திருகோணமலையிலிருந்து நிலாவெளி நோக்கி நீளும் கடற்கரையில், சாம்பல்தீவுக்குப் பக்கத்தில் அமைந்ததுதான் சல்லி. இதன் கடற்கரையில் அழகான ஒரு அம்மன் கோவில். இந்தக்கோவிலால் அந்த இடத்திற்கு சல்லி எனப்பெயர்வந்ததா? அல்லது அந்த இடத்தில் அமைந்ததால் சல்லி அம்மன் என கோவில் பெயர்பெற்றதா என்ற வரலாற்றுக குறிப்புக்கள் எதுவும் தெரியவில்லை. தெரிந்துகொள்ளும் ஆர்வமில்லாத வயதில் சல்லிஅம்மன்கோவில் எனக்கு அறிமுகமானது, இந்தத் தெரியாமைக்கு ஒரு காரணமாகவிருக்கலாம்.

வைகாசிமாதத்தில் வரும் பெளர்ணமியிலோ அல்லது அதை அண்டியோ சல்லி அம்மன் கோவில் பொங்கல் வரும். பொங்கலுக்குப் பத்து நாட்களுக்கு முன்னரே சல்லிக்கிராம கடற்றொழிலாளர்கள், தங்கள் தொழிற்படகுகளை கரையேற்றி விடுவார்கள். அந்த பத்து நாட்களும் அவர்கள் கடலுக்குச் செல்வதில்லை. அம்மன் கோவில் பூசை வழிபாடுகளோடு ஒன்றித்து விடுவார்கள். கடைசி மூன்றுநாளும் விசேடமென்றாலும், பத்தாம் நாள் பொங்கல்தான் பிரசித்தம்.

திருகோணமலை மத்திய பேருந்து நிலையத்திலிருந்து ஒவ்வொரு பதினைந்து நிமிடத்துக்கு ஒரு பேருந்து சல்லிஅம்மன்கோயிலுக்கு மக்களை அள்ளிச் செல்லும். அன்று மதியத்திலிருந்தே தொடங்கிய இந்த அள்ளல் அழைப்பு, நள்ளிரவு தாண்டியும் தொடரும். சல்லிக்கிராமத்தின் நுழைவிலேயே பேரூந்துகள் மறிக்கப்பட்டுவிடும். அங்கிருந்து கோவிலுக்குச் செல்லும் வழியெங்கும் தற்காலிக மின்விளக்குகளும், ஒலிபெருக்கி இணைப்பும் செய்யப்பட்டிருக்கும். யாழ்ப்பாணம் ஈச்சமோட்டை “ றீகல் சவுண்ட்ஸ் “ தனது நூற்றுக்குமதிகமான ஒலிபெருக்கிகுழல்களை, உயர்ந்த தென்னை மரங்களில் கட்டி, அந்தப்பிரதேசமெங்கும் ஒலியால் அதிரவைக்கும். அதன் குழல்களில் உள்ள இலக்கங்களை வைத்து இம்முறை எத்தினை குழல்கள் கட்டியுள்ளார்கள் என்பதை அறிவதில் எமக்கு ஒரு திருப்தி. கோவிலை நெருங்க நெருங்க திருவிழாக்கடைகள் பல இருக்கும். விளையாட்ப் பொருட்கள், அலங்காரப்பொருட்கள், ஆடைகள், கச்சான் கடலைக் கடைகள், குளிர்பாணக்கடைகள், என்பதுதான் வழமையான கடைகள். ஆனால் இங்கே வித்தியாமாக இன்னுமொரு கடையும் இருக்கும். அதுதான் புட்டுக்கடை. ஆம், தமிழகத்தில் பலாப்பழத்துக்கு, பண்டிருட்டி என்பது போல, திருகோணமலைப்பகுதியில் சாம்பல்தீவுப்பகுதி. மிகச்சுவையான பலாப்பழங்கள். இந்தப்பலாப்பழங்கள் காய்க்கும் காலமும் சல்லி அம்மன் கோவில் திருவிழாக்காலமும் ஏறக்குறைய ஒரே காலப்பகுதி என்பதால், சல்லி அம்மன் கோவில் திருவிழாக்கடைகளுள், பலாப்பழமும் புட்டும் சேர்த்து விற்பனைசெய்யும் கடைகளும் இருக்கும். ஓலைப்பெட்டிகளில்,இலேசான சூட்டில் உலிர்ந்த புட்டும் பலாப்பழமும், தருவார்கள். அந்த ஓலைப்பெட்டியிலிருந்தும், பலாப்பழத்திலிருந்தும், வரும் வாசனைகளின் கலவையில் புட்டுத் தனிச்சுவை தரும். சல்லிக்குப் போய் புட்டுச்சாப்பிடாமல் வந்தால், திருப்பதி போய் லட்டுச் சாப்பிடாமல் வந்தது போலாகிவிடும்.

