ஜனாதிபதியின் உரையில் உள்ள யதார்த்தம்

ஜனாதிபதியின் உரையில் உள்ள யதார்த்தம்

புரை­யோ­டிப்­போயுள்ள தேசிய இனப்­பி­ரச்­சி­னைக்கு நிரந்­தரத் தீர்வு காணப்­ப­டுமா? என்ற கேள்வி கடந்த பல தசாப்த கால­மாக தமிழ் மக்கள் மத்­தியில் நிறைந்து போயுள்­ளது. பத­விக்கு வந்த அர­சாங்­கங்­களும் அர­சியல் தலை­வர்­களும் தேசிய இனப்­பி­ரச்­சி­னைக்கு நிரந்­தரத் தீர்வு காணப்­படும் என்று பல்­வேறு வாக்­கு­று­தி­களை அளித்த போதிலும், அவை எதுவும் நிறை­வேற்­றப்­ப­டா­மையே வர­லா­றாகத் தொடர்ந்து கொண்­டி­ருக்­கின்­றது.

இதனால் தமிழ் மக்கள் மிகுந்த விரக்­திக்கும் வேத­னைக்கும் முகம் கொடுத்­த­மைக்­கப்பால், நிறைந்த நம்­பிக்­கை­யீ­னங்­க­ளுக்கும் ஆளா­னார்கள். இன்­று­வரை அந்­த­ வி­த­மான நிலை­மை­களே தொடர்ந்து கொண்­டி­ருக்­கின்­றன. தமிழ்­பேசும் மக்­களின் நியா­ய­மான அர­சியல் அபி­லா­ஷை­க­ளுக்குத் தீர்வை முன்­வைக்க முயன்றால், பெரும்­பான்மைச் சிங்­கள மக்­க­ளுக்கு துரோ­க­மி­ழைத்த நிலைக்கு ஆளா­கி­வி­டு­வோமோ என்ற அச்­சமே சிங்­கள அர­சியல் தலை­வர்­க­ளிடம் காணப்­ப­டு­கின்­றது.

அதற்குப் பிர­தான காரணம் பேரி­ன­வாத அர­சியல் தலை­வர்­களும் கடும் போக்­கா­ளர்­களும் சிங்­கள மக்கள் மத்­தியில் மேற்­கொண்­டு­வரும் தவ­றான பிர­சா­ரங்­க­ளே­யாகும். அர­சியல் வங்­கு­ரோத்து நிலைக்குத் தள்­ளப்­பட்ட அர­சி­யல்­வா­திகள், இந்தவித­மாக இன­வாத சக்­தி­க­ளையும் கடும் போக்­கா­ளர்­க­ளையும் தமது வலைக்குள் வீழ்த்தி மக்­களைத் தூண்­டி­விடும் காரி­யங்­க­ளி­லேயே தொடர்ந்தும் ஈடு­பட்டு வரு­கின்­றனர்.

அது மாத்­தி­ர­மின்றி, தேசிய இனப்­பி­ரச்­சி­னைக்­கான நிரந்­த­ரத்­தீர்வு தொடர்பில் இது­வரை பதவி வகித்த "தேசி­யத்­த­லை­வர்கள்" என்று கூறிக்­கொள்வோர் போலி­யான ஒப்­பந்­தங்­க­ளையும் வாக்­கு­று­தி­க­ளையும் மேற்­கொண்டு வந்­த­மையும் சர்­வ­தேச சமூகம் அறிந்த ஒன்­றாகும். குறிப்­பாக முன்னாள் ஜனா­தி­பதி மஹிந்த ராஜபக் ஷ தேசிய இனப்­பி­ரச்­சி­னைக்கு பதின்­மூன்று பிளஸ் தீர்வை முன்­வைப்­ப­தாக இந்­தியா உட்­பட சர்­வ­தேச நாடு­க­ளிடம் வாக்­கு­றுதி அளித்­தி­ருந்தார்.

இறு­தியில் அவ­ரது வாக்­கு­றுதி எவ்­வாறு "காற்றில் பறந்­தது" என்­பது உல­க­றிந்த விடயம். தற்­பொ­ழுது அவரே, நாட்டை பிரிப்­ப­தற்கு அர­சாங்கம் முயற்­சித்து வரு­வ­தாக பகி­ரங்­க­மாக மேடை­களில் கூறி­வ­ரு­கிறார். இதன்­மூலம் தேசிய இனப்­பி­ரச்­சி­னைக்கு இதய சுத்­தி­யுடன் தீர்­வு­காண அவர் எந்­த­ள­வு­தூரம் சித்­த­மாக இருந்­துள்ளார் என்­ப­தையும் கணித்­துக்­கொள்ளக் கூடி­ய­தாக இருக்கும்.

