான நட்புகள் சில....... காலம் ஒவ்வொருவரையும் எவ்வளவுதூரம் மாற்றிவிடுகிறது. சோகங்களும் அதிர்ச்சிகளும் நிறைந்ததாக மகிழ்ச்சியானதாக கருதக்கூடியதாக சந்திப்பு அரிதென்றே சொல்லத்தோன்றுகிறது. ஒவ்வொருவர் கதையும் ஒவ்வொரு விதமாக.... இதில் என்னை அடையாளம் கண்ட நண்பர்கள் மகிழ்வை வெளிப்படுத்திக் கொண்ட அளவுக்கு அவர்களின் நிலையை பார்த்து என்னால் மகிழ்வு கொள்ளமுடியவில்லை நன்றாகப்படித்தவர்கள் என்று நான் பொறாமையுடன் பார்த்தவர்கள் இன்று உலகின் ஏதோ ஒரு முனையில் தனிமைப்பட்டோ அகதி என்ற அடைமொழிக்குள் அடையாளம் தொலைக்கப்பட்டோ இருப்பதைக் காணும்போது மனம் கனக்கிறது. அவர்களைப்பற்றியெல்லாம்  எழுத நிறைய இருக்கிறது காலம் சாத்தியப்படும்போது அவற்றையெல்லாம் எழுதவேண்டும் என்ற உந்துதல் நிறையவே உள்ளது.

 

என்னுடன் படித்தவர்களை இன்றைய காலத்தில் வேறொரு கோணத்தில் சந்திக்கும் போது மனம் விட்டு அழுதிருக்கின்றேன்.... சகோதரி சகாறா சொன்னது போல் எல்லாம் விதி. 

இணைப்பை பலதடவை பார்த்து கண்கலங்கி விட்டேன். 

மனதை.... மிகவும் நெகிழ வைத்த காணொளி.
அந்தக் குற்றவாளி.... தனது செயலையும், கடந்த கால வாழ்க்கையையும் நினைத்து.... 
வாழ்நாள் பூராகவும், வேதனைப் பட்டுக் கொண்டே.... இருப்பான் என்பதை, எம்மால் ஊகிக்க முடிகின்றது.
பாவம்... அவனுக்கு, அந்தக் குற்றத்தை செய்ய... என்ன புறக்காரணிகள் இருந்ததோ... நாமறியோம்.