காணாமல்போனோர் அலுவலகம் அமைப்பதற்கு எந்தவொரு இராணுவ வீரரும் எதிர்ப்புத் தெரிவிக்கப் போவதில்லை. காணாமல் போனோர் தொடர்பில் இராணுவத்தினர் பதில் சொல்ல வேண்டி வரும் என எவராவது நினைப்பார்களாயின் அது இராணுவத்தை அகௌரவப்டுத்தும் எண்ணக்கருவாகும். ஏனெனில் இராணுவத்தினர் சட்டப்பிரகாரமே செயற்பட்ட னர். சட்டத்திற்கு முரணாகச் செயற்பட்ட தில்லை என அமைச்சர் பீல்ட்மாஷல் சரத்பொன்சேகா தெரிவித்தார்.

   

அவர் மேலும் குறிப்பிடுகையில், காணாமல்போனோர் தொடர்பிலான அலுவலகம் இராணுவத்தினருக்கு எதிராக அமையப்போவதாகக் குறிப்பிடுபவர்கள், இராணுவத்தினரின் நலனை அக்கறையா கக் கொண்டு அந்தக் கருத்தை வெளியிடவில்லை. மாறாக தங்கள் அரசியல் இருப்புக்காகவே அவ்வாறான கருத்துகளை வெளியிடுகின்றனர். கடந்த ஆட்சியில் இராணுவத்தினரை நடத்திய விதம் பற்றி அனைவருக்கும் நன்கு தெரியும். இராணுவத்தினர்மீது வீண் பழி சுமத்தி சிறையில் அடைத்தனர்.

இராணுவத்தினர் தொடர்பில் கருத்து வெளியிடுபவர்கள் அப்போது கவலை கொள்ளவில்லை. மாறாக பால்சோறு உண்டு மகிழ்ந்தனர். ஆனால் இன்று இராணுவத்தினருக்காக முதலைக் கண்ணீர் வடிக்கின்றனர். எனினும் யதார்த்த நிலை தொடர்பில் மக்கள் நன்கறிவர். மேலும் காணாமல் போனோர் தொடர்பிலான அலுவலகம் எந்தவொரு சக்தியினதும் அழுத்தங்களுக்காக அமைக்கப் படவில்லை. சர்வதேச ரீதியில் எமது நாட் டின் கீர்த்திக்கு பாதகம் விளைவிக்கும் வகையில் கடந்த அரசாங்கம் நடந்துகொண்டது. அதன்மூலம் நாம் ஏராளமான விடயங்களை மறைக்க முயல்வதாக சர்வதேசம் சந்தேகம் கொண்டுள்ளது.

எனவே, கடந்த ஆட்சியாளர்கள் உரிய பாண்டித்தியம் இல்லாது பொருத்தமான அணுகுமுறைகளைப் பின்பற்றாது மேற்கொண்ட நடவடிக்கை மூலமே இலங்கை மீது சர்வதேசத்தின் சந்தேகம் வலுத்தது. அதனால் நாம் பெற்ற யுத்த வெற்றியின் கீர்த்தி இல்லாமல் செய்யப்பட்டுள்ளது. இருந்தபோதிலும் எமது நாடு தொடர்பிலான சர்வதேசத்தின் சந்தேகப் பார்வையினை இல்லாமல் செய்து நாட்டை அபிவிருத்தி செய்ய வேண்டிய கடப்பாடு நல்லாட்சி அரசாங்கத்திற்கு உள்ளது. ஆகவே, நாட்டின் சுயாதிபத்தியத்தை பாது காத்துக்கொண்டு சர்வதேச சட்டம் மற்றும் மனித உரிமைகள் என்பவற்றுக்கு மதிப்ப ளித்து செயற்பட அரசாங்கம் நடவடிக்கை எடுக்கிறது எனவும் அவர் மேலும் தெரி வித்தார்.

http://www.seithy.com/breifNews.php?newsID=163747&category=TamilNews&language=tamil

4 hours ago, தமிழரசு said:

இராணுவத்தினர் சட்டப்பிரகாரமே செயற்பட்ட னர். சட்டத்திற்கு முரணாகச் செயற்பட்ட தில்லை என அமைச்சர் பீல்ட்மாஷல் சரத்பொன்சேகா தெரிவித்தார்.

கெயிட்டியில் ஜநா அமைதிப்படை சேவையில் ஈடுபட்டிருக்கும் சிறீலங்கா இராணுவத்தினர் பாலியல் வன்புணர்வு நடத்தைகளில் ஈடுபட்டது கண்டு பிடிக்கப்பட்டுள்ளது. இதனால் ஒரு பற்றலியன் சிறீலங்கா படையினர் நாளை திருப்பி அனுப்பப்பட உள்ளனர்.

சம்பந்தப்பட்டது

http://www.sfgate.com/cgi-bin/article.cgi?...MNGRLN47IA1.DTL

ரணிலின் குள்ளநரித்தனத்தில் அவ்வளவு நம்பிக்கை இவருக்கு...