எம்.எச். 370 என்ற மலேசிய ஏயர்லைன்ஸ் விமானம் மாயமாகி இன்றுடன் ஆறு வருடங்கள் ஆகியுள்ளன.

இந் நிலையில் விமானத்தில் பயணித்த 239 நபர்களின் உறவினர்கள் காணாமல்போன விமானத்தை கண்டுபிடிப்பதற்கான முயற்சிகளை மீண்டும் ஆரம்பிக்குமாறு அதிகாரிகளிடம் கோரிக்கை விடுத்துள்ளனர்.

2014 ஆம் ஆண்டு மார்ச் 08 ஆம் திகதி மலேசியாவின் கோலாலம்பூரிலிருந்து பீஜிங்கிற்கு செல்லும் வழியில் எம்.எச். 370 என்ற மலேசிய விமானம் மயமாகி போனது.

இதன் பின்னர் சர்வதேச நாடுகளுடன் இணைந்து மலேசிய அரசாங்கம் விமானத்தை தேடும் நடவடிக்கைகளை முன்னெடுத்தருந்த நிலையில் எந்த தடையங்களும் கிடைக்காதமையினால் தேடல் நடவடிக்கையானது 2018 ஆம் ஆண்டில் நிறுத்தி வைக்கப்பட்டது.

தற்போது வரை குறித்த விமானத்தின் மாயமானது உலகின் மர்மங்களில் ஒன்றாகவே இருந்து வருகின்றது. இந் நிலையில் எம்.எச். 370 என்ற மலேசிய விமானம் மாயமாகி இன்றுடன் ஆறு வருடங்கள் ஆகியுள்ளது.

இந் நிலையில் விமானத்தில் சென்றோரின் உறவினர்கள் காணாமல்போன விமானத்தை தேடும் நடவடிக்கைகளை முன்னெடுக்குமாறு அதிகாரிகளிடம் கோரிக்கை விடுத்துள்ளனர். மலேசியா, சீனா மற்றும் அவுஸ்திரேலியா ஆகியவை தென்னிந்திய பெருங்கடலில் இரண்டு ஆண்டு, 132.90 மில்லியன் அமெரிக்க டொலர் செலவில் நீருக்கடியில் 2017 ஜனவரி வரை தேடுதல் பணிகளை முன்னெடுத்தது.

எனினும் இதன்போது விமானம் சம்பந்தமாக எந்த தடையமும் கண்டுபிடிக்கப்படவில்லை. அதன்பின்னர் 2018 ஆம் ஆண்டில் மலேசியா அமெரிக்க நிறுவனமான 'Ocean Infinity' என்ற நிறுவனத்திடம் ஒப்பந்தம் செய்து தேடல் பணிகளை முன்னெடுத்தது. இந்த தேடல் நடவடிக்கையானது 138 நாட்கள் இடம்பெற்ற நிலையில் அதுவும் தோல்வியடைந்து தேடல் பணிகளானது நிறுத்தி வைக்கப்பட்டமை குறிப்பிடத்தக்கது.

https://www.virakesari.lk/article/77329