ஒரு பக்கம்

[sOliyAn]

யேர்மனி பிறேமன் தமிழ்க்கலை மன்றத்தினால் இ.த. இராஜனின் (யாழ்கள மணிதாசனின்) நெறியாள்கையில் பொங்கல் விழா (தை 2007) அன்று மேடையேற்றப்பட்ட நாடகம். இது ஒரு சற் கதையை மையமாக வைத்து பின்னப்பட்ட கதை.

இங்கே இணைத்து உங்களது கருத்துக்களை இதுபறற்றி அறிவது பொருத்தமாக இருக்கும் என எண்ணுகிறேன்.ன்.

http://tamilamutham.net/amutham/index.php?...3&Itemid=30

[கலைஞன்]

சோழியன் அங்கிள்,

நாடகத்தை பொறுமையாக 45 நிமிடங்கள் இருந்து பார்த்தேன். சூப்பராக உள்ளது. அதில் நடித்த அனைவரும் மிக நன்றாக நடித்துள்ளார்கள். கடைசிப்பிள்ளையாக குமுதன் பாத்திரத்தில் நடித்த சிறுவன் மிகநன்றாக நடித்துள்ளான்.

இந்த நாடகத்தை நெறியாள்கை செய்த மணிதாசன் தானா நாடக கடைசியில் வந்து கதைப்பவர்? இதுவா அவரின் புரபைல்? சரியாகத் தெரியவில்லை, எனவேதான் கேட்கிறேன்...

http://www.yarl.com/forum3/index.php?showuser=12

நாடகம் ஆரம்பத்தில் இருந்து இறுதிக்கு சற்றுமுன்வரை பகிடியாக சுவாரசியமாகப் போனது. கருப்பொருள் நன்றாக உள்ளது, ஆனால் அக்காவும், தம்பியும் ஆளையாள் முகம் தெரியாமையால் இண்டர்நெட்டில் காதலர்களாக சந்திப்பது யதார்த்தமாக அமையவில்லை. இதை சற்று மாற்றி இருக்கலாம்.

அழகிய பாடல் ஒன்றும் நாடகத்தில் வந்துள்ளது. நாங்கள் நித்திரையால் எழும்பியதும் முளிப்பதும், படுக்கும்போது கடைசியாக விடைபெறுவதும் கணணியில் தான்! நவீன உலகில் இது தவிர்க்க முடியாதது. இது எனது தனிப்பட்ட கருத்து. இதை பிழை என்று சொல்ல மாட்டேன். நான் பாங்கிங் தொடக்கம் விமானசீட்டு, மற்றும் வீட்டுக்கு தேவையான பொருட்கள் வாங்குவதெல்லாம் கணணியூடாகத்தான். எம்.எஸ்.என் சட் மூலம் பல பிரயோசனமான அலுவல்களைப் பார்த்துள்ளேன். இதனால், எனது தனிப்பட்ட அனுபவத்தை வைத்து பார்க்கும்போது கருப்பொருள் அவ்வளவு பிடிபடவில்லை. கத்தியை வைத்து காய்கறியும் வெட்ட முடியும், கையையும் வெட்ட முடியும், இங்கு கையை அறுப்பது போல் காட்டப்பட்டுள்ளது.

எனினும், நாடகத்தில் காட்டப்படும் சில சிக்கல்கள் வருவது என்னமோ உண்மைதான். அதாவது கணணியில் அலுவலாக இருக்கும்போது ஒன்றுக்கு - சலம் வந்தாலும், எழும்ப மனம் வராது. "பால் முடிஞ்சு போச்சு கடையில போய் ஒரு பால் பக்கட் வாங்கிக்கொண்டு வா!" என்று அம்மா சொன்னால் சரியான கோபம் வரும்... இப்படி, பிள்ளைகள் கணணியில் ஆர்வத்துடன் ஊறி விடும்போது வீட்டில் அவசரத்துக்கு உதவிகள் செய்யும் தன்மை குறைந்துவிடுகின்றது. மேலும், பிள்ளைகளின் மற்றைய சில ஆற்றல்கள், உதாரணமாக வெளியில் விளையாட்டுக்களில் ஈடுபடுதல், மற்றும் கலையார்வம் போன்றன மழுங்கிவிடுகின்றது என்பதும் உண்மைதான்.

இங்கு குறிப்பாக சுமார் 17 வயதுவரை பிள்ளைகள் நிச்சயம் பெற்றோரினால் கணணியில் என்ன செய்கின்றார்கள் என்று கண்காணிக்கப்பட வேண்டியவர்கள். தாய், தகப்பன் பிள்ளை நல்லா படிக்கும் என்று நினைத்து மிகவும் விலையுயர்ந்த கணணியை வாங்கிக்கொடுக்க பிள்ளை அதில் இருந்து வேறு ஏதோ செய்ய முயற்சிக்கின்றது. இதனாலேயே, பெரும்பாலும் இணையங்களில் வயதுக்கட்டுப்பாட்டு விதியை ஆகக்குறைந்த வயது எல்லையாக 18 ஐ வைத்து இருக்கின்றார்கள் (கொள்கை அளவில்).

நாடகத்தில் மிகச்சிறப்பாக நடித்த அனைத்து கலைஞர்களிற்கும், பாடலை எழுதியவருக்கும், மேலும் எங்கள் யாழ்கள மணிதாசனுக்கும் ஒரு ஓ போடலாம்! பாராட்டுக்கள்!

[sOliyAn]

கலைஞன்.. நீங்கள் குறிப்பிட்டு விசாரித்தவர்தான் மணிதாசன். அவர்தான் வில்லிசைக்கலைஞர் நாச்சிமார்கோயிலடி இராஜன். கணனிப் பிரச்சினைகள் காரணமாக யாழ் களத்துக்கு வரமுடியாமல் உள்ளார் என்பதுதான் உண்மை.

இந்த நாடகத்திலே, அக்கா தம்பி சற் பண்ணும் சம்பவம்.. ரீரீஎன் படலைக்குப் படலை சுதன்ராஜின் சிறுகதை ஒன்று. அதை வேறு சில பாத்திரங்களுடன் நாடகமாக்கியுள்ளார். மற்றும்... நாடகத்தின் தலைப்பு ஒரு பக்கம்.. அதாவது சற் உலகில் ஏற்படும் விளைவின் ஒரு பக்கத்தை காட்டுவதுதான் இந்த நாடகத்தின் முக்கிய கருவாக உள்ளது.

[Paranee]

இணைப்பிற்கு நன்றி சோழியன் அண்ணா

மணிதாசன் அண்ணாவின் வில்லிசை கேட்டிருக்கின்றேன்.; .இப்போது மேடை நாடகம் வாழ்த்துக்கள்

இணைய சற் வைத்துத்தானே நீங்கள் ஒரு சிறுகதை எழுதினீர்கள் ஜஸ்கிறீம் சிலையே நீதானோ ?

நீண்ட நாட்கள் ஆகிவிட்டது உங்கள் ஆக்கங்கள் பார்த்து

விரைவில் உங்கள் ஆக்கங்களை காணலாம் என்ற நம்பிக்கையில்

[ஈழப்பிரியன்]

காலத்திற்கேற்ற அருமையான நாடகத்தை அரங்கேற்றிய பிறீமன் தமிழ் கலை மன்றத்தினருக்கு வாழ்த்துக்கள்.அத்துடன் யாழ் இணையத்தில் இணைத்த சோழியானுக்கும் ரொம்ப நன்றி.