ஜப்பானில் ஜனாதிபதி பங்கேற்ற நிகழ்வில் ஞானசார தேரர் பிரசன்னமாகியிருந்தாரா?

 

 

ஜப்பானிற்கு விஜயம் மேற்கொண்டுள்ள ஜனாதிபதி மைத்திரிபால சிறிசேன பங்கேற்ற நிகழ்வொன்றில் பொதுபல சேனா அமைப்பின் தலைவர் கலகொட அத்தே ஞானசார தேரர் பிரசன்னமாகியிருப்பதாகக் காண்பிக்கும் புகைப்படங்கள் சமூக வலைத்தளங்களில் வெளியாகியுள்ளன

 

இந்த நிகழ்வில் அமைச்சர்களான திலக் மாரப்பன மற்றும் மலிக் சமரவிக்ரம ஆகியோரும் பங்கேற்றுள்ளனர். ஜப்பானிலுள்ள இம்பீரியல் ஹோட்டலில் இந்த நிகழ்வு இடம்பெற்றதாக தெரியவருகின்றது.

தனது ஜப்பானிற்கான உத்தியோகபூர்வ விஜயத்திற்கான தூதுக்குழுவின் அங்கத்தவர்களில் ஒருவராக ஞானசார தேரரை ஜனாதிபதி அழைத்துச் சென்றாரா அன்றேல் ஜப்பானிற்கு சென்றிருந்த ஞானசார தேரர் ஜனாதிபதி வருகையை அறிந்து அவர் பங்கேற்ற நிகழ்ச்சியில் கலந்துகொண்டாரா என்ற கேள்விகளை சமூகவலைத்தள பயனாளர்கள் எழுப்பியுள்ளனர்.

முஸ்லிம்களுக்கு எதிரான இனவன்முறைகளுக்கு தூபமிடும் வகையில் பிரசாரங்களை மேற்கொள்வதாக கடும் சர்ச்சைக்குரியவராக நோக்கப்படுபவர் ஞானசார தேரர்.

அளுத்கமவில் 2014ஆம் ஆண்டு இடம்பெற்ற முஸ்லிம்களுக்கு எதிரான கலவரத்திற்கு பிரதானமான காரணம் என கடும் கண்டனங்களுக்கு ஆளான போதும் இவருக்கு எதிராக எவ்வித சட்டநடவடிக்கையும் எடுக்கப்படவில்லை என்பது குறிப்பிடத்தக்கது.

http://athavannews.com/?p=637728-ஜப்பானில்-ஜனாதிபதி-பங்கேற்ற-நிகழ்வில்-ஞானசார-தேரர்-பிரசன்னமாகியிருந்தாரா?

ஜனாதிபதி பங்கேற்ற நிகழ்வின் முன்வரிசையில் ஞானசார தேரர்

குளோபல் தமிழ்ச் செய்தியாளர்

ஜனாதிபதி மைத்திரிபால சிறிசேன ஜப்பானில் பங்கேற்ற நிகழ்வு ஒன்றின் முன் வரிசை ஆசனத்தில் பொதுபல சேனா இயக்கத்தின் பொதுச் செயலாளர் கலகொடத்தே ஞானசார தேரர் அமர்ந்திருந்தமை சர்ச்சையை ஏற்படுத்தியுள்ளது. அண்மையில் கண்டியில் இடம்பெற்ற வன்முறைச் சம்பவங்களின் போதும் ஞானசார தேரர் மீது குற்றம் சுமத்தப்பட்டிருந்தது.
இந்தநிலையில் ஜனாதிபதி பங்கேற்ற கேள்வி பதில் நிகழ்விலும் ஞானசார தேரர் பங்கேற்றுள்ளார்.

 

ஜப்பானில் உள்ள விஹாரைகளின் மாநாயக்க தேரர்களுடன் நடைபெற்ற சந்திப்பில் ஞானசார தேரரும் பங்கேற்றிருந்தார் என அரசாங்கத் தகவல்கள் தெரிவித்துள்ளன.

http://globaltamilnews.net/2018/70825/

திட்டமிட்ட அடிப்படையில் ஞானசார தேரர் ஜப்பான் நிகழ்வில் பங்கேற்கவில்லை – பொதுபலசேனா

குளோபல் தமிழ்ச் செய்தியாளர்

திட்டமிட்ட அடிப்படையில் அமைப்பின் பொதுச் செயலாளர் கலகொடத்தே ஞானசார தேரர் ஜனாதிபதியின் ஜப்பான் நிகழ்வில் பங்கேற்கவில்லை பொதுபல சேனா அமைப்பு தெரிவித்துள்ளது. ஜப்பானில் பௌத்த பிக்குகளுடன் ஜனாதிபதி சந்திப்பு ஒன்றினை நடத்தியிருந்த நிலையில் இந்த சந்திப்பில் ஞானசார தேரர் பங்கேற்றமை பெரும் சர்ச்சையை ஏற்படுத்தியிருந்தது.

 

இலங்கையின் ஊடகங்களில் இந்த விடயம் சுட்டிக்காட்டப்பட்டிருந்தது. எனினும், இந்த சந்திப்பு திட்டமிட்ட அடிப்படையில் மேற்கொள்ளப்படவில்லை என பொதுபல சேனா தெரிவித்துள்ளது.

http://globaltamilnews.net/2018/71061/

ஜனாதிபதியுடன் ஞானசாரர் இல்லை

 

 

ஜனாதிபதி மைத்திரிபால சிறிசேனவின், ஜப்பானுக்கான உத்திரயோகப்பூர்வ விஜயத்தில் அவருடன் சென்றுள்ள இலங்கை பிரதிநிதிகளில், கலபொடஹத்தே ஞனசார  தேரர் இருப்பதாக, சமூக வலைத்தளங்களில் வெளியான செய்தி உண்மைக்கு புறம்பானது என, ஜனாதிபதி ஊடகப் பிரிவு தெரிவித்துள்ளது.

ஞானசாரர், ஜனாதிபதியின் விஜயத்துக்கு முன்னரே தனிப்பட்ட காரணங்களுக்காக ஜப்பான் சென்றுள்ளார் எனவும், ஜனாதிபதி ஊடகப் பிரிவு தெரிவித்துள்ளது.

http://www.tamilmirror.lk/செய்திகள்/ஜனாதிபதியுடன்-ஞானசாரர்-இல்லை/175-212808

On ‎14‎.‎03‎.‎2018 at 6:57 AM, நவீனன் said:

ஜப்பானில் ஜனாதிபதி பங்கேற்ற நிகழ்வில் ஞானசார தேரர் பிரசன்னமாகியிருந்தாரா?

 

http://athavannews.com/?p=637728-ஜப்பானில்-ஜனாதிபதி-பங்கேற்ற-நிகழ்வில்-ஞானசார-தேரர்-பிரசன்னமாகியிருந்தாரா?

தேரர்களின் பிடரிக்கு ஒளிபாச்சும் ஆதவன் அவர்களின் முகத்துக்கு ஒளிபாச்ச மறுத்தது ஏனோ....??? 

 

ஞானசார தேரரை கைதுசெய்ய உத்தரவு

( எம்.எப்.எம்.பஸீர்)

பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரரை கைது செய்து நீதிமன்றில் ஆஜர் செய்யுமாறு கொழும்பு பிரதான நீதிவான் லால் ரணசிங்க பண்டார நேற்று உத்தரவிட்டார்.