தீபிகா பல்லிகலை இந்து, கிறுஸ்தவ முறைப்படி திருமணம் செய்கிறார் தினேஷ் கார்த்திக்!

 

கிரிக்கெட் வீரர் தினேஷ் கார்த்திக், ஸ்குவாஷ் வீராங்கனை தீபிகா பல்லிகலுக்கும் கடந்த 2013ஆம் ஆண்டு திருமணம் நிச்சயம் செய்யப்பட்டது. ஆனால் தொடர்ச்சியான கிரிக்கெட் மற்றும் ஸ்குவாஷ் போட்டிகளால் திருமணம் தள்ளிப் போய் கொண்டு வந்தது.

இந்நிலையில், அடுத்த மாதம் இவர்களது திருமணத்தை நடத்த பெற்றோர்கள் முடிவு செய்துள்ளனர். தீபிகா பல்லிகல் கிறுஸ்துவர் என்பதால், முதலில் ஆகஸ்ட் 18ஆம் தேதி சென்னையில் கிறுஸ்துவ முறைப்படி திருமணம் நடைபெறுடிகிறது. தொடர்ந்து 20ஆம் தேதி தினேஷ் கார்த்திக் இந்து முறைப்படி தீபிகா பல்லிகல் கழுத்தில் தாலி கட்டுகிறார்.

          

இருவருமே விளையாட்டுத்துறையை சேர்ந்த பிரபலங்கள் என்பதால் ஏராளமான கிரிக்கெட் வீரர்கள், விளையாட்டு வீரர் , வீராங்கனைகள் இந்த திருமணத்தில் பங்கேற்பார்கள் என்று எதிர்பார்க்கப்படுகிறது. திருமணத்திற்கான ஏற்பாடுகளை இரு வீட்டாரும் செய்து வருகின்றனர்.

http://www.vikatan.com/news/article.php?aid=50081

முசுலீம்கள் தங்கள் பிள்ளைகள் வேற்று மதத்தவர்களைக் காதலித்து கல்யாணம் செய்யும் சந்தர்ப்பத்தில் தமது மதமுறைப்படியும் பின் வேறு மதமுறைப்படியும் இருதடவைகள் திருமணம் செய்வதற்கு அனுமதித்துள்ளார்களா....???

கிரிக்கெட் வீரர் தினேஷ் கார்த்திக்–தீபிகா பல்லிக்கல் திருமணம்! (படங்கள்)

 

சென்னை: கிரிக்கெட் வீரர் தினேஷ் கார்த்திக்– ஸ்குவாஷ் வீராங்கனை தீபிகா பல்லிக்கல் திருமணம் சென்னையில் நேற்று நடைபெற்றது.

இந்திய கிரிக்கெட் அணி வீரரான தமிழகத்தை சேர்ந்த தினேஷ் கார்த்திக்கும், சென்னையை சேர்ந்த இந்திய ஸ்குவாஷ் வீராங்கனை தீபிகா பல்லிக்கல்லும் கடந்த இரண்டு ஆண்டு காலமாக காதலித்து வந்தனர்

காதலர்களாக வலம் வந்தவர்கள், திருமணம் செய்துகொள்ள முடிவு செய்தனர். அதன்படி கடந்த 2013 ஆம் ஆண்டு இருவருக்கும் திருமண நிச்சயிக்கப்பட்டது. எனினும் தொடர்ந்து விளையாட்டில் பங்கேற்கும் சூழல் இருந்ததால், அவர்கள் திருமணம் தள்ளிப்போய்க்கொண்டே இருந்தது

இந்நிலையில், தினேஷ் கார்த்திக்–தீபிகா பல்லிக்கல் திருமணம் கிறிஸ்தவ முறைப்படி சென்னையில் நேற்று நடைபெற்றது. இவர்களின் திருமண நிகழ்ச்சியில், நெருங்கிய உறவினர்கள், நண்பர்கள், விளையாட்டு பிரபலங்கள் பலர் கலந்து கொண்டு மணமக்களை வாழ்த்தினர். அதை தொடர்ந்து நாளை இந்து முறைப்படியும் இவர்களது திருமணம் நடக்க உள்ளது.

http://www.vikatan.com/news/article.php?aid=51171

 

 

 

நேற்று கிறிஸ்தவ முறைப்படி.. இன்று இந்து முறைப்படி திருமணம்!

 

இந்திய கிரிக்கெட் வீரர் தினேஷ் கார்த்திக் - ஸ்குவாஷ் வீராங்கனை தீபிகா  பல்லிக்கல் திருமணம் இந்து முறைப்படி இன்று நடைபெற்றது.

தினேஷ் கார்த்திக் -  தீபிகா பல்லிக்கல் திருமணம் கிறிஸ்தவ முறைப்படி சென்னையில் நேற்று நடைபெற்றது. இவர்களின் திருமண நிகழ்ச்சியில், நெருங்கிய உறவினர்கள், நண்பர்கள், விளையாட்டு பிரபலங்கள் பலர் கலந்து கொண்டு மணமக்களை வாழ்த்தினர்.

