நடிகை ஆஷ்னாவை சந்தானம் இரண்டாவது திருமணம் செய்தாரா? இரு தரப்பிலும் மறுப்பு!

 

திருப்பதியில் நடிகர் சந்தானமும் நடிகை ஆஷ்னா சாவேரியும் இன்று ரகசியமாகத் திருமணம் செய்துகொண்டார்கள் என்று பரவிய வதந்திக்கு இரு தரப்பிலும் மறுப்பு தெரிவித்துள்ளார்கள்.

இனிமே இப்படித்தான் படத்துக்குப் பிறகு சந்தானம் கதாநாயகனாக நடிக்கும் படத்தை லொள்ளுசபா இயக்குநர் ராம்பாலா இயக்குகிறார். இப்படத்தின் கதாநாயகியாக ஆஷ்னா சாவேரி. இவர் ஏற்கெனவே சந்தானத்துடன் இனிமே இப்படித்தான், வல்லவனுக்குப் புல்லும் ஆயுதம் போன்ற படங்களில் நடித்துள்ளார்.

இன்று காலை திடீர் என சந்தானம் குறித்து வதந்தி பரவியது. சந்தானம், தன்னுடன் நடிக்கும் நடிகை ஆஷ்னாவை ரகசியமான முறையில் திருப்பதியில் திருமணம் செய்துகொண்டார் என்று அதற்கேற்ற ஒரு புகைப்படத்துடன் இணையத்தில் வதந்தி உருவானது.

இதுகுறித்து ஆஷ்னா தரப்பில், திருப்பதியில் எதிர்பாராதவிதமாகத்தான் அவர் சந்தானத்தைச் சந்தித்தார். ஆஷ்னா தன்னுடைய ஒவ்வொரு பிறந்தநாளின்போதும் திருப்பதி செல்வது வழக்கம். அப்போது அங்கு இயக்குநருடன் திருப்பதிக்கு வந்த சந்தானத்தை சந்திக்க நேர்ந்தது. அதன் புகைப்படம் தான் இணையத்தில் வெளியானது என்று விளக்கம் தரப்பட்டுள்ளது. 

அதேபோல சந்தானம் தரப்பு இதுபற்றி கூறும்போது, ஒவ்வொரு புதுப்படம் ஆரம்பிக்கும்போதும் திருப்பதிக்குச் செல்வது சந்தானத்தின் வழக்கம். இந்தமுறை படக்குழுவினருடன் திருப்பதி சென்றார். மற்றபடி, வதந்தியில் துளிகூட உண்மையில்லை என்றார்கள். 

http://www.dinamani.com/

 

சந்தானம்... பட்டு வேட்டியுடன், கை கோத்துக் கொண்டு வாறதைப் பார்க்க... தற் செயலாக சந்தித்த மாதிரி தெரியவில்லை.
எதுக்கும்  இரண்டு, மூண்டு நாள்.... பொறுத்திருந்தால், முதல் மனைவியின் அறிக்கையும் வந்து விடும். 

 

இதையெல்லாம் ஏன் கோவிலுக்கு தள்ளிட்டு போறாங்கள் .......??
இவங்களை புரியவே முடியல்ல 

தமிழ் நாட்டில் எவளவு கொட்டல் இருக்கிறது.
ஆல் இங்க்குளுசிவாக எல்லாத்தையும் முடித்துவிட்டு போகலாமே ?

கலியாணம் கச்சேரி உணவு பற்றி சொன்னேன் ....

கலியாணம் கட்டிட்டுத்தான் அந்த விசயங்களை நடத்தணும்  என்ற சம்பிரதாயங்களை தூக்கி எறியணும்