போர் நிறுத்த உடன்படிக்கைக்கு எதிராக பிக்குமார் நேற்று பேரணி, ஜனாதிபதிக்கு மகஜர் கையளிப்பு.

யுத்த நிறுத்த ஒப்பந்தம் செய்துகொள்ளப்பட்டு அடுத்த மாதம் 22ஆம் திகதியுடன் ஐந்து வருடங்கள் நிறைவடைகின்ற நிலையில் அந்த ஒப்பந்தத்தை அரசு உடனடி யாகக் கிழித்தெறிய வேண்டும் எனக்கோரி தேசிய பிக்குகள் முன்னணியினர் நேற்று கொழும்பில் பாதயாத்திரை ஒன்றை நடத்தினர், ஜனாதிபதி செயலகத்தில் மகஜர் ஒன் றையும் கையளித்தனர்.

தேசிய பிக்குகள் முன்னணியின் தலைவர் வண. தம்பர அமில தேரரின் தலைமையிலான இந்தப் பாதயாத்திரை பிற்பகல் இரண்டு மணிக்கு புறக்கோட்டை போதி மரத்தடிச் சந்தியில் ஆரம்பமாகி ஒல்கோட் மாவத்தையின் ஊடாக ஜனாதிபதிச் செய லகம் நோக்கிச் சென்றது. இருப்பினும் இவர்களை ஜனாதிபதி செயலகம் வரை செல்லவிடாது பொலிஸார் ஹில்டன் ஹோட்டல் சுற்றுவட்டத் தில் வீதித்தடைகள் போட்டு தடுத்து நிறுத் தினர். அங்கிருந்து ஜனாதிபதி செயலகத்திற்குச் சென்று மகஜரை கையளிப்பதற்காக தேசிய பிக்குகள் முன்னணியின் தலைவர் வண. தம்பர அமில தேரர் உட்பட ஒரு சிலர் மாத்திரம் பொலிஸாரால் அனுமதிக்கப்பட்டனர்.

பாதயாத்திரையின்போது உரையாற்றிய வண. தம்பர அமில தேரர், நாட்டைப் பிரிக்கும் தேச துரோக சிந்தனையுடன் செய்துகொள்ளப்பட்ட ஒன்றுதான் இந்த யுத்த நிறுத்த ஒப்பந்தம். இந்த ஒப்பந்தம் மூலம் நாடு பாதகமான விளைவுகளைச் சந்தித்த அதேவேளை, புலிகளே அதிக நன்மைகளைப் பெற்றுள்ளனர்.

புலிகளுக்கு சர்வதேச ரீதியில் அங்கீகாரத்தைப் பெற்றுக்கொடுக்க இந்த ஒப்பந்தம் துணைபோயுள்ளது. இந்தத் தேசத் துரோகச் செயலுக்கு இந்த நாட்டவர்களில் சிலர் துணைபோயுள்ளமை கவலைக்குரிய விடயமாகும். இந்த ஒப்பந்ததத்தை ஒரு கேடயமாக வைத்துக்கொண்டு புலிகள் அப்பாவிப் பொதுமக்கள் மீது தாக்குதல்களை நடத்தி வருகின்றனர். நூற்றுக்கணக்கானோரைக் கொலை செய்துவிட்டனர்.

புலிகள் எந்தவொரு ஒப்பந்தத்திற்கும் கட்டுப்பட்டு விசுவாசமாக நடக்கமாட்டார்கள். அந்த ஒப்பந்தத்தை வன்முறை நடவடிக்கைகளுக்கே பயன்படுத்துவார்கள் என்பது அவர்களின் நடவடிக்கையில் இருந்து தெரிகின்றது.

இந்த ஒப்பந்தம் கைச்சாத்தாகி அடுத்த மாதம் 22ஆம் திகதி 5 வருடங்கள் நிறைவடையவுள்ளன. அதற்கு முன்பு இந்த ஒப்பந்தத்தை அரசு கிழித்தெறியவேண்டும். அரசு அதைச்செய்யும் வரை எமது போராட்டம் தொடரும். இதை நாம் நாடளாவியரீதியில் முன்னெடுப்போம் என்றார்.

இந்தப் பாதயாத்திரையில் நூற்றுக்கணக்கான பிக்குகளும் பல அரசியல் வாதிகளும் கலந்துகொண்டனர்.

-Uthayan-

பிச்சை எடுத்து தின்னுற பரதேசிகளுக்கு சண்டைதேவையோ வேணுமெண்டால் களத்தில நிக்க இவை ரெடியோ

இங்க இருந்து கொண்டு சண்டை சண்டை எண்டுரது ஆனால் மற்றப்பக்கத்தால புத்தம் சரணம் கச்சாமி புத்தற வாயில புரியாணி எண்டுறது