அவன் கார்டிற்கு 40 ஆயிரம் மில்லியன் டொலர்களை அரசாங்கம் செலுத்த வேண்டும்

அவன் கார்ட் நிறுவனத்திற்கு சொந்தமான ஆயுதக் கப்பல் மற்றும் வர்த்தக நடவடிக்கைளை கடற்படையினர் பொறுப்பேற்றுள்ள நிலையில், குறித்த நிறுவனத்துடன் அரசாங்கம் செய்துகொண்டிருந்து ஒப்பந்தம் இரத்து செய்யப்பட்டுள்ளது.

எனினும் ஒருதலைப்பட்சமாக ஒப்பந்தத்தை இரத்து செய்ய நடவடிக்கை எடுத்தமையால் அவன் கார்ட் நிறுவனத்திற்கு அரசாங்கம் 40 ஆயிரம் மில்லியன் டொலர்களை செலுத்த நேரிட்டுள்ளதாக நிறுவனத்தின் முன்னாள் வணிக கப்பல் முகாமையாளர் ஓய்வுபெற்ற லெப்டினன் கேணல் நிலந்த ஜயவீர தெரிவித்துள்ளார்.

அரசாங்கத்திற்கும் அவன் கார்ட் நிறுவனத்திற்கும் இடையில் ஒப்பந்தமொன்று கைச்சாத்திடப்பட்டுள்ளதாகவும், எதாவது ஒரு தரப்பு தனித்து தீர்மானம் எடுத்து ஒப்பந்தத்தை இரத்து செய்தால் மற்றைய தரப்பிற்கு 40 மில்லியன் அமெரிக்க டொலர் செலுத்த வேண்டும் எனவும் அவர் சுட்டிக்காட்டியுள்ளார்.

அவன் கார்ட் நிறுவனம் ஒப்பந்தத்தின் விதிமுறைகளுக்கு அமைய செயற்படுவதாகவும், எனினும் அரசாங்கம் அதனை மீறி செயற்படுவதாகவும் ஒப்பந்தத்தை இல்லாது செய்ய அரசாங்கம் நடவடிக்கை எடுக்கவி்லலை எனவும் அவர் குற்றஞ்சாட்டியுள்ளார்.

கடற்படையினர் அவன் கார்ட் நிறுவனத்தை பொறுப்பேற்று நேற்று முன்தினத்துடன் (டிசம்பர் 14) ஒரு மாத காலமாகியுள்ளதோடு, இதனால் ஆறாயிரத்து 754 பேர் தமது தொழிலை இழந்துள்ளதாக அவர் குறிப்பிட்டுள்ளார்.

நேரடியாகவும், மறைமுகமாகவும் வருமான இழப்பு ஏற்பட்டுள்ளதாகவும், இதனால் பெரும் எண்ணிக்கையிலானவர்கள் பாதிக்கப்பட்டுள்ளதாகவும். லெப்டினன் கேணல் நிலந்த ஜயவீர மேலும் தெரிவித்துள்ளார்.

http://ibctamil.com/news/index/15175