அமெரிக்கால போயி வெற்றிக் கொடி நாட்டப் போறாரு நம்ம ஆளு !! எடப்பாடியைக் கொண்டாடிய ராஜேந்தி பாலாஜி !!

முதலமைச்சர் எடப்பாடி பழனிசாமி வரும் 28 ஆம் தேதி அமெரிக்கா , இங்கிலாந்து உள்ளிட்ட நாடுகளுக்கு 10 நாட்கள் சுற்றுப் பயணம் மேற்கொள்கிறார். தமிழகத்துக்கு முதலீடுகளை ஈர்ப்பதற்காக அவர் வெளிநாட்டுப் பயணம் மேற்கொள்கிறார்.

அதே நேரத்தில் தமிழகத்தில் ஏற்கனவே உலக மூதலீட்டாளர்கள் மாநாடு நடைபெற்றதே. அதில் முதலீடுகள் ஈர்க்கப்படவில்லையா என திமுக உள்ளிட்ட எதிர்கட்சிகள் கேள்வி எழுப்பி வருகின்றன.

இதனிடையே வெளிநாடு செல்லும் முதலமைச்சர் எடப்பாடி பழனிசாமி தனது பொறுப்புகளை, துணை முதலமைச்சர் ஓபிஎஸ்சிடம் கொடுக்காமல் அமைச்சர் தங்கமணியிடம் கொடுத்துச் செல்லப் போவதாக தகவ்லகள் வெளியாகியுள்ளன.

இது குறித்து செய்தியாளர்களிடம் பேசிய  அமைச்சர் ராஜேந்தி பாலாஜி , முதலீடுகளை ஈர்க்கச் செல்லும் முதல்வரின் வெற்றிக்கொடி அமெரிக்காவில் நாட்டப்படும் என தெரிவித்தார். . தேசிய பார்வையில் பாஜக எடுக்கும் முடிவுகள் அனைத்தும் அதிமுகவை கவர்ந்துள்ளன என தெரிவித்த ராஜேந்திர பாலாஜி . நல்லவர்கள் யார் ஆதரவு கொடுத்தாலும் அதிமுக அதை ஏற்றுக்கொள்ளும். என தெரிவித்தார்.

எந்த முதலமைச்சரும் படைக்காத சாதனையை முதலமைச்சர் படைத்து வருகிறார், அவர் மீது உள்ள ஆதங்கத்தில் முதல்வரின் அமெரிக்க பயணத்தை ஸ்டாலின் குறை கூறுகிறார் என அமைச்சர் ராஜேந்திர பாலாஜி தெரிவித்தார்..

https://tamil.asianetnews.com/politics/rajendra-balaji-talk-about-cm-pwe1kp

டிஸ்கி:

மாமா.. மாமா.. அமெரிக்காவுல நான் பொருள் காட்சிய சுத்தி பாக்கும் போது காணாம போனா கண்டு பிடுச்சுடுவாங்க இல்ல..?

மைக்குல சொல்லுவங்க மாப்பிள.. பின்ன அவிங்க நாடு கெட்டு போயிடாது..?

Edited August 17, 20196 yr by புரட்சிகர தமிழ்தேசியன்

`ஆந்திராவை எப்படி மாற்றப் போகிறேன் தெரியுமா?!’ - அமெரிக்காவில் மனம் திறந்த ஜெகன்

எந்த ஒரு ஏழைத் தாயும் தன் மகனைப் பள்ளிக்கு அனுப்ப முடியாத நிலையில் தவிக்கக் கூடாது. மதுவால் எந்தவொரு குடும்பமும் பாதிக்கப்படாத ஆந்திராவைக் கட்டமைக்க வேண்டும் என்பதையே நான் விரும்புகிறேன்.

ஆந்திரா மாநில முதல்வர் ஜெகன்மோகன் ரெட்டி அமெரிக்காவுக்குச் சுற்றுப்பயணம் மேற்கொண்டுள்ளார். கடந்த 3 நாள்களாக அங்கிருக்கும் அவர், பல்வேறு நிகழ்ச்சிகளில் கலந்துகொண்டு உரையாற்றியிருக்கிறார். அந்தவகையில் அமெரிக்காவில் வசிக்கும் தெலுங்கு மக்கள் ஏற்பாடு செய்த கூட்டத்தில் பேசினார்.

அப்போது பேசிய அவர், ``தற்கொலை செய்துகொள்ளாத விவசாயிகள் வாழும் மாநிலமாக ஆந்திராவை உருவாக்குவதே என் கனவு. மாநிலத்தில் உகந்த கட்டமைப்புடன் கூடிய சிறந்த பள்ளிகளை உருவாக்கி, அதில் மாணவர்கள் கல்வி கற்பதைக் காண வேண்டும். அனைத்துக் கிராமங்களும் பச்சைப் பசுமையுடன் மாற வேண்டும். பழையபடி மீண்டும் விவசாயத்தில் முழுக் கவனம் செலுத்தப்பட வேண்டும். பயிர்க்கடன் உள்ளிட்ட பிரச்னைகளால் எந்தவொரு விவசாயியும் உயிரிழக்கக் கூடாது என்பதுதான் என் கனவு. அனைத்துத் துறைகளிலும் சாதனையாளர்களாக மாணவர்களை உருவாக்கும்பொருட்டு, கிராமப்புறத்திலுள்ள பள்ளிகளில் சிறந்த கட்டமைப்பை உருவாக்க வேண்டும்.

ஆந்திராவில் உள்ள ஒவ்வொரு ஏழைக்கும், அரசு பொது மருத்துவமனைகளில் உலகத்தரம் வாய்ந்த மருத்துவம் கிடைக்க வேண்டும் என்பதுதான் என்னடைய விருப்பம். எந்த ஏழையும் தங்க இடமில்லாமல் அனாதையாக்கப்படக் கூடாது; எந்த ஒரு ஏழைத் தாயும் தன் மகனைப் பள்ளிக்கு அனுப்ப முடியாத நிலையில் தவிக்கக் கூடாது. மதுவால் எந்தவொரு குடும்பமும் பாதிக்கப்படாத ஆந்திராவைக் கட்டமைக்க வேண்டும் என்பதை நான் விரும்புகிறேன்.

மாநிலத்தில் ஆட்சியைக் கைப்பற்றிய பின்னர் வரலாற்று சிறப்பு வாய்ந்த 19 மசோதாக்களை நிறைவேற்றியுள்ளோம். நீதித்துறையிலும் வெளிப்படைத்தன்மையை கொண்டுவந்துள்ளோம். ஆந்திரா அரசு உங்களுடையது என்பதை மறந்துவிடாதீர்கள். தேர்தலில் நான் வெற்றிபெற நீங்கள் கொடுத்த ஆதரவை மறக்கமாட்டேன். தற்போது உங்களிடம் ஒரு கோரிக்கை வைக்கிறேன். மாநிலம் செழிக்க அரசுடன் கைகோக்க வேண்டும்; ஜிடிபியில் மட்டுமல்ல; மனித வளர்ச்சிக்கும்கூட” என்றார் உறுதியான குரலில்.

 

https://www.vikatan.com/government-and-politics/politics/jagan-mohan-plans-over-developing-andhra-pradesh