ஜெருசலேம் தொடர்பான அமெரிக்க அறிவிப்பை நிராகரிக்கும் ஐ.நா. தீர்மானம் வெற்றி

 

• இதை பகிர ஃபேஸ்புக்கில்
•  
• இதை பகிர டுவிட்டரில்
•  
• இதை பகிர Messenger
•  
• இதை பகிர மின்னஞ்சல்
•  
• பகிர்க

ஜெருசலேத்தை இஸ்ரேலின் தலைநகராக அங்கீகரித்து அமெரிக்கா வெளியிட்ட அறிவிப்பை நிராகரிக்கும் தீர்மானம் ஐ.நா. பொதுச் சபையில் அபார வெற்றி பெற்றுள்ளது.

படத்தின் காப்புரிமைAFP Image captionஅரபு மற்றும் முஸ்லிம் நாடுகள் விடுத்த கோரிக்கையை அடுத்து ஐ.நா. பொதுக் குழு அவசரக் கூட்டம் நடத்தியது.

128 நாடுகள் இந்தத் தீர்மானத்தை ஆதரித்து வாக்களித்துள்ளன. 35 நாடுகள் வாக்கெடுப்பில் பங்கேற்கவில்லை. 9 நாடுகள் தீர்மானத்துக்கு எதிராக வாக்களித்துள்ளன.

ஜெருசலேம் நகரத்துக்கு இஸ்ரேலும் பாலத்தீனமும் உரிமை கொண்டாடி வரும் நிலையில் இது ஒரு தீர்க்கப்படாத சர்ச்சையாக,த் தொடர்ந்து வருகிறது. இந்நிலையில் ஜெருசலேத்தை இஸ்ரேலின் தலைநகராக ஏற்பதாக அண்மையில் அமெரிக்கா அறிவித்தது.

"புனித ஜெருசலேம் நகரத்தின் பண்பையும், நிலையையும், மக்கள் வகைப்பாட்டையும் மாற்றுகிற எந்த முடிவுக்கும் நடவடிக்கைக்கும் சட்ட மதிப்பு இல்லை, அது செல்லத்தக்கதும் இல்லை," என்று ஒரு தீர்மானம் குறிப்பிடுகிறது.

இது தொடர்பான முந்தைய பாதுகாப்புக் கவுன்சில் தீர்மானத்துக்கு ஏற்ப அத்தகைய முடிவுகள் திரும்பப் பெறப்படவேண்டும் என்றும், 1980ல் நிறைவேற்றப்பட்ட பாதுகாப்பு கவுன்சில் தீர்மானம் ஒன்றின்படி உறுப்பு நாடுகள் தங்கள் தூதரகங்களை புனித நகரான ஜெருசலேத்தில் அமைக்கக்கூடாது என்றும் தற்போது பொதுச் சபை நிறைவேற்றிய தீர்மானம் குறிப்பிடுகிறது.

இந்த தீர்மானத்தை ஆதரிப்பவர்களுக்கு நிதியுதவிகள் நிறுத்தப்படும் என்று அமெரிக்க அதிபர் டொனால்டு டிரம்ப் மிரட்டல் விடுத்த பிறகும் இப்போது இத்தீர்மானம் வெற்றி பெற்றுள்ளது.

மிரட்டலையும், அச்சுறுத்திப் பணியவைக்கும் முயற்சியையும் நிராகரிக்கவேண்டும் என்று வாக்கெடுப்புக்கு முன்னதாக பாலத்தீன வெளியுறவு அமைச்சர் உறுப்பினர்களுக்கு வேண்டுகோள் விடுத்தார்.

எதிர்பார்க்கப்படும் முடிவினை முற்றாக நிராகரிக்கப்போவதாக வாக்கெடுப்புக்கு முன்னதாகக் கூறிய இஸ்ரேல் பிரதமர் பெஞ்சமின் நெதன்யாஹு ஐ.நா.வை 'பொய்களின் அவை' என்று குறிப்பிட்டார்.

http://www.bbc.com/tamil/global-42446124

நீண்ட காலத்திற்கு பின் ஐக்கியநாடுகள் செய்த உருப்படியான வேலை.

