பாடிய ராகங்கள் ஓய்ந்திடுமோ-பா.உதயன் 

சங்கீத ஜாதி முல்லை 
உன்னை காணவில்லை 
கண்கள் வந்தும் 
உன்னைக் காணவில்லை 
 
சாவென்று உனக்கு 
எப்போதும் இல்லை 
உந்தன் திரு முகம் 
வந்து போகுதே 

ராகங்கள் இன்றி 
சங்கீதம் இல்லை 
நீ இல்லை என்றால் 
பாடல்கள் இல்லை 

பாடிய பாடல்கள் 
நின்றிடுமோ 
ஆடிய பாதங்கள் 
ஓய்ந்திடுமோ 

கங்கை நதி 
காற்றின் மொழி 
கண்ணன் தேரில் 
ஒலித்த சலங்கை ஒலி 

கனவிலும் உந்தன் கானமே 
கவியிலும் உந்தன் கீதமே 
இசை எனும் மழை வரும் 
இனியும் உன் குரல் எழும் 

விழிகள் அழுதபடி 
கரங்கள் தொழுதபடி 
இனி ஒரு குயில் வரும் 
இசை எனும் பூ எழும்.

அன்பர்களே, கோவிட் 19 என்ற பெரும் கொள்ளை நோயினால் இன்று உலகமே ஒரு வேதனை நிறைந்த பூமியாகியிருக்கிறது.பல்லாயிரம் மனிதர்கள் இதற்குள் அகப்பட்டு மடிந்து  போனார்கள். இந்த நிலையிலே அற்புதமான ஓர் அழகிய தமிழ் பாடகர் எஸ்.பி.பாலசுப்பிரமணியம் இந்த நோய்க் கொடுமைக்கு உள்ளாகி இருக்கிறார்.அவர் திரும்பி வர பிராத்திக்கும் இந்த வேளையிலே அவர் பாடிய ஒரு பாடலை இணைத்துள்ளேன்.அந்த இசையும் தமிழையும் கேட்டுப் பாருங்கள் தமிழின் அழகும் எஸ். பி .யின் குரலின் இசையும் எத்தனை அழகு என்று. அந்த சங்கீத முல்லை திரும்பி வர பிராத்திப்போம் அத்தோடு இந்த நோயினால் பாதிக்கப் பட்ட அனைத்து மனிதர்களுக்குமாக பிராத்திப்போம்.உலகம் அமைதி பெறட்டும் மனிதம் விடுதலையாகட்டும்.

பா.உதயன் ✍️

 

 

 

 

 

 

 

உண்மை தான் தமிழ் பேசும் நல்லுலகம் இவரை இந்த நிலையில் இழக்க
தயாரில்லை . உள்ளங்களை இசையால் வசமாக்கிய மனிதர் . இசைக்கென பிறந்த ஒரு மனிதர்

10 hours ago, நிலாமதி said:

உண்மை தான் தமிழ் பேசும் நல்லுலகம் இவரை இந்த நிலையில் இழக்க
தயாரில்லை . உள்ளங்களை இசையால் வசமாக்கிய மனிதர் . இசைக்கென பிறந்த ஒரு மனிதர்

நன்றி அக்கா,அற்புதமான பாடகர் திரும்பி வருவார்.

எத்தனை பேரின் உள்ளங்களை கொள்ளை கொண்டவர் குரலால், அவரை இந்த கொரோணாவினால் இழக்கமாட்டோம், விரைவில் நலமுடன் வருவார்🙏

6 hours ago, உடையார் said:

எத்தனை பேரின் உள்ளங்களை கொள்ளை கொண்டவர் குரலால், அவரை இந்த கொரோணாவினால் இழக்கமாட்டோம், விரைவில் நலமுடன் வருவார்🙏

நன்றி உடையார்,அந்த அமுதத் தமிழையும் அவரின் இனிமையான குரலையும் மீண்டும் கேக்க வேண்டும்.