’முள்ளிவாய்க்கால் நினைவேந்தலை கொச்சைப்படுத்தாதீர்’

 

முள்ளிவாய்க்கல் நினைவேந்தலுக்கு வருவோரில் கட்டுப்பாடுகளை விதித்து, அந்நாளைக் கொச்சைப்படுத்த வேண்டாமெனக் கோரியுள்ள, யாழ்ப்பாணப் பல்கலைக்கழக மாணவர் ஒன்றியத் தலைவர் கி. கிருஷ்ணமேனன், இந்நிகழ்வில் அனைவரும் மக்களோடு மக்களாகக் கலந்துகொள்ள வேண்டுமெனவும் தெரிவித்தார்.

முள்ளிவாய்க்கால் நினைவு தினம் தொடர்பாக, அண்மைய நாட்களில் ஏற்பட்டிருந்த சர்ச்சை தொடர்பாக விளக்கமளிக்கும் போதே, அவர் இவ்வாறு தெரிவித்தார்.

"முள்ளிவாய்க்காலுக்கு அவர் வரக்கூடாது, இவர் வரக்கூடாது என்று கூறி, அந்த நாளைக் கொச்சைப்படுத்தாதீர்கள். இந்த நிகழ்வில் அனைவரும் மக்களோடு மக்களாகக் கலந்துகொள்ளுங்கள். மற்றவர்களைக் குறைகூறி, மக்களின் கண்ணீரில் அரசியல் செய்து கதாநாயகனாகும் எண்ணங்களை விட்டுவிடுங்கள்" என, கிருஷ்ணமேனன் தெரிவித்தார்.

முள்ளிவாய்க்கால் நினைவுதினத்தை, அனைத்துத் தமிழ் மக்களும் ஒன்றிணைந்து, ஒரே நிகழ்வாக, தமிழ்த் தேசியத்தை மீளெழுச்சி கொள்ளச் செய்யும் நிகழ்வாகக் கடைப்பிடிக்க வேண்டுமென, யாழ். பல்கலைக்கழக மாணவர் ஒன்றியத்தால், சில நாட்களுக்கு முன்னர் அழைப்பு விடுக்கப்பட்டிருந்தது.

எனினும், இது தொடர்பில், தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலம், தனது சந்தேகத்தையும் அதிருப்தியையும் வெளிப்படுத்தியிருந்தார். "பிழையான சிலருக்கும் அவர்களுடைய பிழைகளுக்கும் வெள்ளையடிப்பதற்கான ஒரு முயற்சியாக இது இருக்குமோ என நாங்கள் சந்தேகிக்கிறோம்" என, அவர் தெரிவித்திருந்தார்.

இது தொடர்பாக, கஜேந்திரகுமாருக்கும் யாழ். பல்கலைக்கழக மாணவர் ஒன்றியப் பிரதிநிதிகளுக்கும் இடையிலான சந்திப்பொன்று, நேற்று (21) இடம்பெற்றது. இதன் போதும், இரு தரப்புகளுக்கும் இடையில் கருத்தொற்றுமை ஏற்பட்டிருக்கவில்லை எனத் தெரிகிறது.

http://www.tamilmirror.lk/யாழ்ப்பாணம்/முள்ளிவாய்க்கால்-நினைவேந்தலை-கொச்சைப்படுத்தாதீர்/71-214706

• முள்ளிவாய்க்கால் பொன்னம்பலம் குடும்பத்தின் முதுசொமா?

 

 

முள்ளிவாய்க்கால் பொன்னம்பலம் குடும்பத்தின் முதுசொமா?

இன்று தமிழ் காங்கிரஸ் என்ற முகவரி।யைக் கைவிட்டு தமிழ் மக்கள் பேரவைக்குச் சொந்தம் கொண்டாடுகிறார் கஜேந்திரகுமார் பொன்னம்பலம்.

முள்ளிவாய்க்காலில் ஒருவாய் தண்ணீருக்கும், ஒருக வளம் உணவுக்கும் வழியின்றி நாங்கள் தவித்து நின்ற போது இவர்கள் என்ன செய்தார்கள்? காயப்பட்டுத் துடித்தபோது எங்கே போயிருந்தார்கள்?

செட்டிகுளம் முள்வேலி முகாமுக்குள் மந்தைக்கூட்டங்களாக மக்களை அடைத்து வைத்திருந்தபோது இவர்கள் என்ன செய்தார்கள்? 1948 ம் ஆண்டு குடியுரிமைச்சட்டம் கொண்டு வந்தபோது அந்தச்சட்டத்திற்கு ஆதரவாக வாக்களித்து தமிழ் மக்களைக் கூறு போடுவதற்குத் துணைபோனார் பாட்டன் பொன்னம்பலம்.

இலங்கைத் தமிழர், இந்தியத்தமிழர், நாடோற்றோர் என்று தமிழ் மக்களைக் கூறு போட்டார்கள். இன்றும் அதே வழியில் தமிழ் மக்கள் தலையில் மண் அள்ளிப்போட முயல்கிறார் பேரன் பொன்னம்பலம். இதற்குப் பக்கப் பாட்டுப் பாடுகிறார் முகவரி இல்லாமல் இங்கு வந்து கூட்டமைப்பின் வேண்டுதலை ஏற்று மக்கள் அளித்தவாக்குப் பலத்தால் முதலமைச்சரான (வினாயகர்) விக்னேஸ்வரன்.

ஆயிரக்கணக்கான மக்களின் உயிரைப்பறிகொடுத்துக்கட்டிக்காத்த ஒற்றுமையை சிதைத்துவிட்டார்கள் இந்தக் கூட்டத்தினர். தமிழ் மக்களது துயரத்துக்கான விடிவு என்று தான் கிட்டப்போகிறதோ?

http://newuthayan.com/story/88201.html