இயக்குநர் பாரதிராஜா

 

 

யார் வேண்டுமானாலும் விருந்தாளியாக வீட்டுக்கு வாருங்கள். சாப்பிட்டு, திண்ணையில் படுத்து உறங்குங்கள். எங்களுடைய படுக்கையில் பங்கு கேட்காதீர்கள். தலைமைப் பொறுப்பு என்பது மட்டும், இந்த மண்ணின் மைந்தனுக்கு வேண்டும் என்பதை அழுத்தமாக புரிந்து கொள்ள வேண்டும் என்று இயக்குநர் பாரதிராஜா பேசினார்.

இயக்குநர் பேரரசு எழுதிய 'என்னை பிரம்மிக்க வைத்த பிரபலங்கள்' புத்தக வெளியீட்டு விழா சென்னையில் திங்கட்கிழமை நடைபெற்றது. இதில் இயக்குநர்கள் பாரதிராஜா, கே.பாக்யராஜ், டி.ராஜேந்தர், விக்ரமன், ஆர்.கே.செல்வமணி, லிங்குசாமி உள்ளிட்ட பலர் கலந்து கொண்டனர். தயாரிப்பாளர் சங்கத் தலைவர் விஷாலும் இவ்விழாவில் கலந்து கொண்டார்.

இவ்விழாவில் இயக்குநர் பாரதிராஜா பேசியது, "பேரரசு என் மீது வைத்திருக்கும் பற்றையும், பாசத்தையும் நம்ப முடியவில்லை. ஏனென்றால் அவன் என்னிடம் பணியாற்றியதில்லை. என் விழுதுகள் எத்தனையோ இருந்திருக்கிறது. அந்த விழுதுகள், இதுவரை வேருக்கு வியர்வை சிந்தியதுமில்லை, பாராட்டியதுமில்லை. ஆனால் எங்கேயோ வளர்ந்த செடி என் மீது படர்ந்து, என்னைப் பாராட்டி சீராட்டுகிறது. அதுதான் எனக்குப் புரியவில்லை.

டி.ராஜேந்தர் ஒரு சுயம்பு. அவரிடம் யாருடைய பாதிப்புமே கிடையாது. அவருக்கென்று ஒரு தனி பாணியை உருவாக்கி வைத்துள்ளார். யாருக்கும் பயப்பட மாட்டார். ஏனென்றால் உண்மை பயப்படவே பயப்படாது.

மூன்று ஜாம்பவான்களோடு உட்கார்ந்திருக்கும் போது தமிழ் நடிகனாக உணர்ந்தேன் என்று விஷால் பேசினார். அது தவறு. நீ எங்கிருந்தாலும் தமிழ் நடிகன்தான். இந்த தமிழ்நாடு மாதிரி ஒரு அற்புதமான நாடு எதுவுமே கிடையாது. வேறு எங்குமே போய் அரசியல் செய்ய முடியாது, ஆனால் இங்கு யார் வேண்டுமானாலும் அரசியல் பண்ணலாம். வேறு எங்குமே போய் தொழில் தொடங்குவது கடினம். ஆனால், இங்கு யார் வேண்டுமானாலும் தொழில் தொடங்கலாம்.

அனைவருமே தேசிய கீதத்துக்கு எழுந்து நின்றோம். பொதுவாக தமிழ்த்தாய் வாழ்த்து முடிந்து, முடிவிலேயே தான் தேசிய கீதம் இருக்க வேண்டும். இப்போது சட்டத்தை மாற்றியுள்ளார்கள். ஏனென்றால் தேசியகீதம் பாடியவுடன் போய்விடுவார்கள் என நினைக்கிறார்கள். போகிறவர்களை இழுத்து வைத்தா தேசியத்தைப் புகுத்த முடியும். எங்கள் தமிழ் தள்ளப்படுகிறதோ என்ற பயம் எனக்கிருக்கிறது. எங்களுக்கும் தேசியப்பற்று உண்டு. ஆனால், எங்கள் தாய்ப்பாலுக்கு பிறகுதான் உலகப்பால். நம்மை அறியாமல் தமிழைத் தொலைத்துக் கொண்டிருக்கிறோம்.