கோயிலுக்குப் போனா கும்பிட வேணும், இதென்ன புட்டுச் சாப்பிட்டுக்கொண்டு.. என்டு ஆர் புறுபுறுக்கிறது. கொஞ்சம் பொறுங்கோவன்...அப்பிடியே பராக்குப் பார்த்துக் கொண்டு நடந்தால் கோயில் வரும். கோயிலொன்டும் பெரிய கோயிலல்ல. அது ஒரு ஆகமவழிபாட்டுக் கோயிலுமல்ல. அந்தப்பிரதேசத்தில் வாழும் கடற்தொழிலாளர்களின் நம்பிக்கைத் தெய்வம் சல்லி அம்மன். அதீதமான நம்பிக்கையும், வைராக்கியமான பக்தியும் கொண்ட கடற்தொழிலாளர்கள், தினசரி தொழிலுக்குப் புறப்படும் போது கற்பூரம் ஏற்றிக் கும்பிட்டுவிட்டுச் செல்வார்கள். மறுநாள் காலை தொழில் முடித்துக் கடலால் வந்ததும், தாங்கள் பிடித்த மீன்களில் ஒரு பகுதியை அம்மனுக்குக் காணிக்ககையாக கோவில் முன் உள்ள தொட்டியில் இட்டுவிடுவார்களாம். அப்படிச் சேரும் மீன்களை விற்ற வருமானத்திலேயே சல்லி அம்மனின் நித்திய வாழ்வு. ஆனால் பொங்கலும், பொங்கலுக்கு முந்தைய நாட்களும், அப்பிரதேச மக்களுக்கு மிக முக்கிய தினங்கள். பொங்கல் தினத்தன்று திருகோணமலைச்சுற்றுவட்டாரம

எம்மை மீறி ஒரு சக்தி இருப்பது உண்மைதானே?

நானும் திருகோணமலையில் சிறுவயதில் வாழ்ந்துள்ளேன், ஆனால், இந்த கோயிலை தரிசனம் செய்ய சந்தர்ப்பம் கிடைக்கவில்லை...

நான் சல்லியம்மன் கோயிலுக்கு 1 தடவை சென்றிருகின்றேன் ஆனால் திருவிழா காலத்தில் அல்ல

அம்மன் கொஞ்சம் நித்திரயா போயிட்டா..சுனாமி வரும்பொழுது................

சுனாமிக்குப்பிறகு ஒரு தடவை நான் போனனான்..கோயிலுக்கு ஒரு சேதமும் இல்லை..

ஒரு கோயிலிலும் காணாத வித்தியாசமான கழுகு மரமொன்றை கோயில் வாசலில பார்த்தனான்

Edited April 20, 200718 yr by Kuddithambi

தகவலுக்கு நன்றி குளம்ஸ்

நான் இப்போதான் இந்த கோவில் பற்றி முதன் முதல் தெரிந்து கொண்டேன்

இப்படி ஒரு கோயில் இருக்குது என்று நீங்கள் சொல்லி தான் தெறியும் அண்ணா,தகவலுக்கு நன்றிகள்.

2004 ஆம் ஆண்டில் தான் நான் முதல் முதல் திருக்கோணமலை போகும் சந்தர்ப்பம் எனக்கு கிடைத்தது. நான் தங்கியிருந்ததும் உங்களால் குறிப்பட்ட சாம்பல்தீவில் தான். நான் ஒரு மோட்டு நம்பிக்கையுள்ளவன் அல்ல இருந்தாலும் சில விடயங்களை நிராகரித்து விடவும் முடியாது. அந்த ஆலயத்திற்க்கும் சென்றிருந்தேன் மிகவும் அமைதியான இடம், மீண்டும் பார்க்கவேண்டும் என்ற ஆர்வம் இயற்கையாகவே எல்லோருக்கும் தோன்றுமிடம். இந்த கடலலை என்ற விடயம் வடமராட்சியில் அமைந்திருக்கும் வல்லிபுர ஆழ்வார் ஆலயத்தின் சமுத்திர தீர்த்த விழாவின்போதும் இடம்பெறுவதும் வழமை. இதை அறிந்திராதவர்கள் இருக்கலாம் ஆனால் உண்மை. இதை அதிசயம் என்பதா? அல்லது இறைவனின் பக்த்தியின் வெளிப்பாடா ?என்பது எனக்குத்தெரியாது இருந்தாலும் எல்லோரும் அறியக்கூடியமுறையில் மிகவும் தெளிவாக இந்த ஆக்கத்தைப் பதிவு செய்த சகோதரன் பாராட்டுக்குரியவர்

Edited April 21, 200718 yr by Valvai Mainthan