டாகாவில் தீவிரவாத தாக்குதல்; காவல்துறை அதிகாரி பலி; பலர் சிறைபிடிப்பு

 துப்பாக்கி சூடு நடந்த கஃபேவில் தற்போது பலர் பணயக்கைதிகளாக சிறைபிடிப்பு

வங்கதேசத் தலைநகர் டாக்காவில் ஒரு கஃபேயில் தீவிரவாதிகள் நடத்திய தாக்குதலில் காவல்துறை அதிகாரி ஒருவர் பலியாகியுள்ளார். வெளிநாட்டவர் உள்ளிட்ட பலர் பணயக்கைதிகளாக சிறைபிக்கப்பட்டுள்ளனர்.

டாகாவிலுள்ள ஒரு பிரபல கஃபேவைத் தாக்கிய தீவிரவாதிகள் பலரை பணயக்கைதிகளாக சிறைபிடித்துவைத்திருப்பதாக வங்கதேச சிறப்பு காவல்துறைத் தலைவர் தெரிவித்துள்ளார்.

சிவிலியன்களை சிறைபிடித்திருக்கும் ஆட்களிடம் தொடர்பை ஏற்படுத்த தாங்கள் முயன்று வருவதாகவும் அவர் கூறியிருக்கிறார்.

குறைந்தது இருபதுக்கும் மேற்பட்டவர்கள் சிறைபிடிக்கப்பட்டிருப்பதாகவும் அதில் பலர் வெளிநாட்டவர் என்றும் உறுதி செய்யப்படாத தகவல்கள் தெரிவிக்கின்றன.

 

 காயம்பட்ட காவல்துறையினர்

டாகாவின் செல்வச்செழிப்பான பகுதியில் அமைந்திருக்கும் இந்த கஃபேவுக்கு வெளிநாட்டவரும் மேல் மத்திய தர வர்க்கத்தைச் சேர்ந்தவர்களும் அதிகம் வருவது வாடிக்கை.

நகரின் புறநகரான குல்ஷானில் கடுமையான துப்பாக்கி சண்டை ஒலியை தாம் கேட்டதாக உள்ளூர் மக்களை ஆதாரம் காட்டி உள்ளூர் ஊடகங்கள் செய்தி வெளியிட்டுள்ளன.

காவல்துறையினர் அந்தப் பகுதியை சுற்றிவளைத்து, தடுத்துள்ளனர். குறைந்தபட்சம் மூன்று பேராவது அதில் காயமடைந்துள்ளதாகவும், அதில் இருவர் காவலர்கள் என்றும் அவர்கள் தெரிவித்துள்ளனர்.

 

 சிறப்புக்காவல்துறையினர் சுற்றிவளைத்துள்ளனர்

இந்த சம்பவத்தின் மையமாக கருதப்படுகின்ற அந்த விடுதி, புலம்பெயர்ந்த மக்கள், இராஜ்ஜிய அதிகாரிகள், மற்றும் மத்திய தரவர்க்க மக்கள் மத்தியில் பிரபலமான ஒன்றாகும்.

வங்கதேசத்தில் பெரும் துப்பாக்கி சூட்டு மோதல்கள் மிக அபூர்வமாகும். ஆனால், இஸ்லாமியவாதிகள் மீது குற்றஞ்சாட்டப்படும் தொடர் கொலைகளை அடுத்து இந்த சம்பவம் நிகழ்ந்துள்ளது.

http://www.bbc.com/tamil/global/2016/07/160701_bangla

டாக்காவில் 20 பேர் பணயக்கைதிகளாக சிறைப்பிடிப்பு : பொலிஸாருக்கும் துப்பாக்கிதாரிகளுக்கும் இடையே மோதல் : பதற்றத்தில் மக்கள்

 

பங்களாதேஷ் தலைநர் டாக்காவில் சற்றுமுன்னர் துப்பாக்கிதாரிகளுக்கும் பொலிஸாருக்கும் இடையே இடம்பெற்ற மோதலில் மூவர் காயமடைந்துள்ளனர். இதேவேளை துப்பாக்கிதாரிகளால் 20 பேர் சிறைபிடிக்கப்பட்டுள்ளதாக தெரிவிக்கப்படுன்றது. 

தொடர்ந்து துப்பாக்கிதாரிகளுக்கும் பொலிஸாருக்கும் இடையில் இடம்பெற்று வரும் மோதலால் பதற்றநிலை நிலவுவதாக சர்வதேச செய்திகள் தெரிவிக்கின்றன.

 டாக்காவில் குல்ஷன் என்ற பகுதியில் வெளிநாட்டவர் தங்கும்  ஹோட்ட ஒன்றுக்குள் புகுந்த பயங்கரவாதிகள் கண்மூடித்தனமாக துப்பாக்கிச்சூடு மேற்கொண்டுள்ளனர்.

 பின்னர் 20க்கும் மேற்பட்ட வெளிநாட்டவர்களை பிணை கைதிகளாக பிடித்து வைத்துள்ளனர். 

தகவலறிந்த பொலிஸார் சம்பவ இடத்துக்கு விரைந்துள்ளனர்.

 இரு தரப்பிலும் துப்பாக்கிச்சண்டை நடந்து வருவதாக முதல் கட்ட தகவல்கள் தெரிவிக்கின்றன. 

சம்பவத்தில இரண்டு பொலிஸார் உட்பட மூவர் காயமடைந்துள்ளனர். சம்பவ இடத்தின் அருகில் பல்வேறு நாடுகளின் தூரகங்கள் உள்ளதால் அங்கும் பதற்றமும் பரபரப்பும் ஏற்பட்டுள்ளதாக சர்வதேச செய்திகள் தெரிவிக்கின்றன.

http://www.virakesari.lk/article/8412

ISIS தீவிரவாதிகளின் செயல் என ஒருசில ஜேர்மன் ஊடகங்கள் தெரிவிக்கின்றன.