கோடநாடு கொலை வழக்கு: சசிகலாவிடம் விசாரணை?

கோவை:கோடநாடு எஸ்டேட்டில் நடந்த கொலை மற்றும் கொள்ளைச் சம்பவங்கள் தொடர்பாக, சிறையிலுள்ள சசிகலாவிடம், தமிழக போலீசாரால் விரைவில் விசாரணை நடத்தப்படுமென எதிர்பார்க்கப்படுகிறது.

ஜெயலலிதாவை சிறையில் தள்ளி, அவரை மரணம் வரை கொண்டு சேர்த்ததில், அவர் மீதான சொத்து குவிப்பு வழக்கிற்கு முக்கியப் பங்குண்டு. அந்த சொத்துக்களின் பட்டியலில், மிக முக்கிய இடம் பிடித்தது, கோடநாடு எஸ்டேட். சொத்து குவிப்புப் பட்டியலில், இந்த எஸ்டேட்டின் பரப்பு, 900 ஏக்கர் என, குறிப்பிடப்பட்டிருந்தது. அதன் பின், இந்த எஸ்டேட் நிர்வாகத்தின் கீழ், பல நுாறு ஏக்கர் நிலங்கள் வாங்கப்பட்டுள்ளன.
 

பங்குதாரர்

இவற்றில், பெரும்பாலான சொத்துக்கள், சசி கலாவின் உறவினர்கள் பெயர்களில் வாங்கப் பட்டு உள்ளதாக கூறப்படுகிறது. ஆனால், கோடநாடு எஸ்டேட் நிர்வாகத்தைப் பொறுத்த வரை, ஜெ., - சசிகலா ஆகியோர் மட்டுமே, பங்குதாரர்களாக இருந்துள்ளனர். இதில், ஜெ.,

பங்கு யாருக்குப் போகும் என்ற கேள்வி எழுந்துள் ளது. இந்த சூழ் நிலையில் தான், கோடநாடு எஸ்டேட்டில், கொலை மற்றும் கொள்ளை நடந்துள்ளது.

அதன் தொடர்ச்சியாக, சம்பவத்தில் தொடர்பு உடையதாகக் கூறப்படும், எஸ்டேட் முன்னாள் டிரைவர் கனகராஜ், சயான் ஆகியோர் வெவ்வேறு விபத்து களில் சிக்கினர்.கனகராஜ், சயான் மனைவி, மகள் உயிர்இழந்தனர்; சயான், தற்போது கோவை தனியார் மருத்துவமனையில் சிகிச்சை பெற்று வருகிறார். இந்த சம்பவங்கள் தொடர்பாக, கேரளாவைச் சேர்ந்த பலர், தமிழகம் மற்றும் கேரள போலீசாரால் கைது செய்யப்பட்டுள்ளனர்.

இவ்வழக்கில், பெரிதும் சந்தேகிக்கப்பட்ட சஜீவன், 'எனக்கும் இந்த சம்பவங்களுக்கும் எதுவும் தொடர் பில்லை' என்று கூறியுள்ளார். ஜெ., - சசிகலா, கோட நாடு எஸ்டேட் மேனேஜர் நடராஜனுக்கு அடுத்த படியாக, அந்த பங்களாவைப் பற்றி துல்லியமாக அறிந்த ஒரே நபர், இவர் மட்டுமே என்பதால், இவர் மீதான சந்தேகப் பார்வை, பலருக்கும் விலக வில்லை. தமிழக போலீசார், இவரை இதுவரை விசாரிக்கவே இல்லை.

இதற்கிடையில், கோடநாடு எஸ்டேட்டில், ஜெ., அறையில் வைக்கப்பட்டிருந்த உயிலை கொள்ளை அடிப்பதற்காக நடந்த முயற்சியே, தற்போது நடந்த கொலை,கொள்ளை என்று கட்சிக்காரர்கள் பேசத் துவங்கியுள்ளனர்.

எஸ்டேட் வருவாயில், 85 சதவீதத்தை, பொது மக்கள் நலனுக்கும், 15 சதவீதத் தொகையை எஸ்டேட் நிர்வாகத்துக்கும் பயன் படுத்த, டிரஸ்டை உருவாக்குவதற்கு, ஜெ., உயில் எழுதி வைத்துள்ள