மணமகன் தினேஷ் கார்த்திக் இந்து மதத்தை சேர்ந்தவர் என்பதால், இந்துமுறைப்படி இன்று திருமணம் நடைபெற்றது. மணமகள் தீபிகா மஞ்சள் நிற பட்டுப்புடைவை அணிந்திருந்தார்.

 

 மணமகன் தினேஷ் கார்த்திக் பட்டு வேட்டி கட்டி, தலைபாகை அணிந்திருந்தார். திருமண சடங்குகளுக்கு பிறகு தினேஷ் கார்த்திக், தீபிகா கழுத்தில் தாலி கட்டினார்.

இந்த திருமணத்தில் இரு வீட்டாரை சேர்ந்த உறவினர்கள், நெருங்கிய நண்பர்கள் கலந்து கொண்டனர். திருமணத்திற்கான ஏற்பாடுகளை தினேஷ் கார்த்திக், தீபிகா பல்லிக்கல் குடும்பத்தினர் செய்திருந்தனர். 

http://www.vikatan.com/news/article.php?aid=51249

Edited August 20, 201510 yr by நவீனன்

வாழ்த்துக்கள் மணமக்களுக்கு...!

ஒரு சந்தேகம் ! கிறிஸ்தவ முறைப்படி மோதிரம் மாற்றும் போது கார்த்திக் மதம் மாறித்தானே சப்பிரசாதம் எல்லாம் எடுக்க வேண்டும்.

''தினேஷ் கார்த்திக்கை தவிர வேறு எந்த கிரிக்கெட் வீரரும் எனக்கு பிடிக்காது''!- தீபிகா பல்லிக்கல்

 

தினேஷ் கார்த்திக்கை தவிர வேறு எந்த கிரிக்கெட் வீரரும் எனக்கு பிடிக்காது என்று ஸ்குவாஷ் வீராங்கனை தீபிகா பல்லிக்கல் கூறியுள்ளார்.

கிரிக்கெட் வீரர் தினேஷ் கார்த்திக் ஸ்குவாஷ் வீராங்கனை தீபிகா பல்லிக்கல் திருமணம் நேற்று நடந்தது. முதலில் கிறுஸ்தவ முறைப்படியும் அடுத்து இந்து நாயுடு முறைப்படியும் இரு முறை தீபிகா கழுத்தில் தினேஷ் கார்த்திக் தாலி கட்டினார். கிரிக்கெட் வீரரை தீபிகா பல்லிக்கல் திருமணம் செய்திருந்தாலும் தினேஷ் கார்த்திக்கை சந்திக்கும் முன்பு கிரிக்கெட் வீரர்கள் மீது தீபிகாவுக்கு கடும் வெறுப்பு இருந்துள்ளது.

இந்தியாவின் முன்னணி பத்திரிகை ஒன்றுக்கு அவர் அளித்த பேட்டியில், '' இந்திய கிரிக்கெட் வீரர்கள் விளையாட்டை விட விளம்பர வருவாய்களில்தான் கவனம் செலுத்துகின்றனர். கிரிக்கெட்டால் இந்தியாவில் பிற விளையாட்டுகள் அழிவை சந்திக்கின்றன'' என்று கூறியிருந்தார்.

ஆனால் தினேஷ் கார்த்திக்கை சந்தித்த பிறகு இருவருக்கும் பொதுவான நண்பர்கள் தீபிகாவுக்கு கிரிக்கெட் பிடிக்காது என்று தினேஷிடம் கூறியுள்ளனர். எனினும் தினேஷ் கார்த்திக்கின் 'பக்கத்து வீட்டு பையன்' தோற்றம் தீபிகாவை கவர காதல் கசிந்து திருமணத்தில் வந்து முடிந்துள்ளது. இப்போதும் தினேஷ் கார்த்திக்கை தவிர வேறு எந்த கிரிக்கெட் வீரரும்  பிடிக்காது என்றுதான் தீபிகா சொல்கிறார்.

தீபிகா மிகச்சிறந்த மாடலும் கூட. தனக்கென்று தனியாக 'தீபிகா ரெபேக்கா பல்லிக்கல்' என்ற லோகோவை அவர் உருவாக்கியுள்ளார். 6வது வகுப்பு படிக்கும் போதே லண்டனில் நடைபெற்ற சர்வதேச போட்டியில் தீபிகா பங்கேற்றுள்ளார். அர்ஜுனா விருதை வென்ற முதல் ஸ்குவாஷ் வீராங்கனை தீபிகாதான்.

தீபிகாவின் ஆதர்ஷ விளையாட்டு வீரர் அவரது கணவர் இல்லை. டென்னிஸ் வீரர்  ரோஜர் ஃபெடரருக்குதான் அந்த இடம் கிடைத்துள்ளது. தனது ரோல்மாடல் என்றும் ரோஜர் ஃபெடரரை தீபிகா கூறுவது வழக்கம்.

ஸ்குவாஷ் தரவரிசையில் முதலிடம் பிடிப்பதும் பாரத ரத்னா விருது வெல்வதும்தான் தீபிகாவின் லட்சியங்கள். சினிமாவில் நடிக்க வாய்ப்புகள் வந்த போதும் அவற்றை ஏற்க மறுத்து விட்டார் தீபிகா.

http://www.vikatan.com/news/article.php?aid=51280