உலகக்கிண்ண துடுப்பாட்டப் போட்டியில் தமிழீழத் தேசியக்கொடியை ஏந்தியவாறு மிகப்பெரும் கவனயீர்ப்பை செய்த மயுரன் அவர்கள் தனது நண்பர்களான அனு, சர்வா, கண்ணன், அஜந்தன், ஆதி, மாலன், ஜே, ஆகியோருடன் குழுவாக கனேடியத்தலைநகர் ஒட்டாவாவை நோக்கி நடைப்பயணம் ஒன்றை கடந்த மே மாதம் 22ம் திகதி ஆரம்பித்து இன்று 15 வது நாளாக 300 கிமீ தூரம் சென்றடைந்துள்ளனர்.

ரொரன்ரோ நாதன் பிலிப் சதுக்கத்தில் ஆரம்பித்து பிக்கரிங், ஏஜாக்ஸ், விற்பி, ஒசாவா, போமன்வில், நியுகாசில், போர்ற்கோப், கோபேர்க், ருரான்ரன், பெல்வில், கிங்ஸ்ரன், ஆகிய நகரங்களைக் கடந்து தற்போது புரோக்வில் நகரை அண்மித்துள்ளனர்.

நடந்து கடந்து வரும் நகரங்களில், நகரபிதாக்கள், காவல்துறை அதிகாரிகள், பழங்குடிமக்கள், மாணவர்கள், பல்லின மக்கள், அரசியல்வாதிகள், பத்திரிகையாளர்கள் என பலரையும் சந்தித்து கவனயீர்ப்பு செய்துவரும் இவ்விளையோருக்கு சகல மட்டங்களிலும் பலத்த ஆதரவு கிடைத்து வருகின்றது.

ரொரன்ரோ நகரின் முக்கிய பல்கலைகழகங்களில் இருந்து நூற்றுக்கணக்கான மாணவர்கள் ஒவ்வொரு நாளும் குழுவினருடன் இணைந்து தமது ஆதரவை வழங்கிவருவதோடு மக்களும் அவர்களை நேரில் சென்று சந்தித்து உற்சாகப்படுத்தி வருவதுடன் கனேடியத்தமிழ் வானொலி ஊடாக தமது ஆசிகளையும் ஊக்கத்தையும் வழங்கி வருகின்றனர்.

Stop Errorism” கவனயீர்ப்பு நடவடிக்கையானது, ஒரு பெரும்பான்மை சமூகம் தனது சுயநலன்களுக்காக சிறுபான்மை இனத்தை எப்படியெல்லாம் கொடுமைப்படுத்தும் என்பதை வெளிக்கொண்டுவரும் போராட்டமாகும். இதன் மூலம் எமது மக்களின் தார்மீக உரிமைப்போராட்டத்தையும், தாயகத்தில் பல்கலைகழக மாணவர்கள் உட்பட எமது இளையோர் சந்திக்கும் பிரச்சினைகளையும் தமது கவனயீர்ப்பு மூலம் பல்லின மக்களிற்கு தெளிவுபடுத்திவருகின்றனர்.

எதிர்வரும் ஜுன் மாதம் 11ம் திகதி “வெல்க தமிழ்” நாளன்று ஒட்டாவா பாராளுமன்ற முன்றலில் இந்நிகழ்வு நிறைவடைய உள்ளதுடன் பத்திரிகையாளர் மாநாடு ஒன்றும் நடைபெற உள்ளமை குறிப்பிடத்தக்கது.

காலநிலை குளிர், மழை என இருக்கின்ற போதிலும் உறுதியுடன் நின்று எமது தாயக உறவுகளிற்காக குரல் கொடுக்கும் இவ்விளையோருக்கு அனைவரும் உறதுணையாக நிற்கின்றனர்.

நன்றி பதிவு

கொசுறு தகவல்- மேலுள்ள படம் ஒன்றில் யாழ் கள உறவு ஒருவரும் இருகின்றார் முடியுமானவர்கள் கண்டுபிடியுங்கள்

ஆ எங்க ஆதியைக் காணம்?

கொசுறு தகவல்- மேலுள்ள படம் ஒன்றில் யாழ் கள உறவு ஒருவரும் இருகின்றார் முடியுமானவர்கள் கண்டுபிடியுங்கள்

எந்த படத்தில? அவர்கள் ஒட்டாவா (Carleton University) வரும் போது சென்று சந்திப்பதாக இருக்கிறேன்.

கொசுறு தகவல்- மேலுள்ள படம் ஒன்றில் யாழ் கள உறவு ஒருவரும் இருகின்றார் முடியுமானவர்கள் கண்டுபிடியுங்கள்

கனடாவில் இருப்பவரை மெல்பேர்னில் இருக்கும் ஈழவனுக்கு தெரியுமென்றால், அந்த யாழ் உறுப்பினர் ஈழவனுக்கு இலங்கையில் தெரிந்திருக்க வேண்டும். இலங்கை என்று வரும் போது ஈழவனுடன் ஒன்றாகப் படித்த அருவியும் கனடாவில் தான் இருக்கிறார்.

கனடாவில் இருப்பவரை மெல்பேர்னில் இருக்கும் ஈழவனுக்கு தெரியுமென்றால், அந்த யாழ் உறுப்பினர் ஈழவனுக்கு இலங்கையில் தெரிந்திருக்க வேண்டும். இலங்கை என்று வரும் போது ஈழவனுடன் ஒன்றாகப் படித்த அருவியும் கனடாவில் தான் இருக்கிறார்.

நான் இதற்கு பதில் சொல்லி அடிவாங்கேலாது

கந்தப்புவின் கணிப்பு சரியானதே.

Edited June 7, 200718 yr by தூயவன்

ஆ எங்க ஆதியைக் காணம்?

போனால்தானே வருவீங்க

இது இளையோர் செய்யும் போராட்டம் அதில் ஆதிக்கு என்ன வேலை