.ரி.எம். அட்டையை பயன்படுத்தி கையாடியவர் நீதிமன்றில் சரண்

ஒருவரின் தன்னியக்க பணபரிவர்த்தனை (ஏ.ரி.எம்.) அட்டையைப் பயன்படுத்தி  2 லட்சத்து 67 ஆயிரம் ரூபாவைச் சுருட்டிய  சங்கத்தானைவாசி  நேற்றுமுன்தினம் சட்டத்தரணி மூலம் நீதிமன்றில் சரணடைந்தார். குறித்த நபர் சாவகச்சேரியில் உள்ள தனியார் வங்கியயான்றில்  அயலவர் ஒருவரின் தன்னியக்க பணப்பரிவர்த் தனஅட்டைத் திருடி அதன் இரகசிய இலக்கத்தைத் தெரிந்து கொண்டு வங்கியிலிருந்து  2 லட்சத்து 67 ஆயிரம் ரூபாவை கையாடியுள்ளார்.

பணத்தை வங்கியில் வைப்பிலிட்டவர் வங்கிக் கணக்கில் உள்ள தொகை பெருமளவில் குறைந்திருந்ததை அவதானித்து சாவகச்சேரி பொலிஸ் நிலையத்தில் முறைப்பாடு செய்திருந்தார். இது தொடர்பாக பொலிஸார் நேற்று  நீதிமன்றில்  வழக்குத் தாக்கல் செய்து வங்கியின் இரகசியக் கண்காணிப்பு கமரா பதிவுகளைப் பெறுவதற்கு நீதிமன்றில் அனுமதி கோரியிருந்தனர்.

இந்த நிலையில் சங்கத்தானையைச் சேர்ந்த  நபர்  சட்டத்தரணி மூலம்  நீதிமன்றில் சரணடைந்தார். நீதிமன்றில் குற்றத்தை ஒப்புக் கொண்டு ஒரு தொகைப் பணம் செலுத்துவதாகவும் தெரிவித்தார். அதையடுத்து குறித்த நபரை தலா 2 லட்சம் ரூபா பெறுமதியான இருஆள் பிணையில் செல்ல அனுமதித்த நீதிவான் மிகுதித்  தொகையை அடுத்த தவணையில் செலுத்துமாறு உத்தரவிட்டார். இதனையடுத்து 99 ஆயிரம் ரூபா நீதிமன்றில் செலுத்தப்பட்டது.

http://onlineuthayan.com/news/1504