திருக்கேதீஸ்வரம் கோயில் வழமைக்கு திரும்பியுள்ளதாக எமது பிராந்திய செய்தியாளர் தெரிவித்தார்.

இந்துக்களால் மஹா சிவராத்திரி விரதம் இன்று (திங்கட்கிழமை) அனுஷ்டிக்கப்பட்டு வருகின்றது.

இந்நிலையில் சிவராத்திரியை முன்னிட்டு திருக்கேதீஸ்வர ஆலய வீதியில் அமைக்கப்பட்ட வளைவு மத வன்முறையாளர்களால், நேற்று உடைத்து நொறுக்கப்பட்ட சம்பவம் பெரும் பரபரப்பை ஏற்படுத்தியிருந்தது.

இந்த  தாராறு மக்கள் மத்தில் அச்சத்தையும் குழப்ப நிலையையும் தோற்றுவித்திருந்தன.

எனினும் தற்போது கோயில் மற்றும் அதனை அண்மித்த பகுதியில் சுமூகமான நிலை காணப்படுவதாக எமது பிராந்திய செய்தியாளர் தெரிவித்தார்.

மேலும் சிவராத்திரி விரதத்தை முன்னிட்டு திருக்கேதீஸ்வரம் கோயிலில் இன்று இரவு விசேட வழிபாடுகள் இடம்பெறவுள்ளதோடு, நிகழ்ச்சிகளும் இடம்பெறவுள்ளதாகவும் அவர் மேலும் தெரிவித்தார்.

http://athavannews.com/வழமைக்கு-திரும்பியது-திர/

--------------------

திருக்கேதீஸ்வர வளைவு விவகாரம் – நீதிமன்ற தீர்ப்பு வெளியானது

திருக்கேதீஸ்வரம் கோயில் வீதி வளைவை, தற்காலிகமாக 4 நாட்களுக்கு பொருத்துமாறு மன்னார் நீதவான் உத்தரவிட்டுள்ளதாக, அமைச்சர் மனோ கணேசன் தெரிவித்துள்ளார்.

மஹா சிவராத்திரி விரத தினத்தை முன்னிட்டு திருக்கேதீஸ்வர ஆலய வீதியில் அமைக்கப்பட்ட வளைவு சகோதர மதத்தைச் சேர்ந்த சிலரினால் உடைத்து நொறுக்கப்பட்ட சம்பவம் பெரும் பரபரப்பை ஏற்படுத்தியிருந்தது.

இந்த விடயம் தொடர்பாக இன்று (திங்கட்கிழமை) ஆதவன் செய்தி சேவைக்கு கருத்து தெரிவிக்கும்போதே அவர் இதனை தெரிவித்துள்ளார்.

இதன்போது மேலும் தெரிவித்த அவர், சிவராத்திரி உற்சவம் நடைபெற வேண்டிய அவசரம் கருதி, இன்றைய தினம் விடுமுறை என்பதால் நாளை வரை காத்திருக்காமல், இவ்வழக்கை நீதவானின் இல்லத்துக்குக் கொண்டு செல்லுமாறு, மன்னார் பிரதி பொலிஸ் மா அதிபருக்கு இன்று காலை தான் அறிவுறுத்தியதாக தெரிவித்தார்.

அதன் அடிப்படையிலேயே, குறித்த வழக்கு இன்று விசாரணைக்கு எடுத்துக்கொள்ளப்பட்டபோது, இவ்வாறு தீர்ப்பு வழங்கப்பட்டுள்ளதாகவும் அவர் மேலும் கூறினார்.

இதேவேளை இந்த வன்முறை சம்பவத்தில் ஈடுபட்டவர்கள் தொடர்பாக பொலிஸார் அறிக்கை சமர்ப்பித்துள்ளதோடு, சம்பவம் தொடர்பான காணொளியும் வெளியாகியுள்ளது.

அதன் அடிப்படையில் சம்பந்தப்பட்டவர்களை கைது செய்து விசாரணைகளை முன்னெடுக்குமாறும் நீதவான் உத்தரவிட்டதாகவும் அமைச்சர் மனோ கணேசன் ஆதவன் செய்தி சேவைக்கு தெரிவித்தார்.

 

http://athavannews.com/திருக்கேதீஸ்வரம்-கோயில-2/

Edited March 4, 20196 yr by Jude

 

 உலக சைவ மக்களின் புனித திருத்தலங்களில் திருக்கேதீஸ்வரமும் ஒன்று.மும்மூர்த்திகளின் பாடல் பெற்ற திருத்தலம் இது. தமிழர்களின் வரலாறுகளுடன் தொடர்புபட்ட திருத்தலம் இது.