மஹிந்த ராஜபக் ஷவை ஏன் மக்கள் வீட்டுக்கு அனுப்பினார்கள் என்பதை ஜனாதிபதி உணரவேண்டும்

மஹிந்த ராஜபக் ஷவை ஏன் மக்கள் வீட்டுக்கு அனுப்பினார்கள் என்பதை ஜனாதிபதி உணரவேண்டும்

நிறைவேற்று அதிகாரத்தை ஒழிக்கவே மக்கள் ஆணை என்கிறது ஜே.வி.பி.
(ப.பன்­னீர்­செல்வம்)

நிறை­வேற்று அதி­கா­ரத்தை ஒழிக்­கவே ஜனா­தி­பதி மைத்­தி­ரி­பால சிறி­சே­ன­வுக்கு மக்கள் ஆணையை வழங்­கி­னார்கள் எனத் தெரி­விக்கும் ஜே.வி.பி., நிறை­வேற்று அதி­கா­ரத்தை தொடர முயற்­சித்­ததன் கார­ண­மா­கவே மஹிந்த ராஜபக் ஷவை மக்கள் வீட்­டுக்கு அனுப்பி வைத்­தனர் என்­பதை இன்­றைய ஜனா­தி­பதி உணர வேண்­டு­மென்றும் தெரி­வித்­தது.

இது தொடர்­பாக ஜே.வி.பி.யின் பாரா­ளு­மன்ற உறுப்­பினர் டக்டர் நளின் த ஜெய­திஸ்ஸ மேலும் தெரி­விக்­கையில்;

இலங்­கையின் 62 இலட்சம் மக்கள் தமது ஆத­ரவை வழங்­கியே மைத்­தி­ரி­பால சிறி­சே­னவை நாட்டின் ஜனா­தி­ப­தி­யாக்­கி­னார்கள்.

இத் தேர்­தலில் போட்­டி­யிடும் போது நிறை­வேற்று அதி­காரம் கொண்ட ஜனா­தி­பதி முறைமை ஒழிக்­கப்­படும் என மைத்­தி­ரி­பால சிறி­சேன உறுதி வழங்­கி­ய­தோடு, அவர் ஜனா­தி­பதி தேர்தல் காலத்தில் ஸ்ரீ லங்கா சுதந்­திரக் கட்­சியின் பொது செய­லா­ள­ரா­கவோ, அல்­லது அக்­கட்­சியின் பிர­தி­நி­தி­யா­கவோ போட்­டி­யி­ட­வில்லை. மாறாக பொது வேட்­பா­ள­ரா­கவே ஜனா­தி­பதி தேர்­தலில் போட்­டி­யிட்டார்.

எனவே நிறை­வேற்று அதி­கா­ர­முள்ள ஜனா­தி­பதி முறை­மையை ஒழிக்­கவே மக்கள் ஆணை வழங்­கி­னார்­க­ளே­யொ­ழிய அதனை தொடர்­வ­தற்­காக அல்ல என்­ப­தனை ஜனா­தி­பதி உணர வேண்டும்.

அத்­தோடு பொது வேட்­பா­ள­ரா­கவே வெற்றி பெற்றார். சுதந்­திரக் கட்­சியின் செய­லா­ள­ரா­கவோ தலை­வ­ரா­கவோ வெற்றி பெற­வில்லை.

இன்று சுதந்­திரக் கட்­சியின் சார்பில் பொதுத்­தேர்­தலில் போட்­டி­யிட்டு தோல்வி கண்­ட­வர்கள் பலர் தேசியப் பட்­டி­யலில் பாரா­ளு­மன்றம் வந்­துள்­ளார்கள். இவ்­வா­றா­ன­வர்­களும் பத­வி­களை பெற்றுக் கொண்ட சில சுதந்­திரக் கட்­சிக்­கா­ரர்­களும் உறுதி மொழி­களை மறந்து நிறை­வேற்று அதி­காரம் நீடிக்­கப்­பட வேண்­டு­மென வாதி­டு­கின்­றனர்.

இதனை ஏற்றுக் கொள்ள முடி­யாது. மக்கள் ஆணையை மீறு­வ­தற்கு இட­ம­ளிக்க முடி­யாது. 18 ஆவது திருத்­தத்தை நிறை­வேற்றி சர்­வா­தி­காரம் பொருந்­திய நிறை­வேற்று அதி­காரம் கொண்ட ஜனா­தி­ப­தி­யாக தொடர்ந்து பதவி வகிக்­கவே மஹிந்த ராஜ­பக் ஷ ஆசைப்­பட்டார்.

ஆனால் மக்கள் மஹிந்த ராஜ­ப­க்ஷவை நிரா­க­ரித்து வீட்­டுக்கு அனுப்­பி­னார்கள். மாறாக ஜனா­தி­பதி மைத்­தி­ரி­பால சிறி­சே­னவை வெற்றி பெறச் செய்­தனர்.

எனவே இன்­றைய ஜனா­தி­பதி, தான் பொது வேட்­பா­ள­ராக கள­மி­றங்­கியே வெற்றி பெற்றார் என்­ப­தையும் நிறை­வேற்று அதி­காரம் கொண்ட ஜனா­தி­பதி முறைமை ஒழிக்­கப்­படும் என தேர்தல் விஞ்­ஞா­ப­னத்தில் உறுதி வழங்­கி­ய­தா­லேயே 62 இலட்சம் மக்கள் ஜனாதிபதித் தேர்தலில் ஆதரவு வழங்கி இந்நாட்டின் ஜனாதிபதியாக்கினார்கள் என்பதையும் உணர்ந்துகொள்ளவேண்டும்.

இந்த உண்மையை உணர்ந்து நிறைவேற்று அதிகாரத்தை ஒழித்து நாட்டில் ஜனநாயகத்தை நிலை நிறுத்த வேண்டும் என்றார்.