ஆவா முக்கிய செயற்பாட்டாளர் பொற்பதியில் கைது!!

 

ஆவா குழுவைச் சேர்ந்த முக்கிய செயற்பாட்டாளர் ஒருவர் கைது செய்யப்பட்டுள்ளார் என்று கோப்பாய் பொலிஸ் நிலையப் பொறுப்பதிகாரி எஸ்.எம்.ஹந்தவெல தெரிவித்தார்.

யாழ்ப்பாணம், பொற்பதியைச் சேர்ந்த 18 வயதுடைய ஒருவரே கைது செய்யப்பட்டுள்ளார். பொலிஸாருக்குத் கிடைத்த இரகசியத் தகவலை அடுத்தே இந்தக் கைது நடந்துள்ளது.

கைது செய்யப்பட்டவரை நீதிமன்றில் முற்படுத்துவதற்கான நடவடிக்கைகள் மேற்கொள்ளப்படுகின்றன என்று பொலிஸ் நிலையப் பொறுப்பதிகாரி தெரிவித்தார்.

http://newuthayan.com/story/50283.html

தனு ராக்ஸ் குழுவின் வீடுடைத்த ஆவா குழுவை சேர்ந்தவர் கைது:
 

ஆவா குழுவை சேர்ந்த மற்றுமொரு முக்கிய செயற்பாட்டாளர் ஒருவரை தாம் கைது செய்துள்ளதாக கோப்பாய்  காவல்நிலைய நிலைய பொறுப்பதிகாரி எஸ்.எம். ஹகந்தவெல தெரிவித்துள்ளார்.  யாழ்.கொக்குவில் பொற்பதி பகுதியை சேர்ந்த அந்தோணி மேரிக்சன் ஜூட் (வயது 18) எனும் நபரே கோப்பாய்  காவல்துறையினரினால்  கைது செய்யப்பட்டு உள்ளார்.

அது தொடர்பில் பொறுப்பதிகாரி தெரிவிக்கையில் ,

ஆவா குழுவை சேர்ந்த முக்கிய நபர் ஒருவர் பற்றி தமக்கு கிடைத்த இரகசிய தகவலின் அடிப்படையில் குறித்த நபரை இன்று வெள்ளிக்கிழமை கைது செய்துள்ளோம்.

காவல்நிலையத்தில் தடுத்து வைத்து மேலதிக விசாரணைகளை மேற்கொண்டு வருகின்றோம். தற்போது கடந்த சில வாரங்களுக்கு முன்னர் கோண்டாவில் பகுதியில் உணவகம் உடைக்கப்பட்டமை , முடமாவடி பகுதியில் வான் மற்றும் மோட்டார் சைக்கிள் என்பன சேதமாக்கப்பட்டு வீடு உடைக்கப்பட்டமை , கல்வியங்காட்டு பகுதியில் வீடொன்றின் மீது பெற்றோல் குண்டு வீசி உடைக்கப்பட்டமை மற்றும் ஆவா குழுவில் இருந்து பிரிந்து சென்ற தனு ராக்ஸ் குழுவை சேர்ந்த மானிப்பாயில் வசிக்கும் தனுவின் வீட்டினை உடைத்தமை உள்ளிட்ட குற்ற சம்பவங்களில் இவர் நேரடியாக பங்கெடுத்துள்ளார் என்பதனை விசாரணைகள் மூலம் உறுதிப்படுத்திக்கொண்டு உள்ளோம்.

தொடர்ந்து மேலதிக விசாரணைகளை முன்னெடுத்து வருகின்றோம். இன்றைய தினம் கைது செய்த நபரை நாளை சனிக்கிழமை நீதிவான் முன்னிலையில் முற்படுத்த நடவடிக்கை எடுப்போம் என மேலும் தெரிவித்தார்.

http://globaltamilnews.net/archives/51330

உண்மையில் ஆவா குழுக்களின் முக்கிய தலைவர்களும், செயற்பாட்டாளர்களும் எங்கே உள்ளனர் என்று எல்லோருக்கும் தெரியும். வெளியே சொல்ல முடியாது. சொன்னால் கொள்ளிக்கட்டை எடுத்து முதுகைச் சொறிந்ததுபோலாகும்.  

சுவிஸிலதான் நிக்கினம்