எங்கே தமிழ் கலாச்சாரம் காணாமல் போய்விடுமோ என்ற பயம் இருக்கிறது. ஆனால், தமிழ்த் திரையுலகம் விட்டுவிடக் கூடாது. யார் வேண்டுமானாலும் இங்கு சங்கமிக்கலாம். ஆனால், அடையாளத்தைத் தொலைத்துவிடாதீர்கள். யார் வேண்டுமானாலும் விருந்தாளியாக வீட்டுக்கு வாருங்கள். சாப்பிட்டு, திண்ணையில் படுத்து உறங்குங்கள். எங்களுடைய படுக்கையில் பங்கு கேட்காதீர்கள். தலைமைப் பொறுப்பு என்பது மட்டும், இந்த மண்ணின் மைந்தனுக்கு வேண்டும் என்பதை அழுத்தமாக புரிந்து கொள்ள வேண்டும்" என்று பேசினார் பாரதிராஜா

http://tamil.thehindu.com/cinema/tamil-cinema/தலைமைப்-பொறுப்பு-தமிழனுக்கே-வேண்டும்-பாரதிராஜா-பேச்சு/article9710776.ece?homepage=true

 

41 minutes ago, Athavan CH said:

யார் வேண்டுமானாலும் விருந்தாளியாக வீட்டுக்கு வாருங்கள். சாப்பிட்டு, திண்ணையில் படுத்து உறங்குங்கள். எங்களுடைய படுக்கையில் பங்கு கேட்காதீர்கள். தலைமைப் பொறுப்பு என்பது மட்டும், இந்த மண்ணின் மைந்தனுக்கு வேண்டும் என்பதை அழுத்தமாக புரிந்து கொள்ள வேண்டும் என்று இயக்குநர் பாரதிராஜா பேசினார்.

ஒவ்வொரு பட்டி தொட்டிக்கும் ஒவ்வொரு பாரதிராஜாக்கள் உருவாகவேண்டும்.

தமிழகத்தை தமிழர்தான் ஆள வேண்டும்: சீமான் பேட்டி

 

சீமான் | படம்: வி.எம்.மணிநாதன்

 

 

தமிழகத்தை தமிழர்தான் ஆள வேண்டும் என நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

சென்னையில் இன்று (புதன்கிழமை) செய்தியாளர்களை சந்தித்த அவர், "தமிழகத்தை தமிழர்தான் ஆள வேண்டும். கர்நாடகத்தில் இருந்து தமிழகத்துக்கு காவிரி நீர் வராது, ஆனால் கர்நாடகத்தில் இருந்து தமிழகத்துக்கு அரசியல் தலைவர்கள் மட்டும் வருவார்கள் என்றால் அது எப்படி நியாயமாகும்?

தமிழகத்தில் அதிமுக பெயரில் பாஜக ஆட்சியே நடைபெறுகிறது. அதிமுக ஆட்சி அடமானம் வைக்கப்பட்டுள்ளது. தமிழக எதிர்க்கட்சித் தலைவரை சந்திக்க மறுக்கும் பிரதமர் மோடி, தமிழக விவசாயிகளை சந்திக்க மறுக்கும் மோடி, முன்னாள் முதல்வர் ஓ.பன்னீர்செல்வத்தை மட்டும் எப்படி சந்திக்கிறார்? இதில் எந்த அரசியலும் இல்லை எனக்கூறுவதை எப்படி நம்புவது?

தமிழகத்தில் சிஸ்டம் கெட்டுப்போய் இருக்கிறது என்று நடிகர் ரஜினிகாந்த் கூறிய கருத்தில் நானும் உடன்படுகிறேன். ஆனால், தமிழகத்தில் மட்டுமல்ல ஒட்டுமொத்த இந்தியாவிலுமே அடிப்படை அமைப்பு கெட்டுப்போய் உள்ளது. இந்தியாவின் பொருளாதார கொள்கை, கல்விக் கொள்கை, நீர் மேலாண்மைக் கொள்கை இப்படி பலவும் கெட்டுப்போய் உள்ளன.

அடிப்படை அமைப்பில் மாற்றம் கொண்டு வரவேண்டும் என்று போராட்டத்தை நாம் தமிழர் கட்சி முன்னெடுத்து 8 ஆண்டுகள் ஆகிவிட்டன. அதனால் ரஜினி கருத்தில் புதிதாக ஒன்றும் இல்லை"

இவ்வாறு அவர் பேசினார்.

http://tamil.thehindu.com/tamilnadu/தமிழகத்தை-தமிழர்தான்-ஆள-வேண்டும்-சீமான்-பேட்டி/article9711277.ece?homepage=true