கொரோனா வைரஸ் வுகானின் ஆய்வுகூடமொன்றிலிருந்தே வெளியானதா என்பதை உறுதி செய்வதற்கான நடவடிக்கைகளில் அமெரிக்கா இறங்கியுள்ளது என ஜனாதிபதி டொனால்ட் டிரம்ப் தெரிவித்துள்ளார்.

வுகானின் ஆய்வுகூடத்திலிருந்து வைரஸ் வெளியேறியது குறித்த செய்தியாளர்களின் கேள்விகளிற்கு பதில் அளிக்கையில் டொனால்ட் டிரம்ப் இதனை தெரிவித்துள்ளார்.

நான் இது குறித்து அறிந்துள்ளேன் என அவர் தெரிவித்துள்ளார்.

நிகழ்ந்துள்ள இந்த மோசமான சம்பவம் குறித்து நாங்கள் முழுமையாக ஆராய்கின்றோம் என டிரம்ப் தெரிவித்துள்ளார்.

சீன ஜனாதிபதியுடன் இது குறித்து பேச்சுவார்த்தைகளை மேற்கொண்டுள்ளீர்களா என செய்தியாளர்கள் கேள்வி எழுப்பிய வேளை குறிப்பிட்ட ஆய்வு கூடம் குறித்து நான் அவருடன் மேற்கொண்ட பேச்சுவார்த்தைகள் குறித்து நான் இங்கு கருத்துபரிமாற விரும்பவில்லை,இங்கு அது குறித்து பேசவிரும்பவில்லை அது பொருத்தமற்றது என டிரம்ப் தெரிவித்துள்ளார்.

கொரோன வைரஸ் எவ்வாறு பரவியது என்பது குறித்த  பல கதைகளின் மையமாக உள்ள வுகானின் ஆய்வுகூடம் குறித்து இரண்டு வருடங்களின் முன்னரே அமெரிக்க இராஜாங்க திணைக்களத்திற்கு பல எச்சரிக்கைகள் விடுக்கப்பட்டன என வோசிங்டன் போஸ்ட் தெரிவித்துள்ளது.

2018 ஜனவரியில் சீனாவிற்கான அமெரிக்க தூதரக அதிகாரிகள் வுகானின் வைரஸ் தொடர்பான நிறுவகத்தின் ஆய்வுகூடத்தின் பாதுகாப்பின்மை குறித்து எச்சரித்துள்ளனர் என வோசிங்டன் போஸ்ட் குறிப்பிட்டுள்ளது.

வெளவால்களில் இருந்து கொரோனா வைரஸ் குறித்த ஆபத்தான ஆராய்ச்சிகள் இடம்பெறுகின்றன என அமெரிக்க தூதரக அதிகாரிகள் எச்சரித்தனர் என வோசிங்டன் போஸ்ட் தெரிவித்துள்ளது.

அமெரிக்க தூதரகத்தின் முதலாவது எச்சரிக்கையில் வெளவால்களிற்கும் வைரசிற்கும் இடையிலான தொடர்பு குறித்த ஆராய்ச்சி குறித்தும், குறிப்பாக மனிதர்களிற்கு பரவக்கூடிய ஆபத்து குறித்தும், சார்ஸ் குறித்த புதிய வைரஸ் ஆபத்து குறித்தும் தெரிவிக்கப்பட்டுள்ளதாகவும் இது குறித்த ஆவணம் தனக்கு கிடைத்துள்ளதாகவும் வோசிங்டன் போஸ்ட் தெரிவித்துள்ளது.

https://www.virakesari.lk/article/80039

 

15 minutes ago, ampanai said:

சீன ஜனாதிபதியுடன் இது குறித்து பேச்சுவார்த்தைகளை மேற்கொண்டுள்ளீர்களா என செய்தியாளர்கள் கேள்வி எழுப்பிய வேளை குறிப்பிட்ட ஆய்வு கூடம் குறித்து நான் அவருடன் மேற்கொண்ட பேச்சுவார்த்தைகள் குறித்து நான் இங்கு கருத்துபரிமாற விரும்பவில்லை,இங்கு அது குறித்து பேசவிரும்பவில்லை அது பொருத்தமற்றது என டிரம்ப் தெரிவித்துள்ளார்.

கார்த்திகை மாதம் நடக்கவுள்ள சனாதிபதி தேர்தலில், தான் தோல்வி அடையும் சாத்தியங்கள் உள்ளன என கருத்துக்கணிப்புகள் காட்டினால், ஏதோ ஒரு யுத்தத்தை ட்ரம்ப் ஆரம்பிக்கும் சாத்தியங்கள் அதிகம் உண்டு. 

இந்த கோவிட 19 மூலம் அண்ணளவாக 20-25% அமெரிக்கர்கள் வேலை இழக்கும் நிலை. 

தேர்தல் என்பது பொருளாதார கணிப்பாகவே பல அமெரிக்கர்களும் பார்ப்பதுண்டு.