அர­சி­யல்­வா­தி­களும் சரி, அர­சியல் தலை­மைத்­து­வங்­களும் சரி அதி­கார மோகத்­துக்கும் சுய­இ­லா­பங்­க­ளுக்கும் மக்­களை ஏமாற்­றிப்­பி­ழைக்கும் கைங்­க­ரி­யங்­க­ளி­லேயே அன்று தொட்டு இன்­று­வரை ஈடு­பட்டு வரு­கின்­றமை யதார்த்­த­மாகும். ஆளுந்­த­ரப்பில் இருக்­கும்­போது ஒன்றைக் கூறு­வதும் பின்னர் அதனை தலை­கீ­ழாக மாற்றிக் கூறு­வதும் அவர்­க­ளுக்குக் கைவந்த கலை என்­பதை மக்கள் நன்கு உணர்ந்து வைத்­துள்­ளனர். இன்று தேசிய இனப்­பி­ரச்­சினை உள்­நாட்டு யுத்தம் வரை சென்று இறு­தியில் பல்­வேறு இழப்­பு­க­ளுடன் முடி­வுக்கு வந்­துள்­ள­மைக்கு இந்த நாட்டின் அர­சி­யல்­வா­தி­களே காரணம் என்றால் அதனை எவ­ராலும் மறுக்­க­மு­டி­யாது. இன்­றும்­கூட அதற்குத் தீர்வைக் காண­மு­டி­யா­த­வாறு முட்­டுக்­கட்­டை­களைப் போடு­ப­வர்­களா­கவே பல்­வேறு அர­சி­யல்­வா­தி­களும் காணப்­ப­டு­கின்­றனர்.

இருந்­த­போ­திலும் ஜனா­தி­பதி மைத்­தி­ரி­பால சிறி­சேன விடுத்­துள்ள அழைப்பு இன்­றைய காலத்தின் தேவை என்­பதை சகல தரப்­பி­னரும் உணர்ந்து கொள்­வது அவ­சி­ய­மாகும். 'வட்ட மேசையில் ஒன்­று ­கூடி தேசிய இனப்­பி­ரச்­சி­னைக்குத் தீர்வு காண்­ப­தற்கு அனை­வரும் முன்­வா­ருங்கள்' என புத்­தி­ஜீ­விகள், மதத் தலை­வர்கள் உட்­பட அனை­வ­ருக்கும் அழைப்பு விடுத்­துள்ளார்.

மீளவும் அதி­கா­ரத்தைக் கைப்­பற்ற, மஹிந்த ராஜபக் ஷ நாட்டைப் பிரிப்­ப­தாகக் கூறு­வ­தா­னது இலங்­கைக்கே துர­திஷ்­ட­வ­ச­மா­ன­தாகும் என்றும் ஜனா­தி­பதி மைத்­தி­ரி­பால சிறி­சேன பகி­ரங்­க­மாகக் குற்றம் சாட்­டி­யுள்ளார்.

பாரா­ளு­மன்­றத்தில் வியா­ழ­னன்று நடை­பெற்ற வரவு --- செலவுத் திட்­டத்தின் நல்­லி­ணக்கம், தேசிய கலந்­து­ரை­யாடல் அனர்த்த முகா­மைத்­தவ அமைச்சு மீதான குழு நிலை விவா­தத்தின் போதே, ஜனா­தி­பதி இந்த அழைப்பை விடுத்­துள்ளார்.

இலங்­கையில் இனப்­பி­ரச்­சினை என்­பது புதி­ய­தல்ல. 1930 ஆம் ஆண்டு முதல் 8 தசாப்­தங்­க­ளுக்குள் சிங்­கள – முஸ்லிம், சிங்­கள,- தமிழ் ஆகிய இனக்­க­ல­வ­ரங்கள் பல தட­வைகள் நடந்­தே­றி­யுள்­ளன. இதன் கார­ண­மாக நாட்டு மக்­க­ளி­டையே குரோ­தமும், சந்­தே­கமும், பீதியும் மேலோங்கியதுடன் நாட்டின் முன்­னேற்­றத்தை தகர்த்­தெ­றிந்து விட்­டன. இதனால் பொரு­ளா­தாரம் சீர்குலைந்­துள்­ளது என்று தனது ஆதங்­கத்தை வெளி­யிட்­டுள்ளார்.

சுதந்­தி­ரத்தின் பின்னர் எமது தலை­வர்கள் தேசிய இனப்­பி­ரச்­சி­னைக்குத் தீர்வு வழங்­கு­வ­தற்கு முனைந்த போதும், நிறை­வே­ற­வில்லை என்று கூறிய ஜனா­தி­பதி மைத்­தி­ரி­பால சிறி­சேன, பண்டா -- செல்வா ஒப்­பந்­தத்தின் மூல­மாக தீர்வு வழங்க முனைந்­த­போது பிக்­குகள் ஒன்­று­கூடி எஸ்.டபிள்யூ. ஆர். டி. பண்­டார நாயக்­கா­விடம் ஒப்­பந்­தத்தை கிழித்­தெ­றிய வேண்­டு­மெனக் கோரிய போது, அவர் தனது பைக்குள் இருந்த " லைட்­டரை" எடுத்து ஒப்­பந்­தத்தை எரித்தார். அதே­போன்று டட்லி--- செல்வா ஒப்­பந்­தம் கிழித்தெறியப்பட்டது. இதன் பின்னர் கொடூ­ர­மான யுத்­தத்­துக்கே முகம் கொடுக்க நேரிட்­டது என்று கடந்த கால சம்­ப­வங்­களை நினை­வூட்­டி­யுள்ளார்.

