அரசியலமைப்புக்கு உட்பட்டே ஆட்சி மாற்றம்

அர­சி­ய­ல­மைப்­புக்கு உட்­பட்டே ஆட்சி மாற்றம்

குற்­றப்­பி­ரே­ரணை அவ­சி­ய­மில்லை
(எம்.சி.நஜி­முதீன்)

அர­சி­ய­ல­மைப்­பிற்கு உட்­பட்டு ஆட்சி மாற்­றத்தை ஏற்­ப­டுத்த முடியும். சூழ்ச்­சியின் அடிப்­ப­டை­யிலோ சட்­டத்­திற்கு புறம்­பான வகை­யிலோ ஆட்சி மாற்­றத்தை ஏற்­ப­டுத்த

வேண்­டிய அவ­சியம் முன்னாள் ஜனா­தி­பதி மஹிந்த ராஜ­ப­க்ஷ­விற்கு இல்லை. மேலும் அர­சாங்­கத்­தி­லுள்ள பலர் விரைவில் கூட்டு எதிர்­கட்­சியில் இணைவர். அதற்­கான பேச்­சு­வார்த்தை தற்­போது இடம்­பெற்று வரு­கி­றது. அத்­துடன் ஜனா­தி­ப­திக்கு எதி­ரான திட்­டங்கள் எதுவும் இல்லை என முன்னாள் வெ ளிவி­வ­கார அமைச்சர் பேரா­சி­ரியர் ஜீ.எல்.பீரிஸ் தெரி­வித்தார்.

கூட்டு எதிர்க்­கட்சி ஏற்­பா­டு­செய்த ஊட­க­வி­ய­லாளர் சந்­திப்பு நேற்று கொழும்­பி­லுள்ள ஸ்ரீ வஜி­ர­ஷ­ராம பெளத்த நிலை­யத்தில் நடை­பெற்­றது. அதில் கலந்த கொண்டு உரை­யாற்­று­கை­யி­லேயே அவர் இதனைத் தெரி­வித்தார்.

அவர் மேலும் குறிப்­பி­டு­கையில்,

அர­சாங்கம் தனது இரு­வ­ருட ஆட்­சியில் மக்­களின் பல­மான எதிர்ப்பை சம்­பாத்­தி­துள்­ளது. குறு­கிய காலத்தில் வீழ்ச்­சி­யின்பால் சென்ற அர­சாங்­க­மாக தேசிய அர­சாங்கம் அமை­ய­வுள்­ளது. அத­னால்தான் 2017 ஆம் ஆண்டில் ஆட்சி மாற்றம் ஏற்­படும் என முன்னாள் ஜனா­தி­பதி மஹிந்த ராஜ­பக்ஷ தெரி­வித்­தி­ருந்தார். எனினும் சிலர் அவரின் கருத்தை தவ­றான முறையில் விளங்­கிக்­கொண்­டுள்­ளனர். இருந்­த­போ­திலும் அர­சி­ய­ல­மைப்­புக்கு உட்­பட்டு ஆட்சி மாற்றம் ஏற்­ப­டுத்த முடியும்.

மேலும் இது விட­யத்தில் ஜனா­தி­பதி மைத்­தி­ரி­பால சிறி­சே­ன­வுக்கு சிலர் தவ­றான சட்ட ஆலோ­சனை வழங்­கி­யுள்­ளனர். ஆக­வேதான் “அர­சி­ய­ல­மைப்­பிற்கு ஏற்ப சட்­டப்­படி ஆட்சி மாற்றம் ஏற்­ப­டுத்த முடி­யாது. அவ்­வாறு இடம்­பெற வேண்­டு­மாயின் ஜனா­தி­ப­தி­யி­னதும் சபா­நா­ய­க­ரி­னதும் உடன்­பாடு தேவை. அவ்­வா­றில்­லாமல் அது சாத்­தி­ய­மில்லை” என குறிப்­பிட்­டி­ருந்தார்.

எனினும் நிலைமை அவ்­வா­றில்லை. ஆட்சி மாற்­றத்­திற்கு சபா­நா­ய­கரின் தலை­யீடு அவ­சியம். இல்லை. சபா­நா­ய­கரின் தலை­யீ­டு­க­ளுக்கு அப்பால் அதனை மேற்­கொள்ள முடியும். தற்­போது தேசிய அர­சாங்­கத்தில் அங்கம் வகிக்கும் ஸ்ரீலங்கா சுதந்­தி­ரக்­கட்சி உறுப்­பி­னர்கள் மாத்­தி­ர­மல்­லாமல் ஐக்­கிய தேசியக் கட்சி உறுப்­பி­னர்­களும் அதி­ருப்­தியில் உள்­ளனர். அத­னா­லேயே இரா­ஜாங்க அமைச்­ச­ராகப் பதவி வகித்த பிரி­யங்­கர ஜய­ரட்ன தனது பத­வியை இரா­ஜாமா செய்­துள்ளார்.

