மாரியப்பன் தங்கவேலுவின் வாழ்க்கை கதையை படமாக்கும் ஐஸ்வர்யா தனுஷ்

 

 

ஷாருக்கான் வெளியிட்ட 'மாரியப்பன்' படத்தின் பர்ஸ்ட் லுக்

 

 

மாரியப்பன் தங்கவேலுவின் வாழ்க்கை கதையை மையப்படுத்தி 'மாரியப்பன்' என்ற பெயரின் படமாக்கவுள்ளார் இயக்குநர் ஐஸ்வர்யா தனுஷ்.

2016-ம் ஆண்டில் பிரேசிலின் ரியோ டி ஜெனிரோவில் நடைபெற்ற பாரா ஒலிம்பிக்கில் தமிழகத்தைச் சேர்ந்த மாரியப்பன் தங்கவேலு உயரம் தாண்டுதலில் தங்கப்பதக்கம் வென்று வரலாற்று சாதனை படைத்தார்.

தங்கப் பதக்கம் வென்ற மாரியப்பன் தங்கவேலு தாண்டிய உயரம் 1.89 மீட்டர் ஆகும். அவரை எதிர்த்து போட்டியிட்ட சக போட்டியாளர் வருண் சிங் தாண்டிய உயரம் 1.86 மீட்டர் ஆகும்.

மாரியப்பன் தங்கவேலுவின் வாழ்க்கையை மையப்படுத்தி ஐஸ்வர்யா தனுஷ் படமொன்றை உருவாக்க இருக்கிறார். ஆங்கிலம் மற்றும் தமிழில் இப்படம் உருவாகவுள்ளது. வேல்ராஜ் ஒளிப்பதிவு செய்யவுள்ள இப்படத்துக்கு ஷான் ரோல்டன் இசையமைக்கவுள்ளார்.

மாரியப்பன் வேடத்தில் நடிப்பதுக்கான சரியான ஆளைத் தற்போது படக்குழு தேர்வு செய்து வருகிறது. ஆனால், படத்தின் போஸ்டருக்காக மாரியப்பன் தங்கவேலுவை வைத்தே போட்டோ ஷூட் நடத்தி போஸ்டரை வடிவமைத்துள்ளது படக்குழு.

'மாரியப்பன்' எனப் பெயரிடப்பட்டுள்ள இப்படத்துக்கு வசனம் எழுத ஒப்பந்தமாகியுள்ளார் 'குக்கூ' மற்றும் 'ஜோக்கர்' படங்களின் இயக்குநர் ராஜூமுருகன். யாருமே எதிர்பாராத வண்ணம், இப்படத்தின் போஸ்டரை புத்தாண்டு சிறப்பாக ஷாருக்கான் வெளியிட்டு ஆச்சர்யத்தை ஏற்படுத்தினார்.

சமூக வலைதளத்தில் இருக்கும் பல்வேறு திரையுலகினரும் ஐஸ்வர்யா தனுஷுக்கு தங்களுடைய வாழ்த்துக்களைத் தெரிவித்த வண்ணம் உள்ளனர்.

http://tamil.thehindu.com/cinema/tamil-cinema/மாரியப்பன்-தங்கவேலுவின்-வாழ்க்கை-கதையை-படமாக்கும்-ஐஸ்வர்யா-தனுஷ்/article9453628.ece?homepage=true

எனது வாழ்க்கை சினிமாவாக உருவாகும் என கனவிலும் நினைக்கவில்லை: மாரியப்பன் தங்கவேலு

 

எனது வாழ்க்கை திரைப்படமாக தயாரிக்கப்படும் என்று நான் கனவிலும் நினைத்ததில்லை என பாரா ஒலிம்பிக் போட்டியில் தங்கம் வென்ற மாரியப்பன் தங்கவேலு தெரிவித்துள்ளார்.

பிரேசிலின் ரியோ டி ஜெனீரோவில் கடந்த ஆண்டு செப்டம்பர் மாதம் நடந்த மாற்றுத்திறனாளிகளுக்கான பாரா ஒலிம்பிக்கில் தமிழகத்தை சேர்ந்த மாரியப்பன் தங்கவேலு உயரம் தாண்டுதலில் தங்கப் பதக்கம் வென்று வரலாற்று சாதனை படைத்தார். அவர் 1.89 மீட்டர் உயரம் தாண்டி அசத்தினார்.

சேலம் மாவட்டத்தை சேர்ந்த மாரியப்பன் தங்கவேலுவின் வாழ்க்கை சினிமா படமாக தயாராகிறது. இந்த படத்தை ஐஸ்வர்யா தனுஷ் இயக்குகிறார். இதற்காக அவர் கடந்த 2 மாதங்களுக்கு முன்பே மாரியப்பனை சந்தித்து, அவரது அனுபவங்களை சேகரித்து பதிவு செய்திருக்கிறார். தமிழ் மற்றும் ஆங்கில மொழிகளில் உருவாகும் இந்தப் படத்தில் மாரியப்பன் தங்கவேலு கதாபாத்திரத்தில் நடிக்கப்போகும் நடிகருக்கான தேர்வு நடக்கிறது.

 

இந்தப் படத்துக்கான பர்ஸ்ட் லுக் போஸ்டரை புத்தாண்டையொட்டி இந்தி நடிகர் ஷாருக்கான் வெளியிட்டார்.

http://www.virakesari.lk/article/15025

வாழ்த்துக்கள் , இவரின் சாதனை படமாக்கப் படுவது நல்ல முயற்சி.....!