1983 கறுப்பு ஜுலை கல­வரம் பிர­பா­க­ரனுடன் யுத்தம் செய்­ய ­வழி வகுத்­தது. யுத்தம் தெற்­கு­வரை சென்­றது. பின்னர் தலதா மாளிகை வரை வந்­தது. ஆர். பிரே­ம­தாஸா முதல் பல பிர­மு­கர்கள் கொல்­லப்­பட்­டனர். இன்று தோட்டா சத்தம் ஓய்ந்­தாலும் நிலை­யான சமா­தானம் ஏற்­ப­ட­வில்லை என்று ஜனா­தி­பதி யதார்த்தபூர்­வ­மான தனது கருத்­துக்­களை முன்­வைத்­துள்ளார்.

அத்­துடன் புதிய அர­சி­ய­ல­மைப்பு தொடர்பில் மக்கள் மத்­தியில் தவ­றான கருத்­துக்கள் முன்­வைக்­கப்­ப­டு­வ­தா­கவும் ஜனா­தி­பதி தனது கவ­லையை வெளி­யிட்­டுள்ளார். உண்­மை­யி­லேயே இனப்­பி­ரச்­சினை கடந்த கால அர­சியல் தலை­மைத்­து­வங்­க­ளினால் இழுத்­த­டிக்­கப்­பட்­ட­துடன் பெரும்­பான்மை சிங்­கள மக்கள் மத்­தியில் தவ­றான கருத்­துக்கள் முன்வைக்­கப்­பட்­டதன் விளை­வா­கவே அது தேசியப் பிரச்­சி­னை­யாக உரு­வெ­டுத்­த­துடன் எல்லை தாண்டி சர்­வ­தே­சத்தின் கத­வு­க­ளையும் தட்­டி­விட்­டுள்­ளது என்­ப­தை­ அ­ர­சியல் தலை­மைத்­து­வங்கள் உணர்­வது அவ­சி­ய­மாகும்.

அது­மாத்­தி­ர­மன்றி, தமிழ்­பேசும் மக்­களின் அடிப்­படை பிரச்­சி­னைகள் மற்றும் அர­சியல் ரீதி­யான நெருக்­க­டி­களை ஒரு சில சிங்­கள, ஆங்­கில ஊட­கங்­களும் அவர்­களால் நடத்­தப்­படும் ஊட­கங்­களும் திரித்துக் கூறு­வ­திலும் மிகைப்­ப­டுத்­து­வ­திலும் தவ­றான கருத்­துக்­களை பரப்­பு­வ­திலும் கடந்த பல தசாப்த கால­மாக முன்­னின்று உழைக்­கின்­றன. இதனால் உண்மை நிலைமை சாதா­ரண சிங்­கள மக்­க­ளுக்குத் தெரி­யாது போவ­துடன், அவர்கள் தமிழ் மக்­களை விரோ­தி­க­ளா­கவே பார்க்­கின்­றனர். இந்த நிலைமையை மாற்­றி­ய­மைக்க ஜனா­தி­பதி முன்­வ­ர­வேண்டும். அதன்­மூ­லமே உண்­மை­யான நல்­லி­ணக்­கத்­தையும் புரிந்­து­ணர்­வையும் இனங்­க­ளி­டையே உரு­வாக்­கக்­கூ­டி­ய­தாக இருக்கும்.

மாறாக, இதே நிலைமை தொடருமானால் அது இந்த நாட்டையும் பெரும்பான்மை சிங்கள மக்களையும் தவறானதோர் மாயைக்குள் சிக்க வைப்பது மாத்திரமின்றி, சர்வதேசத்திலிருந்தும் அந்நியப்படுத்தவே வழிவகுப்பதாக இருக்கும் என்பதையும் மறந்துபோகக்கூடாது.

மேலும், இந்­நாடு சக­ல­வி­த­மான நெருக்­க­டி­க­ளுக்கும் முகம்­கொ­டுக்க பிர­தான காரணம் தேசிய இனப்­பி­ரச்­சி­னைக்­கான தீர்வு முயற்­சிகள் சிதைக்­கப்­பட்­ட­மையும் ஒப்­பந்­தங்கள் கிழித்­தெ­றி­யப்­பட்­ட­மை­யு­மாகும் என்ற யதார்த்­தத்தை இனி­மேலும் அர­சியல் தலை­மைத்­து­வங்கள் சரி­வர உணரத் தவ­று­மே­யானால் அது நாட்டின் சாபக்­கே­டா­கவே அமையும் என்பதில் சந்தேகமில்லை.

குறைந்தபட்சம் ஜனாதிபதியின் இந்த அழைப்புக்கேனும் செவிசாய்க்க வேண்டியது இந்த நாட்டை உண்மையாக நேசிக்கும் அனைவரதும் கடப்பாடு என்பதை நினைவுபடுத்த விரும்புகிறோம்.