பிரிட்டன் எண்ணெய் கப்பலை இடைமறிக்க முயற்சித்த இரான் - என்ன நடந்தது?

வளைகுடா நாடுகளின் கடற்பரப்பில் பிரிட்டன் எண்ணெய் கப்பலை தடுக்க இரானிய படகுகள் மேற்கொண்ட முயற்சி, ராயல் கடற்படை கப்பலால் முறியடிக்கப்பட்டது என்று பிரிட்டன் பாதுகாப்பு அமைச்சகம் தெரிவித்துள்ளது.

பிரிட்டிஷ் ஹெரிட்டேஜ் எண்ணெய் கப்பலை தொடர்ந்து சென்ற பிரிட்டனின் போர்க்கப்பலான ஹெச்எம்எஸ் மெண்ட்ரோஸ் மூன்று படகுகளுக்கும், எண்ணெய் கப்பலுக்கும் இடையில் பயணிக்க கட்டாயப்படுத்தப்பட்டது என்று செய்தி தொடர்பாளர் ஒருவர் தெரிவித்துள்ளார்.

இரானின் இந்த நடவடிக்கைகள் "சர்வதேச சட்டத்திற்கு முரணானது" என்று அவர் கூறியுள்ளார்.

தனது எண்ணெய் கப்பலை பிரிட்டன் தடுத்து வைத்திருப்பதற்கு பதிலடி வழங்கப்படும் என்று இரான் முன்னதாக மிரட்டல் விடுத்திருந்தது. ஆனால், அத்தகைய முயற்சி எதையும் எடுக்கவில்லை என்று இரான் தெரிவித்திருக்கிறது.

இரானின் இஸ்லாமிய புரட்சி பாதுகாப்புப் படையை சேர்ந்ததாக நம்பப்படும் படகுகள் வளைகுடாவுக்கு வெளியே ஹோர்முஸ் நீரிணைக்குள் நகர்ந்து கொண்டிருந்ததை, பிரிட்டிஷ் ஹெரிட்டேஜ் எண்ணெய் கப்பலை நெருங்கி, நிறுத்த முயற்சித்தன என்று தெரிவிக்கப்படுகிறது.

படகுகளை விலகி செல்ல ஆணையிடப்பட்ட வேளையில், ஹெச்எம்எஸ் மெண்ட்ரோஸ் கப்பலில் இருந்து தாக்குதல் நடத்துவதற்கு தயார் செய்யப்பட்டது என்று அமெரிக்க ஊடகங்கள் தகவல் வெளியிட்டுள்ளன.

எச்சரிக்கைக்கு செவிமடுத்ததால், தாக்குதல் எதுவும் நடத்தப்படவில்லை.

இரானின் படகுகள் நெருங்கி வந்தபோது, அபு முஸா தீவுக்கு அருகில், அபு முசா தீவின் அருகே பிரிட்டிஷ் ஹெரிட்டேஜ் எண்ணெய் கப்பல் பதிவு செய்யப்பட்ருந்ததாக பிபிசியிடம் தெரிவிக்கப்பட்டது.

இரானிய படகுகள் பிரிட்டிஷ் ஹெரிட்டேஜ் எண்ணெய் கப்பலுக்கு தெந்தரவு வழங்கியவுடன், அதனை சற்று தள்ளி தொடர்ந்து வந்து கொண்டிருந்த ஹெச்எம்எஸ் மெண்ட்ரோஸ் உதவிக்கு விரைந்து வந்தது என்று பிபிசியின் பாதுகாப்பு செய்தியாளர் ஜோனதான் பிலே தெரிவித்தார்.

அபு முசா சர்ச்சைக்குரிய கடற்பரப்பில் இருந்தாலும், ஹெச்எம்எஸ் மெண்டரோஸ் சர்வதேச கடற்பரப்பில் இருந்துள்ளது குறிப்பிடத்தக்கது.