3 hours ago, நவீனன் said:

எதிர்பார்க்கப்படும் முடிவினை முற்றாக நிராகரிக்கப்போவதாக வாக்கெடுப்புக்கு முன்னதாகக் கூறிய இஸ்ரேல் பிரதமர் பெஞ்சமின் நெதன்யாஹு ஐ.நா.வை 'பொய்களின் அவை' என்று குறிப்பிட்டார்.

ஈராக், சிரியா லிபியாவுக்கு அடிக்க ஓமெண்டால் ஐ.நா உண்மைகளின் அவை.
உங்களுக்கு எங்கையும் முள்ளுக்குத்தினால் ஐ.நா  பொய்களின் அவை.
ஒடுக்கப்பட்ட ஈழத்தமிழினம் போன்ற இனங்களுக்கு ஐ.நா இருக்கிறதும் ஒண்டுதான்...இல்லாட்டியும் ஒண்டுதான்.

அமெரிக்காவிற்கு எதிராக இலங்கை ஐ.நாவில் வாக்களிப்பு…

அமெரிக்காவிற்கு எதிராக  ஐக்கிய நாடுகள் அமைப்பில் இலங்கை வாக்களித்துள்ளது. இஸ்ரேலின் தலைநகராக ஜெருசலேத்தை அமெரிக்கா அறிவித்தமைக்கு எதிர்ப்பை வெளியிட்டு இவ்வாறு இலங்கை வாக்களித்துள்ளது.

ஐக்கிய நாடுகள் பொதுச் சபையில் இந்த வாக்கெடுப்பு நடத்தப்பட்டிருந்தது. தமக்கு எதிராக வாக்களித்தால் நிதி உதவிகள் நிறுத்தப்படும் என, அமெரிக்கா எச்சரிக்கை விடுத்திருந்த நிலையிலும் இலங்கை அமெரிக்காவிற்கு எதிராகவே வாக்களித்துள்ளமை குறிப்பிடத்தக்கது.

இந்த வாக்கெடுப்பின் போது அமெரிக்காவின் தீர்மானத்திற்கு எதிராக 128 வாக்குகள் அளிக்கப்பட்டதுடன், எதிராக 9 வாக்குகள் அளிக்கப்பட்டன. 35 நாடுகள் வாக்களிப்பில் பங்கேற்கவில்லை என்பது குறிப்பிடத்தக்கது.

http://globaltamilnews.net/2017/56701/

ஜெருசலேம் பற்றிய இந்த 6 தகவல்கள் உங்களுக்கு தெரியுமா?

 

ஜெருசலேத்தை இஸ்ரேலின் தலைநகராக அமெரிக்கா அங்கீகரிப்பதாக அதிகாரப்பூர்வமாக அறிவித்த அதிபர் டொனால்ட் டிரம்ப், தற்போது டெல் அவிவ் நகரத்தில் இருக்கும் அமெரிக்க தூதரம் ஜெருசலேத்திற்கு மாற்றப்படும் என்றும் அறிவித்தார். அமெரிக்கா வெளியிட்ட அறிவிப்பை நிராகரிக்கும் தீர்மானம் ஐ.நா. பொதுச் சபையில் வெற்றி பெற்றது.

படத்தின் காப்புரிமைAFP Image captionஉலகின் புராதன நகரங்களில் ஒன்றான ஜெருசலேம்

ஜெருசலேத்தை, இஸ்ரேலின் தலைநகராக, டிரம்ப் அங்கீகரித்ததை நிராகரித்த ஐ.நாவின் பாதுகாப்புக்குழுவின் வரைவு தீர்மானத்தை அமெரிக்கா நிராகரித்துள்ளது.

