அலுவலக முற்றத்தை கூட்டினால் மாத்திரமே  வதிவிடத்தை உறுதிப்படுத்த முடியும் - கிராம அலுவலர்

 

 

அலுவலகத்தின்  முற்றத்தை கூட்டினால் மாத்திரமே வதிவிடத்தை உறுதிப்படுத்த முடியும் என கிராம அலுவலர் அறிவித்தலுக்கு அமைய  குழந்தையுடன் சென்ற பெண் முற்றத்தை கூட்டிய பின் தனது வதிவிடத்தை உறுதிப்படுத்திச் சென்றுள்ளார்.

குறித்த சம்பவம் தொடர்பில் மேலும் தெரியவருவதாவது

கிளிநொச்சி திருநகர்  தெற்கு கிராமத்தில் வசித்து வரும் பெண் ஒருவர் தனது வதிவிடத்தை உறுதிப்படுத்துவதற்காக கிராம அலுவலரிடம் முச்சக்கர வண்டி ஒன்றை வாடகைக்கு பிடித்துக்கொணடு குழந்தையுடன் சென்றுள்ளார். 

கடமையில் இருந்த கிராம அலுவலா் குறித்த பெண்னிடம் தனது அலுவலக முற்றத்தை கூட்டுமாறும் அதன் பின்னரே வதிவிடத்தை உறுதிப்படுத்தி ஒப்பம் இடுவேன் என அதிகாரத்துடன் தெரிவித்துள்ளார்.

 

இதன் போது குறித்த பெண்  தனக்கு வீசிங் நோய் இருக்கிறது என பதிலளித்துள்ளார் அப்போது முற்றத்தை கூட்டினாள்தான் உறுதிப்படுத்துவேன் என கிராம அலுவலர் கண்டிப்பாக தெரிவிக்க வேறு வழியின்றி குழந்தையையும், வாடகைக்கு பிடித்துச்சென்ற முச்சக்கர வண்டியையும் காத்திருக்க வைத்து விட்டு முற்றத்தை கூட்டிய பின்னர்   கிராம அலுவலரிடம்  கூட்டிவிட்டதாக தெரிவித்து தனது வதிவிடத்தை உறுதிப்படுத்தி சென்றுள்ளார் 

குறித்த சம்பவம் மக்களிடையே கடும் விசனத்தை ஏற்படுத்தியுள்ளது. கிராம அலுவலர் தான் ஒரு பெண்ணாக இருந்துகொண்டு குழந்தையுடன் வதிவிடத்தை உறுதிப்படுத்த வந்த பெண்ணை இவ்வாறு நடத்தியது விமர்சனத்திற்குள்ளாகியுள்ளது. இது தொடர்பில்  பாதிக்கப்பட்ட பெண் கரைச்சி பிரதேச செயலாளரிடம் எழுத்து மூலம் முறைப்பாடு ஒன்றை வழங்கியுள்ளார்.

 

பாதிக்கப்பட்ட பெண்ணின் எழுத்து மூலமான  முறைப்பாடு கிடைத்துள்ளதனை கரைச்சி பிரதேச  செயலாளரும் உறுத்திப்படுத்தினார்.

http://www.virakesari.lk/article/38903

சில அரச அதிகாரிகள் தமிழ் மக்களுக்கு மிகப்பெரிய சாபமாகவே விளங்குகின்றனர். இப்படிப் பட்டவர்களால் தான் மக்கள் இராணுவ நிர்வாகத்தினை ஆதரிக்கும் நிலைக்குத் தள்ளப் படுகின்றனர். சமூக மற்றும் அதிகார துஸ்பிரயோகம் செய்பவர்களுக்கெதிராக வழக்குத் தொடர்ந்து தண்டனை பெற்றுக் கொடுப்பதற்கு சமூக அமைப்புக்கள் முன்வரவேண்டும்.

இப்படிப் பட்டவர்கள் எம்மிடையே....எப்போதும் வாழ்ந்து கொண்டே இருந்திருக்கின்றார்கள்!

எனக்குத் தெரிந்த கதை ஒன்று....!

மலையகத்தில்...எம்மவர் ஒருவர்...பிறப்பு இறப்புப் பதிவாலராகக் கடமையாற்றிக் கொண்டிருந்தார்!

அப்போது தோட்டத்தில் வேலை செய்யும் குடியானவன் தனக்குப் பிறந்த பெண் குழந்தையின் பெயரைப் பதிவு செய்ய அவரிடம் சென்றான்!

என்ன பேர் வைக்க நினைக்கிறாய்...முனியாண்டி?

ஐயா....பிள்ளை ....வடிவாய்....அம்சமாய்ப் பிறந்திருக்குது! எனக்கு இது முதலாவது பிள்ளை!

ஆசையாய்....மகாலட்சுமி என்று வைக்க யோசிச்சு இருக்கிறம்!

நம்மாளுக்குப் பொறுக்கவில்லை!

சரி என்று அவனிடம் சொல்லி விட்டு....சான்றிதழில் 'முனியம்மா' என்று பதிந்து விட்டார்!

எழுத வாசிக்கத் தெரியாத முனியாண்டி குடும்பமும்.....பிறப்புச் சான்றிதழைப் பத்திரமாகப் பெட்டிக்குள் பூட்டி வைத்து விட்டு...பிள்ளையை...ஆசையுடன் மகாலட்சுமி...என்றே அழைத்து வளர்த்தனர்!

மகாலட்சுமியைப் பள்ளிக்கூடத்தில் சேர்க்கும் வரைக்கும்....இந்தப் பெயர் மாற்றம் .....முனியாண்டி குடும்பத்துக்குத் தெரியவேயில்லை!