ஆறுமுகநாவலர் அருளிய குட்டிக் கதை

சம்பத்து உடையவனாகிய ஒரு வர்த்தகன் இருந்தான். அவன் தன் பல்லக்குச் சுமக்கிற ஆட்களை அழைத்து, "பசுமாட்டுக்கு நாள்தோறும் புல்லுவெட்டிக் கொண்டுவந்து போடுங்கள்" என்றான். அதற்கு அவர்கள் "நாங்கள் பல்லக்கு மாத்திரம் சுமப்போம். வேறு வேலை செய்யமாட்டோம்" என்றார்கள்.

இப்படி இருக்கும்பொழுது ஒருநாள் பசுவின் கன்று வெளியில் ஓடிப்போயிற்று. அப்பொழுது வர்த்தகன் அந்தச் சிவிகையாட்களைப் பார்த்து, "கன்றைத் தேடிப்பிடித்துக்கொண்டு வாருங்கள்" என்று சொல்ல, அவர்கள் "நாங்கள் பல்லக்குச் சுமக்கிறவர்களோ, மாடு மேய்க்கிறவர்களோ" என்றார்கள். அப்பொழுது வர்த்தகன் அவர்களுக்குப் புத்தி வரும்படி செய்யவேண்டுமென்று யோசித்து, மத்தியான வேளையிலே பல்லக்குக் கொண்டு வரச் சொல்லி, அதிலே தான் ஏறி, கன்றைத் தேடும்படி நெருஞ்சிமுள் இருக்கிற காட்டு பார்க்கமாய்ப் போகச் சொன்னான். அப்படியே போய்த் திரிந்து வருந்துகையில், வர்த்தகனிடத்தில் முறையிட்டார்கள். அதற்கு அவன் "பல்லக்குச் சுமக்கிறது உங்கள் கடமை, கன்றைத் தேடுகிறது என் கடமை" என்று சொல்லி, அவர்கள் பல்லக்கை நிறுத்தாமற் சுமக்கும் படி செய்தான். ஆன்று முதல் அவர்கள் நல்ல புத்தி அடைந்து, எசமானன் ஏவும் எந்தக் காரியத்தையும் செய்வது கடமை என்று ஒப்புக் கொண்டார்கள்.

மூலம்: ஸ்ரீலஸ்ரீ ஆறுமுகநாவலர் பாலபாடம்

"சம்பத்து உடையவனாகிய ஒரு வர்த்தகன் இருந்தான்"..

அப்படி என்றால் என்ன? சம்பத்து என்ன அது?

சம்பத்து என்றால் நிறையச் சொத்துப் பத்து உள்ளவன்.

சிவிகையாட்கள் நெருஞ்சிமுள்ளால் குத்துப்பட்டு வருந்தி முறையிட்டபோதும், அவர்களை நிறுத்தாமல் பல்லக்கைச் சுமக்கச் செய்த வர்த்தகனின் கருணையோ கருணை. இதன்மூலம் நாங்களும் படிக்க நிறைய உள்ளது!

ஐயா நாவலரே முதலில் இளையோருக்கு புரியும் எளிய தமிழில் எழுத பழகுங்கள். உங்கள் மற்ற கட்டுரைகளின் தமிழையும் சேர்த்து தான் சொல்கிறேன்.

அது சரி இந்த கதை மூலம் நீங்கள் சொல்ல வரும் கருத்து தான் என்ன?

எந்த தொழிலுக்கு ஒருவன் கூலி பெறுகிறானோ அதை தான் எவனும் செய்வான். கூலி தருகிறான் என்ற ஒரே காரணத்திற்காக கூலிதருவோன் ஏவும் எந்த தொழிலையும் செய்ய வேண்டும் என்று எந்த தர்மத்தில் இருக்கிறது? சற்று விளக்குவீர்களா?

தனக்கு சேர வேண்டிய கூலியான மாம்பழத்தை தர மறுத்ததற்காக தாய் தந்தையரை எதிர்த்து முருகன் எழுப்பிய உரிமைக்குரலை தப்பென்று நீங்கள் அன்றாடம் போற்றும் ஈசனும் சொன்னதாக நான் அறியவில்லையே.

சனாதன தர்மத்திற்கு சம்பந்தமே இல்லாத கருத்துக்களை சைவத்தின் கருத்துக்களாக கூறுவதும், சைவம் சொல்லாத சாதி பாகுபாடுகளை கூறி சைவத்தின் பேரால் செய்யப்படும் பித்தலாட்டங்களும் சைவத்திற்கு செய்யும் சேவைகள் அல்ல. சைவத்திற்கு செய்யப்படும் அநியாயம்

Edited July 28, 200718 yr by vettri-vel

"சீவனார் வேறு சிவனார் வேறிலை

சீவனார் சிவனாரை அறிவாராகில்

சீவனாரே சிவனார் ஆவார்".

இதில் எங்கே ஐயா உள்ளது

கூலிதருவோன், கூலிபெறுவோன்

உயர்ந்த சீவன், தாழ்ந்த சீவன் என்கிற பேதங்கள்?

Edited July 28, 200718 yr by vettri-vel

கதை சொல்லும் நிதி என்ன எண்டால் முதலாளியிடம் தொழிலாளி அடிமையாக நடந்து கொள்ள வேண்டும்.....

அதுக்கு சிவிகை தூக்குவோரையும் சொல்ல வேணும்... அந்த முதலாளியை விட்டா வேற வேலையா கிடைக்காது...??