அவ­ரைப்­போன்று இன்னும் பலர் அர­சாங்­கத்­தி­லி­ருந்து விலகி கூட்டு எதிர்க்­கட்­சியில் இணை­ய­வுள்­ளனர். அது தொடர்­பி­லான பேச்­சு­வார்த்தை தற்­போது நடை­பெற்று வரு­கி­றது. ஆகவே விரைவில் பாரா­ளு­மன்றில் அர­சாங்­கத்­திற்­குள்ள ஆத­ரவு குறை­வ­டைந்து விடும். அர­சி­ய­ல­மைப்­பிற்­கேற்ப பாரா­ளு­மன்றில் அதி­க­ள­வா­ன­வர்­களின் ஆத­ரவைப் பெற்­ற­வரே பிர­த­ம­ராகப் பதவி வகிக்க முடியும்.

எனவே பிர­த­ம­ருக்­கான பெரும்­பான்மை ஆத­ரவு குறை­வ­டை­யு­மாயின், பாரா­ளு­மன்றில் பெரும்­பான்மை ஆத­ரவைப் பெற்­ற­வரை பிர­த­ம­ராக நிய­மிக்க வேண­டிய பொறுப்பு ஜனா­தி­ப­திக்க உண்டு. அங்கு சபா­நா­ய­கரின் வகி­பாகம் இல்லை. மேலும் அமைச்­சர்கள் தமது பத­வி­யினை இரா­ஜி­னாமா செய்­வ­தனை சபா­நா­ய­க­ரினால் தடுக்க முடி­யாது.

ஆகவே அர­சி­ய­ல­மைப்­புக்­குட்­பட்டு ஆட்சி மாற்­றத்தை ஏற­ப­டுத்த முடியும். எனினும் ஜனா­தி­பதி இரு விட­யங்­களை கலந்து சிந்­தித்­த­த­னா­லேயே அர­சி­ய­ல­மைப்­புக்­குட்­பட்டு ஆட்சி மாற்றம் ஏற்­ப­டுத்த முடி­யாது எனக் குறிப்­பிட்­டுள்ளார். குற்­றப்­பி­ரே­ரணை தொடர்­பான அம்­சத்தை அடிப்­ப­டை­யா­கக்­கொண்டே ஆட்சி மாற்றம் ஏற்­ப­டுத்த முடி­யாது என அவர் குறிப்­பிட்­டுள்ளார். குற்­றப்­பி­ரே­ரணை விட­யத்தில் சபா­நா­ய­கரின் வகி­பாகம் அதிகம் உள்­ளது.

எனினும் நாம் குற்­றப்­பி­ரே­ரணை தொடர்பில் குறிப்­பி­ட­வில்லை. மேலும் நாம் ஒரு­போதும் ஜனா­தி­ப­திக்கு எதி­ராக நட­வ­டிக்கை எடுக்­கப்­போ­வ­தில்லை. அவ­ருக்கு எதி­ரான திட்­டங்­களும் எம்­மிடம் இல்லை. பிர­த­ம­ரையும் அமைச்­ச­ர­வை­யையும் மாற்­று­வ­தற்­கான வேலைத்­திட்­டமே எம்­மிடம் உள்­ளது.

பாரா­ளு­மன்றில் பிரதமருக்கு பெரும்பான்மை ஆதரவு இல்லாமலாகும்போது பிரதமர் இராஜினாமா செய்ய வேண்டும். அவர் இராஜினாமா செய்யும்போது அமைச்சரைவையும் கலையும்.

எனவே நாம் சட்ட விரோதமான முறையிலோ சூழ்ச்சியின் அடிப்படையிலோ ஆட்சி மாற்றம் ஏறபடுத்த முனையவில்லை.

 அரசியலமைப்பிற்கு உட்பட்டே ஆட்சி மாற்றத்தை ஏற்படுத்துவதாக முன்னாள் ஜனாதிபதி மஹிந்த ராஜபக்ஷ குறிப்பிட்டுள்ளார். மேலும் அதனைச் செய்வதற்கான மக்கள் பலமும் அவரிடம் உள்ளது என்றார்.