(ஆர்.ராம்)

 

தமிழ்த் தேசியக் கூட்டமைப்பின் ஊடகப்பேச்சாளர் மற்றும் கொறடா ஆகிய பதவி நிலைகளில் மாற்றங்களை ஏற்படுத்துவதற்காக நாளைதினம் ஆரம்பமாகும் பாராளுமன்ற அமர்வில் கூட்டமைப்பின் பாராளுமன்றக் குழு கூடி உத்தியோக பூர்வமான தீர்மானம் எடுக்கப்படும் என்று அறிவிக்கப்பட்டிருந்தது. 

 

எனினும், நாளை ஆரம்பமாகும் இருநாள் பாராளுமன்ற அமர்வில் கூட்டமைப்பின் தலைவரும், பாராளுமன்றக்குழுவின் தலைவருமான இரா.சம்பந்தனும், கூட்டமைப்பின் பங்காளிக்கட்சியான புளொட்டின் தலைவரும் யாழ்.மாவட்ட பாராளுமன்ற உறுப்பினருமான சித்தார்த்தனும் பங்கேற்காமையினால் பாராளுமன்றக் குழு கூட்டம் நடைபெறமாட்டாது என்று தெரியவந்துள்ளது. 

 

தமிழ்த் தேசியக் கூட்டமைப்பின் தலைவர் சம்பந்தனுக்கு மாவட்டத்தில் காணப்படும் பணிச்சுமை காரணமாகவும், சித்தார்த்தன் தனிப்பட்ட காரணங்களுக்காவும் இந்த இரு நாள் அமர்வில் பங்கேற்க முடியாத நிலைமை ஏற்பட்டுள்ளதாக கூறப்படுகின்றது. 

 

இதேவேளை, கடந்த வெள்ளிக்கிழமை கொழும்பில் தமிழ்த் தேசியக் கூட்டமைப்பின் தலைவர் இரா.சம்பந்தன் தலைமையில் கூடிய தமிழ்த் தேசியக் கூட்டமைப்பின் பங்காளிக்கட்சிகளின் தலைவர்களின் கூட்டத்தின்போது கூட்டமைப்பின் ஊடகப்பேச்சாளர் பதவியை யாழ்.மாவட்ட பாராளுமன்ற உறுப்பினர் ஜனாதிபதி சட்டத்தரணி எம்.ஏ.சுமந்திரனிடத்திலிருந்து மீளப்பெறுதென்றும் அதற்கு ரெலோ தலைவரும், வன்னி மாவட்ட பாராளுமன்ற உறுப்பினருமான செல்வம் அடைக்கலநாதனை நியமிப்பது என்றும், பாராளுமன்றக்குழுவின் கொறடா பதவியை யாழ்.மாவட்ட பாராளுமன்ற உறுப்பினர் சிவஞானம் சிறிதரனிடத்திலிருந்து பெற்று புளொட் தலைவர் சித்தார்த்தனிடத்தில் ஒப்படைப்பதென்றும் கொள்கை அளவில் இணக்கம் ஏற்பட்டதாக பங்காளிக்கட்சிகளின் தரப்பில் தெரிவிக்கப்பட்டுள்ளது. 

எனினும், தமிழரசுக்கட்சியின் பாராளுமன்ற உறுப்பினர்கள் தமக்கு இந்த விடயங்கள் பற்றி உத்தியோக பூர்வமாக எந்த அறிவிப்புக்களும் விடுக்கப்படவில்லை என்றும், ஊடகப்பேச்சாளர் மற்றும் கொறடா ஆகிய இரண்டு பதவிகளையும் பங்காளிக் கட்சிகளிடத்தில் வழங்குவதை ஏற்றுக்கொள்ளப்போவதில்லை என்ற நிலைப்பாட்டில் இருக்கின்றனர். 

இந்நிலையில் நாளை 27 ஆம் திகதி அல்லது 28 ஆம் திகதி நடைபெறும் இருநாள் பாராளுமன்ற அமர்வில் ஒரு நாளில் பாராளுமன்ற குழுவினை கூட்டி இந்த விடயங்களுக்குரிய தீர்வினை காண்பதாக கூட்டமைப்பினுள் முனைப்புக்கள் செய்யப்பட்டிருந்தபோதும் தற்போது அச்செயற்பாடுகளில் தொடர்ந்தும் இழுபறியான நிலைமைகளே நீடிக்கின்றன. 

https://www.virakesari.lk/article/88760

10 hours ago, பிழம்பு said:

தமிழ்த் தேசியக் கூட்டமைப்பின் தலைவர் சம்பந்தனுக்கு மாவட்டத்தில் காணப்படும் பணிச்சுமை காரணமாகவும், சித்தார்த்தன் தனிப்பட்ட காரணங்களுக்காவும் இந்த இரு நாள் அமர்வில் பங்கேற்க முடியாத நிலைமை ஏற்பட்டுள்ளதாக கூறப்படுகின்றது. 

 

நம்ம தலைவர்,  பொறுத்த நேரங்களில் பேசி முடிச்சுப்போட்டு, வைத்திய சேவை நாடிப் போய் படுத்துவிடுவார். மற்றவர்கள் காத்திருந்து விட்டு ஆறின கஞ்சி பழங்கஞ்சி என்று போய்விடுவார்கள்.