ஜெருசலேம் சர்ச்சைக்கு பிறகு, இஸ்ரேலுடன் சமாதானமாக செல்ல அமெரிக்கா வரையறுக்கும் அமைதி திட்டத்தை ஏற்றுக்கொள்ள முடியாது என பாலத்தீன அதிபர் மஹ்மூத் அப்பாஸ் தெரிவித்துள்ளார்.

5,000 ஆண்டு வரலாற்றைக் கொண்ட ஜெருசலேம் 3,000 ஆண்டுகளாக இஸ்ரேலின் தலைநகராக இருக்கிறது. ஜெருசலேம் வேறு எந்த மக்களுக்கும் தலைநகராக இருந்ததில்லை என இஸ்ரேஸ் பிரதமர் பெஞ்சமின் நெதன்யாகு கூறினார்.

படத்தின் காப்புரிமைபிபிசி

புராதன நகரமான ஜெருசலேம் எப்போதும் சர்ச்சைக்குள்ளான ஒரு நகரமாகவே இருந்து வந்துள்ளது. ஜெருசலேம் பற்றிய முக்கிய சில தகவல்களை சுருக்கமாக தெரிந்துக்கொள்வோம்.

•பழைய ஜெருசலேம் உலகப் பாரம்பரியச் சொத்தாக (World Heritage) வகைப்படுத்தப்பட்டுள்ளது. அர்மீனியக் குடியிருப்பு, கிறித்தவக் குடியிருப்பு, யூத குடியிருப்பு, முஸ்லிம் குடியிருப்பு என நான்கு குடியிருப்புகளை உள்ளடக்கியது பழைய ஜெருசலேம்.

•ஹீப்ரு மொழியில் 'யெருஷ்லாயீம்' என்றும், அரபியில் 'அல்-குதஸ்' என்றும் அழைக்கப்படும் ஜெருசலேம் நகரம் உலகின் பழமையான நகரங்களில் ஒன்று. அல் குதஸ் என்ற அரபியவார்த்தையின் பொருள் அமைதியின் உறைவிடம்.

•இஸ்ரேல்-அரபு நாடுகளுக்கு இடையிலான பிரச்சனைகளில் பிரதானமாக விளங்குகிறது ஜெருசலேம். அதற்கு காரணம் யூதம், இஸ்லாம் மற்றும் கிறித்துவ மதத்தினர் இந்த நகரை புனித நகராக கருதுவதே.

படத்தின் காப்புரிமைEPA Image captionயூதர்களின் குடியிருப்பில் இருந்து கிழக்குபுறமாக எடுக்கப்பட்ட புகைப்படம்

•நபிகள் நாயகத்தின் வாழ்க்கையுடன் இணைந்த ஜெருசலேம் நகரை இஸ்லாமியர்கள் புனிதமான இடமாக கருதுகின்றனர். முகமது நபி ஜெருசலேமிலிருந்து விண்ணகப் பயணம் சென்று திரும்பினார் என்று இஸ்லாமியர்கள் நம்புகின்றனர்.

•பைபிளின் புதிய ஏற்பாட்டின்படி, இயேசு கிறிஸ்து தனது இறுதி காலத்தில் வாழ்ந்த இடம் ஜெருசலேம். அவர் உயிர்நீத்த சிலுவை ஜெருசலேமில் கண்டெடுக்கப்பட்டது. எனவே கிறித்தவர்கள் ஜெருசலேத்தை புனித நகரமாக கருதுகின்றனர்.

•பைபிளின் பழைய ஏற்பாட்டின்படி, ஏறக்குறைய கி.மு. 1000 ஆண்டுகளில் இஸ்ரேல் மன்னர் தாவீது இஸ்ரேல் ஐக்கிய ராஜ்ஜியத்தின் தலைநகராக ஜெருசலேம் நகரை நிறுவினார். தாவீது மன்னரின் மகன் சாலமன் ஜெருசலேமில் புகழ்வாய்ந்த ஆலயம் ஒன்றை கட்டமைத்தார். எனவே, இஸ்ரேலுக்கு ஜெருசலேம் புனித நகராக மாறியது.

http://www.bbc.com/tamil/global-42458375