"ஹோர்முஸ் நீரிணை மூலம் வந்த வணிகக்கப்பலான பிரிட்டிஷ் ஹெரிட்டேஜ் எண்ணெய் கப்பலை தடுக்க இரானின் மூன்று படகுகள் சர்வதேச சட்டத்திற்கு புறம்பாக முயற்சித்துள்ளன" என்று பிரிட்டன் அரசின் செய்தி தொடர்பாளர் தெரிவித்துள்ளார்.

"இந்த நடவடிக்கையால் கவலையடைந்துள்ளோம். இந்த பிரதேசத்தில் பதட்ட நிலைமையை தணிக்க இரானிய அதிகாரிகளிடம் வலியுறுத்துவதை தொடர்ந்து வருகிறோம்" என்றும் அவர் கூறினார்.

ஹெச்எம்எஸ் மெண்ட்ரோஸ் படையணிக்கு நன்றி தெரிவித்துள்ள சர்வதேச வர்த்தக செயலாளர் லியாம் ஃபாக்ஸ், "இத்தகைய படைப்பிரிவுகள் அனைத்தும் எல்லா வசதிகளையும் போதுமான அளவுக்கு பெற்றிருப்பதை உறுதி செய்வது நமது கடமை" என்று கூறியுள்ளார்.

இரான் சொல்வது என்ன?

"பிரிட்டிஷ் ஹெரிட்டேஜ் எண்ணெய் கப்பலை தடுக்க முயற்சித்ததாக கூறப்படும் அமெரிக்க தகவலை ஐஆர்ஜிசி (இரானின் இஸ்லாமிய புரட்சி பாதுகாப்புப் படை) மறுக்கிறது" என்று அந்நாட்டு கடற்படையின் பொது தொடர்பு அதிகாரியை மேற்கோள்காட்டி ஃபார்ஸ் செய்தி நிறுவனம் ட்விட்டர் பதிவில் இரானின் வெளியுறவு அமைச்சர் மொஹமத் ஜாவத் சாரிஃப் தெரிவித்துள்ளர்.

"பிரிட்டன் கப்பல் உள்பட எந்தவொரு வெளிநாட்டு கப்பல்களோடும் கடந்த 24 மணிநேரத்திற்குள் மோதல்கள் எதுவும் இல்லை" என்று ஐஆர்ஜிசி மேலும் தெரிவித்துள்ளதாக ஏஃப்பி செய்தி நிறுவனம் வெளியிட்டுள்ளது.

பதற்றத்தை உருவாக்கவே பிரிட்டன் இவ்வாறு தெரிவித்துள்ளதாக இரானின் வெளியுறவு அமைச்சர் முகமது ஜவாத் ஸாரிஃப் குற்றஞ்சாட்டியுள்ளார்.

"இத்தகைய தகவலுக்கு எந்த மதிப்பும் இல்லை" என்றும் சாரிஃப் கூறியதாக ஃபார்ஸ் செய்தி நிறுவனம் வெளியிட்டுள்ளது.

https://www.bbc.com/tamil/global-48951754

 

 

பாது­காப்பை உறு­திப்­ப­டுத்த சர்­வ­தேச இரா­ணுவ கூட்­ட­மைப்பை ஸ்தாபிக்க அமெ­ரிக்கா திட்டம்

வளை­குடா கடல் பரப்­பி­னூ­டான சுதந்­தி­ர­மான கப்பல் பய­ணங்­களை உறுதி  செய்­வ­தற்கு ஈரான்  மற்றும் யேம­னிய கடற்­க­ரை­க­ளுக்கு அப்­பா­லுள்ள  கடல் பிராந்­தி­யத்தைப் பாது­காப்­ப­தற்கு  சர்வதேச இரா­ணுவக் கூட்­ட­மைப்­பொன்றை  உரு­வாக்க அமெரிக்கா விரும்­பு­வ­தாக அமெ­ரிக்க சிரேஷ்ட கடற்­படை ஜெனரல்  ஒருவர் தெரி­வித்தார்.

