திருவண்ணாமலை கோவிலை ஆளில்லா விமானம் மூலம் படம் பிடித்த 9 பேர் கைது:பரபரப்பு தகவல்கள்!

 

திருவண்ணாமலை: உலகப் பிரசித்த பெற்ற திருவண்ணாமலை அருணாசலேஸ்வரர் கோவிலை ஆளில்லா விமானம் மூலம் படம் பிடித்ததற்காக,  வெளிநாட்டவர்கள் 9 பேர் கைது செய்யப்பட்டுள்ள சம்பவம் பெரும் பரபரப்பினை ஏற்படுத்தியுள்ளது. கைதினைத் தொடர்ந்து அவர்களிடம் தீவிர விசாரணை நடத்தப்பட்டு வருகிறது.

கைது செய்யப்பட்டுள்ள 9 பேரும் உக்ரைன் நாட்டைச் சேர்ந்தவர்கள். இவர்களில் 3 பேர் பெண்கள். இவர்களுக்கும் சர்வதேச தீவிரவாத இயக்கத்தினருக்கும் தொடர்பு உள்ளதா என்ற கோணத்தில் விசாரணை நடத்தப்பட்டு வருவதால் திருவண்ணாமலை செல்லும் பக்தர்கள் மத்தியில் பெரும் அதிர்ச்சி நிலவுகிறது.

திருவண்ணாமலை அண்ணாமலையார் கோவில் மற்றும் அருகில் உள்ள பகுதிகளின் பாதுகாப்புக்காக அனுமதியின்றி குட்டி விமானம் மூலம் படம் எடுக்கக் கூடாது என காவல்துறையினர் ஏற்கெனவே அறிவுறுத்தி உள்ளனர்.

இந்நிலையில், உக்ரைன் நாட்டை சேர்ந்த 9 பேர் ஆளில்லா குட்டி விமானம் மூலம் படம் எடுத்ததைத்  தொடர்ந்து,  அப்பகுதி பொதுமக்கள் இதுகுறித்து நகர காவல்துறையினருக்கு தகவல் தெரிவித்தனர்.  இதையடுத்து ஆளில்லா குட்டி விமானத்தை பறிமுதல் செய்த காவல் துறையினர், படம் எடுத்த 9 பேரையும் கைது செய்து  தீவிர விசாரணை நடத்தி வருகின்றனர்.

சில மாதங்களுக்கு முன்பாக பிரான்ஸ் நாட்டு வாலிபரும், அதைத் தொடர்ந்து சென்னையை சேர்ந்த 6 பேர் கொண்ட கும்பலும் ஆளில்லாத குட்டி விமானம் மூலம் திருவண்ணாமலை கோவிலைப் படம் பிடித்தனர். அவர்களை கைது செய்த போலீசார், ஆளில்லா குட்டி விமானம் மற்றும் புகைப்படங்களை பறிமுதல் செய்தனர் என்பது குறிப்பிடத்தக்கது.

http://www.vikatan.com/news/tamilnadu/58812-ukrainian-detainedusingdronecamerathiruvanaamalai.art

இந்தியா பிரதமர் திருவண்ணாமலையிலயா குடியிருக்கிறார்?