குழந்தையின் இறப்பால் வைத்தியர்களை தாக்கிய தந்தை ;மன்னாரில் சம்பவம்

 

குழந்தையின் இறப்பை சகிக்க முடியாமல் குழந்தையின் தந்தை வைத்தியரை தாக்கிய சம்பவம் மன்னாரில் பரபரப்பை ஏற்படுத்தியுள்ளது.

 

 

குறித்த நபரின் மனைவியான 33 வயதுடைய லசிக்கா என்பரே இன்று அதிகாலை ஆண் குழந்தையை பெற்றேடுத்துள்ளார்.

இவ்வாறு பெற்றக்குழந்தை இன்று காலை இறந்துள்ளதாக வைத்தியர்கள் தெரிவித்ததை அடுத்து குழந்தையின் தந்தையான முகமட்  றிவ்லான்  வைத்தியர் மற்றும் பாதுகாப்பு உத்தியோகத்தர்களை தாக்கியுள்ளார்.

மேலும் சம்பவத்தில் காயமடைந்த வைத்தியர்,வைத்திய உத்தியோகத்தர்கள்  சிகிச்சை பெற்று வருவதாக வைத்திய வட்டாரம் தெரிவித்துள்ளது.

எனினும் வைத்தியர் மற்றும் பாதுகாப்பு உத்தியோத்தர்களை தாக்கிய சம்வம் தொடர்பில் மன்னார் பொலிஸாரால் குறித்த நபர் கைது செய்யப்பட்டு  மன்னார் நீதாவன் முன்னிலையில் ஆஜர் படுத்தப்பட்டதாக தெரிவித்துள்ளனர்.

இவ்வாறு இறந்த குழந்தையின் தாயின் உடல் நிலை சரியில்லாத காரணத்தால் குழந்தையின் உடல், தாயின் (சிறிய தாய்) மூலமாக நீதவான் முன்னிலையில் அடையாளம் காட்டப்பட்டமை குறிப்பிடத்தக்கது.

http://www.virakesari.lk/article/39897

தென்மாகாண வைத்தியர்கள் மன்னாரில் பணியாற்ற அச்சம்: சுகாதார அமைச்சர்

 

வைத்தியர்கள் மீதான தாக்குதல்கள் மற்றும் அச்சுறுத்தல்கள் காரணமாக தென் உள்ளிட்ட பிற மாகாணங்களின் வைத்தியர்கள் இங்கு வருவதற்கு அஞ்சுவதாக, வடமாகாண சுகாதார அமைச்சர் ஜீ.குணசீலன் தெரிவித்தார்.

மன்னார் மாவட்ட பொது வைத்தியசாலையின் பிரசவ விடுதியில் கடமையில் இருந்த வைத்திய அதிகாரியும், பாதுகாப்பு உத்தியோகத்தர் ஒருவரும் நேற்று தாக்கப்பட்டனர்.

இது தொடர்பாக மன்னார் பொது வைத்தியசாலை வைத்தியர்களுடன் கலந்துரையாடிய மாகாண சுகாதார அமைச்சர், அதன் பின்னர் ஊடகங்களுக்கு கருத்து தெரிவிக்கையிலேயே இவ்வாறு குறிப்பிட்டார்.

அங்கு தொடர்ந்து தெரிவித்த அவர், ”காரணம் எதுவாக இருப்பினும் கடமையிலுள்ள வைத்தியர் அல்லது பாதுகாப்பு உத்தியோகத்தர் மீது தாக்குதல் நடத்துவது என்பது கண்டிக்கப்பட வேண்டிய விடயம். இவ்வாறான நடவடிக்கைகளில் ஈடுபட்டவர்களுக்கு உரிய தண்டனை வழங்கப்பட வேண்டும்.

நோயாளர்களை பார்வையிட வருகின்ற பார்வையாளர்களின் எண்ணிக்கை அதிகளவில் காணப்படுவதும் இவ்வாறான பிரச்சினைகளுக்கு காரணமாக உள்ளது. எனவே, பார்வையாளர்களின் எண்ணிக்கையை மட்டுப்படுத்த நடவடிக்கைகள் மேற்கொள்ளப்பட்டுள்ளது.

வைத்தியசாலைக்கு பொலிஸ் பாதுகாப்பையும், அதிகளவான பாதுகாப்பு உத்தியோகஸ்தர்களையும் அதிகரிக்குமாறு கோரிக்கை விடுக்கப்பட்டுள்ளது. ஆனால் வைத்தியசாலையில் பொலிஸ் பாதுகாப்பை அதிகரிப்பது வைத்தியசாலையின் பெயருக்கு கலங்கம் ஏற்படுத்தும்” எனத் தெரிவித்தார்.

http://athavannews.com/தென்மாகாண-வைத்தியர்கள்-ம/

வைத்தியர்கள் மீதான நம்பிக்கை மக்களிடையே பரவலாக குறைந்து வருவதை அண்மைய சம்பவங்கள் பல எடுத்துக் காட்டுகின்றன.

கசாப்புக்கடை வியாபாரிகள் மனநிலையில் வைத்தியர்கள் இருப்பதுவும் அரசியல் மாபியாக்களின் கைக்கூலிகளாக வைத்தியர்களின் சங்கங்கள் இயங்குவதும் நம்பிக்கை குறைவதற்கான காரணங்களில் ஒன்றாகும்.

8 hours ago, போல் said:

வைத்தியர்கள் மீதான நம்பிக்கை மக்களிடையே பரவலாக குறைந்து வருவதை அண்மைய சம்பவங்கள் பல எடுத்துக் காட்டுகின்றன.

கசாப்புக்கடை வியாபாரிகள் மனநிலையில் வைத்தியர்கள் இருப்பதுவும் அரசியல் மாபியாக்களின் கைக்கூலிகளாக வைத்தியர்களின் சங்கங்கள் இயங்குவதும் நம்பிக்கை குறைவதற்கான காரணங்களில் ஒன்றாகும்.

தீர்வு என்ன?

18 hours ago, Jude said:

தீர்வு என்ன?

நாட்டை விட்டு ஓடிச்சென்ற எட்டப்பர்கள் வழியில் இவர்கள் ஓடிச் செல்வதுவும் ஒரு தீர்வு!