முக்­கிய வர்த்­தகப் பாதை­களை உள்­ள­டக்­கிய அந்தப் பிராந்­தி­யத்­தி­லான சுதந்­தி­ர­மான கடற்­ப­ய­ணத்தை உறு­திப்­ப­டுத்தத் தாம் விரும்­பு­வ­தாக கடற்­படை ஜென­ர­லான ஜோசப் டன்போர்ட் தெரி­வித்தார்.

கடந்த மாதம் அந்தப் பிராந்­தி­யத்தில்  எண்ணெய் தாங்கிக் கப்­பல்கள் மீது நடத்­தப்­பட்ட தாக்­கு­தல்­க­ளுக்கு ஈரா­னிய ஆத­ர­வுடன் செயற்­படும் கிளர்ச்­சி­யா­ளர்­களே கார ணம் என அமெ­ரிக்கா குற்­றஞ்­சாட்­டி­யி­ருந்­ தது.

இந்­நி­லையில் வளை­குடா கடல் பரப்­பி­லான பாது­காப்பை உறு­திப்­ப­டுத்தும் இந்த செயற்­பாட்டை முன்­னெ­டுக்க ஒரு தொகை நாடு­க­ளுடன் அமெ­ரிக்கா பேச்­சு­வார்த்தை நடத்­தி­யுள்­ள­தாக ஜெனரல் ஜோசப் டன் போர்ட் தெரி­வித்தார்.

அமெ­ரிக்கா அந்தப் பிாந்­தி­யத்தில் பய­ணிக்கும் கப்­பல்­க­ளுக்கு கட்­டளை மற்றும் கட்­டுப்­பாட்டை வழங்­க­வுள்­ள­தாக தெரி­வித்த அவர், ஏனைய நாடுகள் அந்தக் கப்­பல்­க­ளுக்கு பாது­காப்பை வழங்க அவற்­றுக்­கி­டையில் தமது பட­கு­களை ரோந்து நட­வ­டிக்­கையில் ஈடு­ப­டுத்­துவ­தற்கு எதிர் பார்க்­கப்­ப­டு­வ­தாக கூறினார்.

அமெ­ரிக்கா இந்­ந­ட­வ­டிக்­கைக்­கான ஆத­ரவைப் பெற்­றுக்­கொள்­வ­தற்­காக ஒவ்வொரு நாடும் கொண்­டுள்ள குறிப்பிட்ட திறன் ­களை அடை­யாளம் காண்ப­தற்­காக இரா­ணு­வத்­தி­ன­ருடன் நேர­டி­யாக இணைந்து பணியாற்றவுள்ளதாக  அவர் மேலும் தெரி வித்தார். வளைகுடா மற்றும் செங்கடலை சென்றடைவதற்கான பாதையாகவுள்ள ஹொர்மஸ் நீரிணை மற்றும் பாப் அல் மன்டாப் நீரிணை என்பன முக்கிய தந்தி ரோபாய கடல் பிராந்தியங்களாக விளங்கு கின்றன.

குறைந்தளவானவர்களின் பங்களிப்புடன்  சிறிய நடவடிக்கையொன்றையே மேற் கொள்ள முடியும் என்பதால் தம்மை அடை யாளப்படுத்தும் வகையில் இந்நடவடிக்கை யில் பங்கேற்க விருப்பம் கொண்டுள்ள  ஒரு தொகை நாடுகளை உள்ளடக்கி  இந்த செயற்கிரமத்தை விரிவாக்கம் செய்ய எதிர் பார்த்துள்ளதாக அவர் கூறினார். பாப் அல் மன்டாப் நீரிணையூடாக ஒவ்வொரு நாளும் சுமார் 4 மில்லியன் பீப்பாய்கள் எண்ணெய் ஏனைய நாடுகளுக்கு எடுத்துச் செல்லப்படுகின்றமை குறிப்பிடத்தக்கது.

https://www.virakesari.lk/article/60250