சூடுபிடிக்கும் ஜனாதிபதி தேர்தல் : ஸ்ரீலங்கா முஸ்லிம் காங்கிரஸ் சஜித்திற்கு ஆதரவு!

தற்போதுள்ள ஜனாதிபதி வேட்பாளர்களில் ஐக்கிய தேசிய முன்னணியின் ஜனதிபதி வேட்பாளரான சஜித் பிரேமதாஸவை ஆதரிக்க ஸ்ரீலங்கா முஸ்லிம் காங்கிரஸ் தீர்மானித்துள்ளதாக கிழக்கு மாகாண முன்னாள் முதலமைச்சர் செய்னுலாப்தீன் ஆலிம் நஸீர் அஹமட் தெரிவித்தார்.

ஜனாதிபதித் தேர்தலில் முஸ்லிம்கள் எந்த வேட்பாளருக்கு ஆதரவினை வழங்கவேண்டும் என்பது குறித்து ஸ்ரீலங்கா முஸ்லிம் காங்கிரஸின் நிலைப்பாட்டை தெளிவுப்படுதும், பிரதேச மட்ட கலந்துரையாடல் ஏறாவூரில் இன்று (திங்கட்கிழமை) இடம்பெற்றது.

இதில் கலந்துகொண்டு கருத்து தெரிவிக்கும்போதே அவர் இவ்வாறு தெரிவித்துள்ளார். இதன்போது தொடர்ந்து தெரிவித்த அவர், “அடுத்து வரப்போகின்ற ஜனாதிபதித் தெரிவுக்காக தற்போது போட்டியிடும் வேட்பாளர்களில் யார் சிறுபான்மையினருக்கு உதவக் கூடியவர் என்று பார்த்தால்  சஜித்தே முதலிடத்துக்கு வருவார்.

அதனடிப்படையிலேயே ஸ்ரீலங்கா முஸ்லிம் காங்கிரஸும் சஜித் சார்பான தீர்மானத்துக்கு வந்துள்ளது. இது சரியான நேரத்தில் மேற்கொள்ளப்பட்ட சாணக்கியமான முடிவு என்றே நானும் கருதுகின்றேன்.

உடன்படிக்கை செய்யாமல் ஆதரவு வழங்குவதா என்ற கேள்விகள் இருந்தாலும் சிறுபான்மையினரின் நலன் சார்ந்து சில ஒப்பந்தங்களைச் செய்தால் அந்த விடயம் சிங்கள மக்கள் மத்தியிலே திரிவுபடுத்தப்பட்டு பூதாகாரமாகப் பரவி அவரை சங்கடத்தில் மாட்டி விடும். ஆகையால் சாணக்கியமான அணுகுமுறைகள் மூலம் மக்களின் பிரச்சினைகளுக்குத் தீர்வு காண வேண்டும் என்ற எழுதப்படாத ஒப்பந்தத்தின் மூலம் நம்பிக்கை அடிப்படையில் சஜித்துக்கு ஆதரவளிக்கத் தீர்மானித்துள்ளோம்.

தமிழ்த்தேசியக் கூட்டமைப்பும் ஏதோவொரு அடிப்படையில் சஜித்திற்கு ஆதரவளிக்கும் தீர்மானத்துக்கு வரக் கூடும்.  அதற்கான பேச்சுவார்த்தைகள் தற்போது இடம்பெற்றுவருகின்றன.

தமிழ் மக்களின் நலன் சார்ந்த விடயங்களை வலியுறுத்தி இந்த விடயம் சம்பந்தமாக தமிழ்த் தேசியக கூட்டமைப்பு தற்போது பேச்சுவார்த்தையில் ஈடுபட்டுவருகின்றது” எனத் தெரிவித்தார்.

http://athavannews.com/சூடுபிடிக்கும்-ஜனாதிபத-3/

===கோத்தாவின்ர நிலைமை ===

3 hours ago, புரட்சிகர தமிழ்தேசியன் said:

===கோத்தாவின்ர நிலைமை ===

ஶ்ரீலங்கா முஸ்லிம் காங்கிரஸ் சஜித்துக்கு ஆதரவளிக்கும் என்பது முன்னரே தெரிந்த விடயம் தான்.

தேசிய காங்கிரஸ் கோத்தாவுக்கு ஆதரவு வழங்குவதாக அதன் தலைவர் அதாவுல்லா நேற்று கூறியிருந்தார்.

முஸ்லீம் மக்கள் யாருக்கு ஆதரவு? வென்றவருக்கு  🙂

அதேவேளை ஹிஸ்புல்லாவும் ஒரு கணிசமான முஸ்லீம் வாக்குகளை பெறுவார். 

பிழைக்க தெரிந்தவர்கள். நாளைய பொருளாதார பலம் கொண்ட இனம் ( ஏற்கனவே சில இடங்களில் அவர்கள் தான்) . 

38 minutes ago, ampanai said:

முஸ்லீம் மக்கள் யாருக்கு ஆதரவு? வென்றவருக்கு  🙂

அதேவேளை ஹிஸ்புல்லாவும் ஒரு கணிசமான முஸ்லீம் வாக்குகளை பெறுவார். 

பிழைக்க தெரிந்தவர்கள். நாளைய பொருளாதார பலம் கொண்ட இனம் ( ஏற்கனவே சில இடங்களில் அவர்கள் தான்) . 

எனக்கு தெரிந்தவரை,

முஸ்லிம்களில் பெரும்பாலானோர் சஜித்துக்கு ஆதரவு.

ஒரு பகுதியினர் கோத்தாவுக்கு ஆதரவு.

இன்னொரு பகுதியினர் சஜித்துக்கும் கோத்தாவுக்கும் வாக்களிக்காமல் அநுரவுக்கு வாக்களிக்க நினைத்துள்ளார்கள்.

ஹிஸ்புல்லா களமிறக்கப்படுவது சஜித்துக்கு செல்லவிருக்கும் வாக்குகளை பிரிப்பதற்கு.

ஹிஸ்புல்லா கோத்தாவின் ஆள் என்பது பலருக்கு தெரியும் என்பதால் ஜனாதிபதி வேட்பாளராக இவருக்கு எந்தளவில் மக்கள் ஆதரவு இருக்கும் என்பது கேள்விக்குறி. ஆனாலும் ஒரு சிறு பகுதி முஸ்லிம்களின் வாக்குகளை பிரிக்க முடியும்.